تدري اني مت ولا مادريت

وبعد غياب طويل اعود لكم بهذه الابيات اتمنى تعجبكم00

بعد طول غياب مرت وأعتزيت00 قلت هذا من ترك خله دريك

جيت له ثم قلت وشفيك أختفيت00 يوم أنا من جد محتاجك وأبيك !!

وقلت له وشفيك صديت وجفيت00 وليه بعت اللي بعمره يشتريك

وليه غبت ووين رحت ووين جيت00 وكيف تنسى من بحبه يرتجيك

هي غصيبه أو ظروفك أو نسيت00 ماأعتقد تنسى وعد الأيام ذيك !!

تدري أني للأوادم مأشتكيت00 وأن صدري صار للعبره شريك !

وتدري أني مت وألا مادريت00 لعنبوك أرحم محب مات فيك

وتدري أني كل مانمت وصحيت00 شفتك بجفني وعيني تحتريك

في غيابك صار كيت وصار كيت00 وجعل ماجا في خفوقي مايجيك

أشهد أني في محبتك أبتليت00 حظ من تغليه حظ أمك وأبيك

هلت دموعه وكلمني ورضيت 00يوم سالت دمعتي منك .. عليك

قلت بدري .. قال صدري ماقويت 00قلت وش بك .. قال جعله يلتقيك

قلت من هو؟ .. قال خلك .. وأستحيت00 وصد.. وأخر قوله الله يهديك

ماحكيت ورحت أردد شطر بيت00 ((ياشبيه صويحبي حسبي عليك))


ملطوووووووش