ضاقت بوجهــــــــــــــــــي

العيـــد هــلّ وزغـــرد النـــاس فرحه=وأنا أحــــس أنـــي من النـــص مقسوم
اللـــي شـــرى بشت وطــيب لصبحه=وأنا شريت من العنــــــاء هــمّ بالكوم
وجـه الفرح يلبس على الراس طرحه=ووجهي غدى من لـوعة الوقت ملطوم
والحـزن شيـــّد داخــل القلب صرحه=وثوب السعد من شــدة الضيــم مخروم
الأمس مثــل اليـــوم والغــــــد ّشرحه=الأمس مـــرّ وباقــــي الغـــــــد واليوم
من حرقتي أحس في الجـــوف قرحه=أضحك بوجه الناس والجــوف مسموم
وعــــــدّ دمــع العين لــو شـح نضحه=يندى جبينــــي بالعـــــرق مثل محموم
من عقب ما دنيــاي بالفــــــرح برحه=ضاقت بوجهـــي وكل موجــود معدوم
وأرست مراكـــب ذكـــــرياتي بنفحه=على ضفاف الموت وأصبحت مرحوم
وعمق الألم طــــوله تســـاوى بسفحه =ولجت في مــوجه وأنا ماعــرف أعوم
كانت مشاعـــرنا مــــع الوقت سمحه=وكنا نعزي النفس عــن ضحكـــة اللوم
حتى أنفـرط حبل الصبر فرط سبحه=وحظـــي تعثّـــر كل ما حـــاول يقــوم
ما فيــــه فـــرق بين خســــره وربحه=ومــا عـــــاد أميز بين خــادم ومخدوم
صــرخـت حتى لازم الصــــوت بحه=وحاولت أخفــــي كـل ماكـــــان معلوم
ياشـين وجـــه الوقت ياشــــــين قبحه=ثقيـــــل طينـــه جرت خطــــاه بالشوم
غرز بمجــــرى الظهر ياخوك رمحه=حتى أنبثق صـدري من الجرح مكلوم
أرهقـــــت عمـــري ليـن مليت كدحه=وأصبحـت كنـي راعـــي ضيّـــع القوم
يا قطعــــة منــي فقـــــــــدتك بلمحه=هبّ القدر وأخــــذك وأخــــذ لـذة النوم
واللي فقير الحـــال مـــن دون صحه=لامن ذكــــرته صرت بالهــــم محكوم
ياليتني أصحــــى على قــــول مزحه=ويقول لــي شخــص تراك أنت موهوم
لألعب على أوتار الطــرب لعب دحه=وأجاوب أهل الطــار بلـــحون مضيوم
شرعـــــت لك يالصبــــر باب وفتحه=أن جيت والأ مــــانت ياصـــبر ملزوم
وشلـــــون أعيّـــد دام مافيـــــه فرحه=ومحد ٍيغيـــــّر شــيء مـــن الله مقسوم

الله عليك يا معذور
تغيب كثيراً كثيراً عن محبيك
ولا نعلم الاسباب
ولكن دائماً اجد لك الاعذار
نعم اجد لك هنا عذراً سميناً
فقد عدت بالابداع معك
وهذا يجعلنا نعذرك عن الفترة الماضية التي
حرمت الاعضاء من ابداعك

صح لسانك

البرد جاء يا معذور
والمخيم بنرجع نضبطه وبترجع تلك الليال الجميله

تقبل خالص المودة
ابو عبدالله

يااااااااااااه يالمعذور

وكأن الحزن قدغاب عنا لنسترجعه بهذا الكم من الالم

رغم كم الالم والحزن
الا ان رووعة الكلمات تمحو الحزن

هنيئا لك هذه الموهبه
وهنيئا لي اني قرأت لك

الله عليك يا معذور::الله يعطيك الصحه والعافيه ويكفينا وأنت صكات الدهور:: ويكفيني

من حرقتي أحس في الجوف قرحـه
أضحك بوجه الناس والجوف مسموم
وعدّ دمع العين لـو شـح نضحـه
يندى جبيني بالعرق مثـل محمـوم

والله ما فيها خيره

قصيدةشيقة يعطيك العافية

صراحه قصيدة جميلة ومحزنه في نفس الوقت

عسى الله لايضيق علينا وعليكم ان يفرج همومنا وهمومكم

يـا قطعـة منـي فقدتـك بلمحـه
هبّ القدر وأخذك وأخذ لـذة النـوم
واللي فقير الحال مـن دون صحـه
لامن ذكرته صـرت بالهـم محكـوم
ياليتني أصحى علـى قـول مزحـه
ويقول لي شخص تراك أنت موهـوم



الـــلــــه .... الـــلــــه .... الـــلــــه

الله عليك يا المعذووور ...

أقسم بالله جبتها ع الجرررررح ...


