قصيده في الضابط العميد ركن /عبدالله بن محمد العمري

ياشيخ أنا جيتك على الفطّر الشيب = قزان من دار المحبين دباب
دبا عليّ ودب مني بتقريب = قل المواشي ياذرا كل من هااب
من دارنا جينا لدارك مغاريب = يموم نجم لاتغير ولا غااااب
متخيرك يامنقع الجود والطيب = لا خيب الله للاجاويد طلاّب
سلام من قلب محب بلا ريب = له يستتاب الشاب ويشب من شااب
يالجوهر الناريز يالعطر يالطيب = يالصعل يالصهال ياحصان الاطلاب
يالزير يالزحار يالنمر يالذيب = يالليث ياللايوث يالشبل يالداااب
يالضاري الضرغام عطب المضاريب = يالفرز يامفراص ضده والاجنااااب
يالنار الهيلع عقاب المراقيب = يانافل جيله بعيدين واقرااب
نطاح طابور العساكر الى هيب = ستر العذارى ليا غشى الزمل ضبضاب
عيبك الى من قالوا الناس بك عيب = بالسيف لرقاب المنااعير قصاااب
عيبك الى من قالوا الناس بك عيب = للسمن فوق مفطح الحيل صباااب
وذبح الغنم والكوم حرش العراقيب = وعطا المهار وبذل مال بلا حساااب
وبك شارةِ كبّ الفراد المحانيب = وبذل الطعام وللتنافيل كسّاب
نمراَ تجرده للعدا والأجانيب = تفجا بها غرات ضدك بالاسباب
ومن عقب ذا بالعون ما بك عذاريب = أحلى من السكر على كبد شرّاب
جيناك فوق الهجن شيب المحاقيب = لمشاهدك ياشوق وضّاح الانياب
الحرّ يضرب بالكهوف المعاطيب = والتبع قنّاصه من الصيد ما جاب
وانت الذي تافي بكل الواجيب = كنك " هديب الشلم " بالحمل عتّاب
تثني لابو صلفيق ما به تكاذيب = شيخ الصخا معطى طويلات الارقاب
يا ما عطيت اللي يجونك طلاليب = كم واحدِ جا لك من الوقت منصاب
وفرجت همه في كبار المواهيب = من عليم يزمي كما يزمي الزاب
عزّ الله انك طيب وتفعل الطيب = والطيب يجني منك يا زاكي الانساب
ولاهو كثير يا مهدي الاصاعيب = أفعالكم يعده اللي بالاصلاب

وسلامتكم