سبب تاخر زواج الفتيات بمجتمعنا .....هو (النساء)

بسم الله الرحمن الرحيم

بنات ابغي اقولكم رائيي في سبب تاخر الزواج الي اعتقد ان الاغلبية جاهل فية
الحين مجتمعنا السعودي هو مجتمع محافظ خصوصا بالزواج
يعني الي يفكر يتزوج من الرجال اكيد و 100% بيرجع لاهلة الي هي الام الاخوات وغيرة
من اجل البحث عن العروسة المناسبة (( مناسبة في نظرهن فقط))
بصراحة يابنات انا اشوف الي يعرقل الزواج ويحط امور تعجيزية هن بعض النساء
انا دايما ادخل الحياة الاجتماعية واقرا مواضيع بس مايحز بنفسي ويحزنني الا مواضيع الزواج
البنت تكتب بحزن عن حالتها وهي عزباء وانة ماينقصها شي حتى احس من طريقة كلامهم انها مستعدة تخفف امور الزواج من مهر وغيرة بس للاسف لاخالة تشوفها وتخطبها لولدها ولا عمة تشوفها ولاحتى صديقاتها يخطبوها لاخوانهم
يـــــــــــاصديقة اذا همتك وحدة صديقتك اخطبيها لاخوك واذا مو عاجبتك البنت لية صادقتيها ؟ يابنت العم يابنت الخال
اذا شفتو احد يبغي يتزوج اذكرو صديقتكن واذكرن صفاتها الحسنة
لاتسكتن او تقولن مالي دخل اخاف اتورط اذا ماعجبو بعض؟ لالالالا حبيبتي محد يلومك البنت اكيد بتوافق علية من ارادتها ومحد يلومك هذي مجرد اعذار اعذار اعذار
العيب مو من الرجال الرجال موجودين بس مايشوفون ولا يعرفون بنات بحكم طبيعتنا المحافظة
يعني لو تفكرن فيها راح تعرفن ان النساء لهن دور كبير جدا جدا بحل مشكلة العنوسة
هن باايدهن يختارن البنت ويمدحنها قدام الرجل وهن باايدهن يذمن البنت ويكرهن الرجل فيها
اكيد بيصدقهن لانهن اولا اهلة وثانيا بحكم انهن نساء يجلسون مع بعض
انا قبل دقائق بس قرئت موضوع لوحدة تبغي تخطب لاخوها الشرط الاساسي والوحيد لاخوها انة يبغيها ذات خلق ودين
البنت متوفرة هي تقريبا بسن اخوها وذات خلق بس تركتها وفكرت بوحدة اصغر بكثير منها ومراهقة بعد؟
...
مسالة السن والعمر انا متاكدة فية كثير من الشباب متوافقين تماما مع بنات بالعمر والثقافة بس للاسف
تلقين الاهل يخطبون بنات بالثانوي صغيرة جدا يعني نقول انها بااخر سنة راح يكون عمرها 18 والولد 25 او اكثر
لية ياحريم تتركون بنات بعمر عيالكم ويفهمونهم اكثر بمحكم تقارب العمر وتخطبون طفلة؟؟؟
لية تجون بالاعراس او بااي مكان عام تمدحون بنت وتلمحون انكم تخطبونها لولدكم بعدين تتركونها اسيرة احلامها؟
تلعبون بعواطفها؟ لانكم عارفين انها بعمر شي طبيعي تكون بحاجة للزواج
وشي ثاني فية بنات اكبر من الشباب بكم سنة بس ماشاء الله عليهم جمال ورقة كانها بنت 14 على قولتهم
........
اذا الرجال عندنا من انفسهم يقولون نبغي ذات دين وخلق ومااشترط الجمال ولا ثقافة ولاشي اخر يعني لو جت العروس
فيها كل المواصفات هذي بيكون اسعد رجل
بس انتم يالحريم الله يهديكم لكن شروط خاصة وظالمة بحق البنات وبحق اولادكم
يهمكن الشكل وصغر العمر يفضل اقل من 20
وفية شي بصراحة يصدم ان بعض الحريم يحبون الي ترقص؟ والي لسانها طلق راعية سوالف
يعني الخجل احس انة ماينفع
...
فية بعض الرجال يكون هو اختار البنت ويطلب من الاهل خطبتها تخيلو ايش يصير؟
تصير انتفاضة من الاهل الام والاخوات ويحطون فيها الف عيب حتى عن الاخلاق بيتكلمون اهم شي مايتزوج الي فبالة
لية هو الي بيتزوجها ولا انتي؟ اذا موعاجبتك بتعجبة ويبغيها ام اولادة واذا انتي شايفة عليها شي هذا شي راجعلة هو
الرجال الي يتحمل نتيجة غلطة بس لاتتدخلون وتقطعون ارزاق بنات خلق الله
....................
الحريم يقدرن يغيرن رائي وياثرن على الرجل سواء كان زوجها او ابوها او ولدها بمسالة الزواج واختيار البنت

وعذار اذا ماعجب البعض كلامي بس انا ماقلتة الا من كثرة المواضيع واختلاطي بالناس

والي عجبهم كلامي ادعوا لي ان تتم امور نقلي على خير
يــارب

ربي يع ــطيكـ الع ــآفيهـ على
هالطرح الرآئع .~
تحياتي .~

كلامك فيه واقعية كبيرة جداً ..
وبصراحة أعتبره موضوع إصلاحي بشكل كبير وتنويري في نفس الوقت وكذلك هام وهام جداً ..
لابد أن يعرف كل من وقع عليه أمر الإستشارة أنه مؤتمن سواء كان رجل أو إمرأة ومثل ما يقولون : من استشارك فقد أاتمنك ..
أسأل الله أن يحقق لك كل امانيك ..
كل التقدير ..

عطيك العافية كلامك واقعي وملموس
عوااااااافي عوااااااااافي

يسلمو جميعا على المرور