اعذرني أقسم لكـ خانني التعبير


تقبل مرور أختكـ

المشاركة الأصلية كتبت بواسطة صالح آل سلمان

الله عليك يا معذور
تغيب كثيراً كثيراً عن محبيك
ولا نعلم الاسباب
ولكن دائماً اجد لك الاعذار
نعم اجد لك هنا عذراً سميناً
فقد عدت بالابداع معك
وهذا يجعلنا نعذرك عن الفترة الماضية التي
حرمت الاعضاء من ابداعك

صح لسانك

البرد جاء يا معذور
والمخيم بنرجع نضبطه وبترجع تلك الليال الجميله

تقبل خالص المودة
ابو عبدالله

استاذي الكريم
واخي الحبيب

غالى على قلبي مرورك وغالي عيني حضورك

يكفيني أن غالي القدر عندي وحضر بكل غلاوته

وبكل حفاوته وتثمينه

الله يشرف مقدارك

وجعل ايامك سرور في سرور

وكل عام وانت بالف خير


دعوااااااااااااااتي يالحبيب

نست اقلك لا تسى الزير تعال به معك

المشاركة الأصلية كتبت بواسطة ذات الشان

يااااااااااااه يالمعذور

وكأن الحزن قدغاب عنا لنسترجعه بهذا الكم من الالم

رغم كم الالم والحزن
الا ان رووعة الكلمات تمحو الحزن

هنيئا لك هذه الموهبه
وهنيئا لي اني قرأت لك

سيدتي الكريمة

ذات الشان

عيدك مبارك وكل عام وانت بخير
لزوجة كلامك وعذوبة منطقك
تحملني حمل لااستطيع حمله
الشكرفيك قليل والمدح لك جميل
تربع هذه المتواضعه في ناظريك ليس
لجمالها وإنما بفضل من الله ثم بفضلك
لاعدمتك يالغلا
اعذري تقاصري في كلامي
كوني برعاية الله

المشاركة الأصلية كتبت بواسطة بن ظافر

الله عليك يا معذور::الله يعطيك الصحه والعافيه ويكفينا وأنت صكات الدهور:: ويكفيني

من حرقتي أحس في الجوف قرحـه
أضحك بوجه الناس والجوف مسموم
وعدّ دمع العين لـو شـح نضحـه
يندى جبيني بالعرق مثـل محمـوم

والله ما فيها خيره

بن ظافر

مرحبااااااااااااا مليااااااااار

كل عام وأنت يالغالي بخير

إشراقتك علّي هنا عيد والعفو منك
فلقد ذابت أحرفي في فمي وتلكأت كلماتي

على أطراف لساني

سلمت وغنمت ولاهنت يالغالي

رعاك الله

المعذووووووور

صح الله لسانك يا المعذور


انا اشهد انك معذوور


بيض الله وجهك وفرج همنا وهمك

صح اللسانك وعودا حميدا انشاء الله

تقبل تحياتي بحر

المشاركة الأصلية كتبت بواسطة المعكوس

قصيدةشيقة يعطيك العافية

المعكوس


طيّب الله فالك ولاهنت يالحبيب

وعيدك مبارك وكل عام وانت بخير

كلك ذوووووق رعاك الله

تقبل ودي

المشاركة الأصلية كتبت بواسطة ابولينا

صراحه قصيدة جميلة ومحزنه في نفس الوقت

عسى الله لايضيق علينا وعليكم ان يفرج همومنا وهمومكم

ابو لينا

اشتقنا لك الله يطول بعمرك

ولايهنك وجودك خير وبركه

وعساك من عواده ياعصابة الراس

تحيتي لك

المشاركة الأصلية كتبت بواسطة جرحيLamaعميق

يـا قطعـة منـي فقدتـك بلمحـه
هبّ القدر وأخذك وأخذ لـذة النـوم
واللي فقير الحال مـن دون صحـه
لامن ذكرته صـرت بالهـم محكـوم
ياليتني أصحى علـى قـول مزحـه
ويقول لي شخص تراك أنت موهـوم



الـــلــــه .... الـــلــــه .... الـــلــــه

الله عليك يا المعذووور ...

أقسم بالله جبتها ع الجرررررح ...


اعذرني أقسم لكـ خانني التعبير


تقبل مرور أختكـ

سيدتي الغاليه

جرحي عميق
سلامة عمرك الغالي

عندما تمر سحائب قلمك

على ضفاف نهر قصيدي الجاف

فأنه يرتوي من عذوبة نقشك على صفحاته

وتنبت جوانحه زهرا وفلاّ وتتعطر نسماته بعبق الورد والكادي

كل عام وانت بالف خير وعيدك مبارك وعمرك مديد

شكري بلاعدد وإمتناني بلامدد

لعطر حضورك وشرف تنويرك

دعواااااااااااااااااتي الخالصه لجنابك