محاوره

السلام عليكم ورحمة الله وبركاته

المحاوره يا طالب المحاوره بس ارجو ارجو الالتزام بالقافيه والوزن عشان تحلو المحاوره ولا مانع من ان تكون رباعيه

البدع



يا ذيب انا عندي قصيد من ذهب يجمد على الشارب ويرخي منكبك
وشعيل شال الحمل فوق المنكبي واللي عقد روس الحبال يحلهـــــا

السوق به جلاب والجالب جلب فما غلبت السوق ولا يغلبــــــــــــك
محد قدر للزير حتى التغلبي واللي عقد رووس الحبال يحلهـــــــــا

تسلم يا أزرق العود
ولو انا ما حن في مستوى شاعريتك،
لكن بنجاريك والله يعين



ماني ترى القرقاح ولاّ بو شنب ----- يابو شنب به ناس تسلك مذهبك
لا تقرب امن الذيب الاسود ياصبي ------ واللي عقد روس الجبال يحلها




لو تحتمل جمرة ترى عندي شهب ------ ياعود ماهي كل نار تذهبك
احذر يجي مني شهاب(ن) ثاقبِ ------ واللي عقد روس الجبال يحلها

الله يدلهم
ابشروا بنا مخيّله

ينزل مكانك يا صبي بين العرب لا تحقر النفس العزيزه تتعبك
وشلون تقدر للطريق المتعبي واللي عقد رووس الحبال يحلها

يا للعجب يا صاحبي يا للعجب تبدآ المشاكل وآنت مآكل واجبك
شاعر وشاعر كيف ينسى الواجبي واللي عقد رووس الحبال يحلها

يا قايد المركب ترى الموج اقترب - - - في بحرنا الامواج تغرق مركبك
وانا على بحري رسيت ابمركبي - - - واللي عقد . . . .


بيجيك موتٍ بعد ما جاك النصب - - - من يوم انصّك للمعشَّـر وانصبك
وانا علا جاهي ويعلا منصبي - - - واللي عقد روس . . . .

يا راعي الامواج وش لك في النشب جبت الحكم يحكم ولاهو عاجبك
وانته عزيز وقدركم وان عاجبي واللي عقد رؤوس الحبال يحلها

تبت يدك يا صاحبي تباً وتب وتبت يدين اللي يصاحب صاحبك
صاحبك صاحبنا ولاهو صاحبي واللي عقد رؤوس الحبال يحلها

الحاكم اللي تقصده خان الطلب - - - دقق بشعره ما يوفي مطلبك
واللي جفا الشعار ينسى مطلبي - - - واللي عقد روس الحبال . . .


رجليك لو تجري بها جاها الصلب - - - وفي جذوع النخل موقع مصلبك
وانا ادري انك عمري(ن) ما انت اصلبي - - - واللي علا روس الجبال يدلها

أزرق العود + ذيب عمرين 0

يعطيكم العافيه وعساكم على القوة 0

يا ذيب وسط النار زودت الحطب وتنشد ورى الشعار تحضر مطلبك
حققت بذراعي مناي ومطلبي واللي عقد رؤوس الحبال يحلها

لا غاب ليث الغاب سحبت الذنب وتقول انا الضرغام محدٍ يقربك
واليوم جاك الموت عجِّل وآقربي واللي عقد رؤوس الحبال يحلها

عود الليل

غرمان بن عزيز

شاكر لمروركم ومتابعتكم

ترى فيه تكرير لأحد القوافي
لو تنتبه الله يحفظك




ليثٍ وما عنده نيابٍ وامْخَـلب*-*-*خرعان مني قبل نَ عْوي أرتبك
وما اخبر إن الليث له قلب أرنبِ*-*-*واللي عقد روس الحبال يحلها


انته منكّر ما اعرفك يا منحجـِب*-*-*وما دمت خارج جملةٍ ما نعربك
ترا حذفـْـتك من مجاميع اكْــتبي*-*-*واللي عقد ................

يا ذيب فرق العسكريه في الرتب ولا صرت ذيبٍ فالآسد ما صاح بك
نعرف فريستنا ولو هو صاح بي واللي عقد رؤوس الحبال يحلها

السم مخلوط بعسل واشرب شرب هاذا ذحاح السم دايم مشربك
وفنجال بو زيد الهلالي مشربي واللي عقد رؤوس الحبال يحلها

المعذره يا ذيب العتب عالنظر وبعد الرد الراي لك لو نكمل او تغير فآنت ابوها وسمها

معذور وترا ما حن مثل ما ذكرت الله يوفقك
وأنا أقترح تغير الطاروق لأن الطاروق ذيه ممل


حنا ترى نشرب من الــوِرد العذِب -*-*- يامالح الما مابجيك ولا اقْربك
وغيري على المالح يروح ويشربِ -*-*- واللي عقد . . . . . . . .


إلى غزيناكم جثيتـو عـ الــركب *-*-* وأنا بمثـّل بك واحسّن شاربك
واتْصير تبكي وين ومي؟ وين ابي؟ ---- واللي . . . . . . . . .

معذور وترى ما حن مثل ما ذكرت الله يوفقك
وأنا أقترح تغير الطاروق لأن الطاروق ذيه ممل




حنا ترى نشرب من الــوِرد العذِب -*-*- يامالح الما مابجيك ولا اقْربك
وخصمي يسافر لاجل بحر المغربِ -*-*- واللي عقد روس الحبال يحلها


إليا غزيناكم جثيتـو عـ الــركب *-*-* وأنا بمثـّل بك واحسّن شاربك
واتْصير تبكي وين ومّي؟ وين ابي؟ ---- واللي عقد روس الحبال يحلها


المعذرة على التكرير بس اني وقعت في نفس الخطا كررت القافية ولا انتبهت الا بعدين وحاولت التعديل وعيّت الإدارة يقولون عدّا 45 دقيقة !