ادري حبيبي من ورى عيني تخون..!

السلام عليكـــمـ
صباح/مساء الخير
....


أَدْري وَالله يَـا حبيبي مِـن وَرى عيـنـــي تخون
لا تِظِـن إنِّك مِكَـــذِّبْ .. لا تِصَدِّقهَـا ظِنونكـ


ومِن يُقول آنا أحِبـكـ وقلبي عايش لِكـ يصون
آنـا مثلك يا حَبيبـي مِن وَرى عِينك أَخونك

هَـان قلبـي في عُيونِك و هَم بَعَد قلبِكـ يُهون
عِشت أيَّامِـكـ بِدُونِـي و عِشت أيَّامِي بدونكـ

دامِك تِسَمِّــي الخِيَانَــهـ في مَلفاتِك جنون
فِينـــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبكـ ؟ ليه أحبكـ ؟ وإنتَ أصلاً مِن تكون
شخص خايِن واللهـ باين حِط عيـني في عيونك

لا تِمَثِّـل دُور عَاشِـق .. ولا تِقول إنِّكـ حنون
إنتَ قاسِـي إنتَ ناسِـي إسأل اللِّـي يعرفونكـ


أوترى يمكِـــن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونكـ

لا تِصَدِّقهُم وتَبكِي وفـي غِيابِـكـ يضحكون
لا تأمِّنهُـم وأحـذَر قبـل لا تبـدي طعونكـ

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونكـ

والمصيبه بَعَد مُوتِك بالكِذِب هُـم يحزنون
يدفنُونِـكـ .. يكرمُونِـكـ.. و إلاَّ يمكِن يتركونكـ


هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنته يخُون

مبدع كما عهدناك خالد
شاعر متمكن الله يعطيك العافيه
تقبل اعجابي ومودتي
ابو عبدالله

اسمح لي ابدي اعجابي بقلمك وتميزك واسلوبك الراقي وتالقك

تقبل مروري(( خالد)) تحياتي لك

المشاركة الأصلية كتبت بواسطة صالح آل سلمان

مبدع كما عهدناك خالد
شاعر متمكن الله يعطيك العافيه
تقبل اعجابي ومودتي
ابو عبدالله

منور حبيبي وانا موب شااعر فقط متذوق(:

المشاركة الأصلية كتبت بواسطة روح القصيد

اسمح لي ابدي اعجابي بقلمك وتميزك واسلوبك الراقي وتالقك

تقبل مروري(( خالد)) تحياتي لك

هلااابك حبيبي منور ماننحرم من تواجدك(:

المشاركة الأصلية كتبت بواسطة خالد البقمي

بَس إفهَم شَي واحِـد .. والله مِن خِنته يخُون

صح لسانك يابو خلووووووووووووود

الف شكر

خااااااالد البقمي


لا جديد

فانت

دائما


الطـــــــريــــــــقـــ>>>>>>>>الىــــ <<<>>>>الإبداع ــــــ