قصيده حزينه جدآ

اليوم جبت لكم قصيده حزييييينه جدا
شاب متهور طالع مع امه وسوا حادث من التهور الزاايد واتوفت امه
شوفوا وش كتب الشاب
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني .

ياالله بجد قصيده تبكى الله يرحم الاموات
ويصبر كل شخص فقد غالى يعطيك العافيه
دايما مانعرف غلاه الشخص الااذا فقدته
مشكور

قصديه محزنه وفيها عبر

واقبل ايدك ورجلك وافرش لك رمش عيني
من باقى يعمل مع أمه هذه الصفات الله يرحم حالهم منا وشكرا لك على هذه القصيده

قصيدة قمه في الحزن


لا عدمناك يا غالي ع هذا النقل الرائع.

مشكورين على المرور جميعاً تقبلوا مودتي امير الاحساس

لاحول ولاقوة إلا بالله

لاهنت يالقرم

يعطيك العافيه


















كنت هنا

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

كلمات من الصميم...الله يرحمها ويجبر مصيبت ولدها
امير,,,,,, دام تألقك,,,,,,

وصار الهم عكازي اباكيه ويباكيني
عطيتيني بدون حساب ولا سمعتك تقولي هات

الله يرحمها ويصبر قلبه مشكور