زمـــــــــــــــــــــــــــــــــــــــــان .....

زمـــــــــــــــــــــــــــــــــــــــــان
نسيتي المزح بالقبة ونسيتي لعبنا الطبة
نسيتي كشختي دايم بثوب دوبلين خـبة
نسيتي غترة الململ تغطيني تقل جبة
نسيتي الركض بالطاية لاصار بدارنا شبة
لاجابوا فضلة القرصان نتسابق ودنا نلبه
نسيتي إزعاجنا لمك وهي بالحوش منكبة
نسيتي معلف ام العوف تظفينه وانا اكبه
نسيتي ثوبك الترتر وغيظك لأنقطع حبه
نسيتي بسطة عزيز ايلاجاء العصر بالقبه
نسيتي خرطه الماصل يجيب الحكي من عبه
نسيتي القربة الشنه وماها البارد نقبه
نسيتي قولك معصقل وانا اعيرك يالدبه
نسيتي نعالنا التليك هي الموتر ونلعب به
نسيتي موعد الحنا ايلا جاء صابكن خبه
نسيتي طيحتك بالليل وهي ظلماء وانا السبه
نسيتي اكلنا الهبود نتناقر والسبب حبه
وامك لاتهاوشنا وتحط بعيوننا شبه
نسيتي ثوبك الكرته ننكت فية ونشبه
نسيتي كحة المذن قبل يذن يبي ينبه
نسيتي تريكنا المصنق نغسلة قبل ما نشبه
وندعى ربنا يكود العنز تجيب وليد نلعب به
نسيتي كيف اوصف لك زمان يعلمه ربه
حلو رغم الفقر بالحيل زمان راح ونحبه
نسيتي ليه ما ادري دخلتي الوقت من جبه
لك الفديو لك التلفاز لك المكياج ما احبه
لك الدنيا بزخارفها وعطيني حظار مع قربه
ومعهن مسفع بالي وثوب اللس والطبه .....



منقووووووووووووووول...

;) ;) ;)


اش رايكم في هذا الشاعر والله جاب ايام زمان من جد...

ووصف وصف رايع...مع حبيبته..

أقووول صدقني انها عودت ..تطيب لي علومك.

عسى الله يخليك لنا ..... قل آمين

قصيدة ..حلوووة ...

مادام انك أنت ناقلها ،،

تحياتي

حلوووووة يا شايب والله انك مهستر
تحياتك لك يا شايب

ابو محمد بوه...

بشيبي ذيه ولا قد طبت لك اعقب ياذا الولد العاق...

امزح معك سهوري ....

وصارت احلا بمرورك على الموضوع وتعليقك...

جدك الشايب...

خالد الله يخليك شايب لا تلومه لو هستر...

وتراى ما يعقلها الا شايب الله يرضى عليكم ...

ههههههههههههههههههههههههههه (ابتسامه لكم)

صدق ما قصرت مرور كريم من شخص كريم وتعليق رايع اشكرك ولك مني

التحيه...

جدك الشايب...

ابو ريان انت مكلف تحضر جدي الشايب وترجعه للمنتدى
لو نشتري له جهاز
قل تم