قال الله وقال الرسـول

الشاعر / عبدالله الطلحي

ماكل دخان في المجلـس يجيلـه قبـول=من قال دخان عود الطيب مثـل البكـت
ولاكل قافٍ سمعته قلـت ليتـه يطـول=قيفـان ماهـزت إحساسـي ولاحركـت
ولاكل راعي سوالف ملتـزم بالأصـول=كم سالفة من خيـال الـراوي تفبركـت
يا مضحّك الناس مايطري عليك الفضول=الناس تضحك معك وإلا عليك إضحكـت
إن كان منته بقايل شـي يمـلا العقـول=الصمت خير إلك من ترديد بعض النكت
محدٍ بقايل لراعي الصمـت ليتـه يقـول=لكـن كـم قيـل للهراج ليتـه سـكـت
وياشاعرٍ صرت من دنيا الهوى في ذهول=دنيا الهوى شربكت دنيـاك وتشربكـت
ماتهرج إلا عن الفرقى وظلـم العـذول=وقلوب تشكي لها وقلوب منـك إشتكـت
لـو القصايـد تقـدم للقضايـا حـلـول=ماكل ساعة نزف جرحك وعينك بكـت
في سكة الوهم ماتلقى محطـة وصـول=كم ضيعت ناس قدامك ونـاس اهلكـت
قبلك ترانـا مشيناهـا طلـوع ونـزول=سقنا الركايب بدرب الجهل ليـن بركـت
حتى وصلنا بعد مرت علينـا الفصـول=لنهاية الصيف وايام الخريـف اوشكـت
من هرجنا ويش مكسبنا بعـد مانـزول=ياما حكينا ويامـا النـاس عنـا حكـت
والهرج من دون قال الله وقال الرسـول=جسمٍ بلا روح لـوإن العقـول أدركـت

الخطاف

سلمت يمينك على نقل هذه القصيدة الجميلة ...

حاولت اقتبس ابيات تعجبني وجيت الا وكل الابيات عاجبتني ... وهذا من رقي ذائقتك ياغالي ...

انتظر القادم وللمرة المليون اقولك نزل لنا ابيات نبط من عندك ...

إحترامي

من هرجنا ويش مكسبنا بعـد مانـزول
ياما حكينا ويامـا النـاس عنـا حكـت
والهرج من دون قال الله وقال الرسـول
جسمٍ بلا روح لـوإن العقـول أدركـت


الخطاف

رائع هو أختيارك
بالفعل مايحلى الكــلام إلابذكر خير الانــام

كل الموده

جبرني الوقت
الله يحييك ويعز مقدارك يا الغالي
شرفتني بحضورك إلى هنا ومشاركتك
با لنسبه للقصيد فخلني ساكت أحلى
أخاف أجيب قصيده بعدين تقولون والله ماكذب الشاعر يوم قال:
محدٍ بقايل لراعي الصمـت ليتـه يقـول ..... لكـن كـم قيـل للهراج ليتـه سـكـت
هههههههههه
تحياتي

تبارك الرحمن الله يعطيك العافية

قبلك ترانـا مشيناهـا طلـوع ونـزول

سقنا الركايب بدرب الجهل ليـن بركـت

حتى وصلنا بعد مرت علينـا الفصـول

لنهاية الصيف وايام الخريـف اوشكـت

من هرجنا ويش مكسبنا بعـد مانـزول

ياما حكينا ويامـا النـاس عنـا حكـت

والهرج من دون قال الله وقال الرسـول

جسمٍ بلا روح لـوإن العقـول أدركـت

قصيدة جميلة
بيض الله وجهك ووجه قائلها
تحياتي

الخطاف

راقي الله يعطيكـ الف عافيه

جميلة هذه القصيد بكل ما تحمل والأجمل من هذا انه من الخطاف

لب لجبرني الوقت طلبه وكلنا بإنتظار روائعك الجميله

ودي وتقديري

المشاركة الأصلية كتبت بواسطة بن ظافر

تبارك الرحمن الله يعطيك العافية

قبلك ترانـا مشيناهـا طلـوع ونـزول

سقنا الركايب بدرب الجهل ليـن بركـت

حتى وصلنا بعد مرت علينـا الفصـول

لنهاية الصيف وايام الخريـف اوشكـت

من هرجنا ويش مكسبنا بعـد مانـزول

ياما حكينا ويامـا النـاس عنـا حكـت

والهرج من دون قال الله وقال الرسـول

جسمٍ بلا روح لـوإن العقـول أدركـت

بن ظافر
حياك الله يالغالي
وكلي شرف بمرورك من هنا
تقديري