<(((( أصحاب الجاه والفخامه ))))>

يالله ياللي مظهرٍ نور الأصبــــــــــاح = جنب مسيرتنا طريق النـــــــــــــدامه
وأجعل لنا في كل عوده ومــــــرواح = حظٍ سعيد ومكسب في تمـــــــــــــامه
من بعدها مني سلامٍ له وشـــــــــــاح = وشاح عزّ يلبسه بإحتـــــــــــــــــرامه
سلام مني عدّ ما بـــــــــــــــارقٍ لاح = سلام من شاعر يسابق ســـــــــــلامه
سلام يا ناسٍ لهم قلبي أرتـــــــــــــاح = في نهجهم ألقى السعد والســـــــــلامه
كسبتهم والمعرفه رآس الأربــــــــاح = ولا كسبها غير راعي كـــــــــــــرامه
وأنا سعيد الحظ وأيامي أفــــــــــراح = وكسب الرجال ومعرفتهم عــــــــلامه
علامة يشبه لها نور وضــــــــــــاح = اللي ينير الكون بعد العتـــــــــــــــامه
وأقسم بربي صدق مانيب مــــــزاح = إني كسبت أصحاب جاه وفخــــــــامه
إن جيتهم مهموم أنا همي إنــــــزاح = وإن جيتهم بالشعر جاني وســـــــــامه
وللصبر بعد الله مع الناس مفتـــــاح = والطيب روضٍ والبشاشه خـــــــزامه
والفقر في بعض المواقيف ذبـــّـاح = يحرم كريم الأصل لذة منــــــــــــامه
والمرجله بحرٍ بها الكل ســــــــبـاح = والبحر ما كلٍ من الناس عــــــــــامه
يقولها اللي قاوم الصعب وأجتـــــاح = يبغى الحلال ولا يدوّر حـــــــــــرامه
وإن كان لي من الناس ناقد ونصّاح = أقول شكراً وأستمع في كــــــــــــلامه
وإن كان لي هفوه وقابلت فضــــاح = قلت العذر وأبليس عذري لجـــــــامه
وإنا على ما قيل ساكن ونــــــــزّاح = في كل ديرة لي مقر وإقـــــــــــــــامه
ولي مهنةٍ بين المخاليق فـــــــــلاّح = أزرع جزال الشعر وأبغي صــــرامه
وأنا أمير الشعر بالشعر ســـــــواح = لكن شعري في يديني زمـــــــــــــامه
وإن كان ما لاقيت لي قلب سمّـــاح = يسمح لشعري يستفزّ الحمــــــــــــامه
غنيت يا بو خدّ يشبه لــتــفــــــــاح = عساه يسمعني ويكشف لثــــــــــــــامه
وإن كان ما جاوبني الطير ســــدّاح = جواب يرضي ساكنين المنــــــــــــامه
زبنت روح المنتدى وإبن بــــطــاح = يمكن يردون الفشق في حـــــــــزامه
ولاّ يهبّ من القلم سِمّ الأريــــــــاح = يحرق يباس العود وسط الثمـــــــــامه
وهذا صحيح أقولنا اليوم يا صــــاح = والكفؤ ما يمشي دروب الرخــــــــامه
والذئب له مع طلعت الفجر مسراح = صاد السمين ولا بقى إلاّ عظـــــــامه
ويا قلب لاتندم على خـــايـــبٍ راح = خله يروح وجعل دربه عـــــــــــدامه
هاذاك ماينفع إذا واحدٍ صــــــــــاح = فضيخ قلب ولا يعرف الشهـــــــــامه
عسى يجيه اليوم قــبّــاض الأرواح = ويصلى جهنم لين يوم القيــــــــــــامه
من عصبة في المبتدأ حظهم طــاح = شماتةٍ والشخص حدّه مقـــــــــــــــامه
والسرّ في منهاجهم ما أسرعه بـاح = والكل منهم رميته في عمـــــــــــــامه
والشخص منهم في المطاليب نبـاح = ما يمهلك حتى تقدم عـــــــــــــــــلامه
وأختم كلامي يا هل العقل بإلحــاح = لا تسمعون أهل الفتن والمــــــــــلامه
وصلاة ربي عدما طائر نـــــــــاح = على الرسول أحلى الكلام وختــــــــامه

صح لسانك ياغرمان
والله يعطيك العافية

غرمان
ابداع الى النخاع
حس راقي ومشاعر راقيه

ولاشك مليئه بكل جميل

اصدق الود وسلم قلبك

اخووك

ابيات رهيبه


صح لسانك


لا عدمناك

عزيز نفس + المسكت + الغلاااا

ألف شكر لمروركم الكريم وعساكم تسلمون ولا خلى ولا عدم 0

شاعرنا الكبير غرمان بن عزيز
أولاً أنت لست بأمير الشعر بل ملك الشعر والأدب والخلق الرفيع
ثانياً هذه القصيدة تعتبر معلّقة وكلاً له وجهة نظر
أشكرك من الأعماق وبارك الله فيك.

الأستاذ والشاعر والخلوق / مرعي الحمراني . بارك الله فيك كلامك هذا زادني شرف بل يعتبر وسام أضعه على صدري فشكراً لك وعساك تسلم وتبقى ولك مني جل الحب والتقدير والإحترام 0

معاني عميقة يا شاعرنا

ما اقول ا الله يعين على توالي ذا الزمان

ويعين على الدنيا وعلى ما نشوف ونسمع

صح لسانك

ويعطيك العافية


سيد الموقف

الشاعر الرائع غرمان بن عزيز ..
لله درك أيها الشاعر البارع ..
يشهد الله أبيات في قمة الروعة وأنت دائماً تجيد هذا الروائع ..
وجدت في قصيدتك البساطة في التعبير والقوة في المعنى والسلاسة والمرونة ..
جميل جداً إذا طوّع الشاعر إمكانياته في تصوير أبيات قصيدته بهذه الطريقة الجميلة في كل شيئ ..
وافي وراقي ومبدع على الدوام ..
لك التقدير ..

الخ الغالي / سيد الوقف . الله يسلمك وأشكرك على المرور والله يبقيك ذخر 0


الأخ الغالي / أبو ريان . شكراً جزيلاً على مرور الكريم وبارك الله فيك وسدد خطاك ونفع بك الأمه وأدامك بخير وعافيه ومرحبا لي وعساني عيدك راعي ضيعه وراعي بديه وأخذني موتك . وعفاك 0

الشاعر الرائع غرمان بن عزيز ..الله يعطيك العافيه وصح لسانك والله الله في ؟؟؟؟؟؟؟؟؟؟؟؟؟؟

ويكفيني


وأقسم بربي صدق مانيـب مـزاح إني كسبت أصحاب جـاه وفخامـه
إن جيتهم مهموم أنا همي إنـزاح وإن جيتهم بالشعر جاني وسامـه
وللصبر بعد الله مع الناس مفتـاح والطيب روضٍ والبشاشه خزامـه
والفقر في بعض المواقيـف ذبّـاح يحرم كريـم الأصـل لـذة منامـه
والمرجله بحرٍ بهـا الكـل سبـاح والبحر ما كلٍ من النـاس عامـه
يقولها اللي قاوم الصعب وأجتـاح يبغى الحـلال ولا يـدوّر حرامـه

الله يسلمك يا أبو ظافر وألف شكر على مرورك الغالي ياغالي ولك مني أرقى التحايا ودمت بخير 0