الموضه صارت فوضه

بسم الله الرحمن الرحيم
صباح /مساء/الخير يا أغلى أحبــه ..
مســاء الخير والاحساس والطيبه ..
مســاء الفرحه .. والاجازات السعيده ..

أهــلاً بكمـ وبتشريفكم العطــر هنــا ..
قبل كل شي .. أهنئكم على الاجازه التي نستنا العنــا ..




:: بــد ا ا ا ا يـــه ::

لا شــك أنه من الطبيعي لكل شاب وفتاة ان يبحث عن آخر موضة هذا العام ..
وبروايه أخرى "صرخة هذي السنه" ..

ومن الطبيعي ان يختلف الاهتمام بالموضه .. من شاب لآخر .. كذالك للفتيات ..
فنجد أن بعض الشباب يعطون للموضه اهتماماً كبيراً ..وآخرين العكس .. وهــذا أمر طبيعي ..





:: ما بعد البدايه ::

الآن .. انا مع الموضه .. واتبع كل ما ينزل بالاسواق من السلع الجديده .. ولكن بحدود المعقول .. !!
يمعنى اني احاول وبقدر الممكن الحفاظ على تقالدينا العربيه والحفاظ على اوامر شريعتنا الاسلاميه ..
هي في الأخير حرية شخصيه .. ولكن اذا كانت الحريه "المطلقه اصبحت حريه "مفرطه "
فنحن وشريعتنا الاسلاميه في غنــاء تام عنها .. وعن مساوئها ..

مالذي حدث الآن في موضتنا !!

* شاب يرتدي قلائد لا يعرف ماذا تعني .. ولكنها موووضه السنه !!
* فتاة ترتدي بنطالاً مفتوحاً من كل جانب .. حتى تظن بانها لا ترتدي .. وهذي الحقيقه ..

ولو استفسرت عن السبب .. ستجد الاجابه بلا تردد .
" هذي الموضه "

* شاب تراه بقصة شعر غريبه عجيبه دخيله في نفس الوقت ..
"ويتحمل كل الانتقادات ..لعيــون الموضه "!!


للأسف مفهوم الشباب للموضه خطأ .. واعتقاداتهم .. خطأ ..
أنا انسان اتبع الموضه .. وكل جديد .. ولكن بحدود المعقول ..
كما قلت .. ابحث عن الموضه بدون ان اخرج من اطار الدين والعادات ..
ولا ننسى أن للتربيه دور كبير في نبذ تلك الامور .. وتوعيى الأبناء ..

قالوا : احنا مع الموضه ..
قلت .. وربي انتم فوضه ..

قالوا : ان الله غفور رحيم ..
قلت : ان الله شديد العقاب ..




:: سبب الكتابه ::

مادعاني لكتابه موقف في الحقيقه اضحكني ثم ابكاني على حالنا !!

شاب في ال 17 من عمره , طلب من والده ان يعطيه فلوس لانه بيصير مثل باقي الشباب وبيفصل ثوب .
طبعا الوالد ماتردد وبكل حنيه ورقه اعطاه المطلوب "وهذي سلبيه" وراح الواد بيفصل الثوب .. ودخل
ابو الشباب على الخياط .. وقال فصل لي ثوب . . طبعا خذا الخياط المقاسات مثل العاده .. وحتى الان كل شي تمام ..
المضحك هنا .. الشاب قال الثوب ما ابغاه عادي !!
قال الخياط كيف يابزووور !!
قال الشاب .. ابغى الثوب مفتوح مع ورى . يعني فتحة سبعه مع ورى
طبعا الخياط رفض هذا الشي واقنع الشاب ان هذا " مافيه كويس " طبعا الشاب عذره انها موضه !
مع اني ماشفت هالموضه .. بس التفكير بعد صاير فوضه ..


هذه ليست موضه .. هذه فوضه يراها البعض انها لُـجـه ولكنها في الحقيقه موجه
تكــاد تنسف بديننا .. وتقاليدنا ... وذوقنا العام ..





:: شطحه ::

اذكر كانوا يقولون دايم ان لياقة المباريات غير لياقة التدريبات .. وانا تأكدت من هذا الشي ..
وعرفت بعد ان لياقة المواضيع غير لياقة الردود << لعاد تذكر ولا تشبه

* كيفكم ويا الاجازه .. انا احس اننا محسودين عليها .. اذكر اني مسوي جدول وين اروح وين
اجي بس الوقت مر بسرعة البرق وانتهت الاجازه وانا افكر وش اسوي

بس تبغون الصراحه الرياض يمدحونه هاليومين .. فاضي يوسع الصدر ..
ياليت كل يوم قمه .. بس حسيت ان الرياض اشتاق لاهله ..

ماتحسون ان الشطحه طولت .. نسيت اعتذر من اهل الشرقيه والله اننا غثيناهم ..
ناس تفترش الارصفه .. وناس المصطحات الخضراء .. وناس الشوارع <ماعندهم وقت اهل الرياض

ما تحسون انكم خذتوا علي .. هيّــا انقشعوا




************************************************** ************************************************** *************


:: حكمه :: الضمير صوت هــائ .. يخبركـ بــأن أحداً ينظر إليكـ ..


ســؤال واحد // وش سبب تردي الحال في " بعض الشباب والفتيات " ؟


عموماً اعتذر عن الاطاله ..

وتقبلوا أرق التحايا .. وأرقهــا

ودمتم أحبتي بكــل الود .. وعبير الورد ..
والسلام عليكم ورحمة الله وبركاته
انتضروا موضوعي القادم والذي سيكون له دوي بإذن الله

والله ما ادري وش موضوعك

بديت موضه وانتهيت بأجازة وقمة الدول الاعربية

عموما الموضه لها حدود والي يحددها الشرع ومن ثم العرف العام

بسم الله الرحمن الرحيم
الله يحييك يالخيال ومشكور على المرور
والسلام عليكم ورحمة الله وبركاته

الله يعطيك العافيه

تقبل مروري بحر

بصراحه ممكن يكون أغلب كلامك صحيح لكن الملاحظ فيه المبالغه الغير مقبوله
شفت كثير شباب على مايسمونه موضه أقصد ((فوضه)) هداهم الله لكن انهم يحطون فتحات في ثيابهم ورا كثر لي منها ماشفت كذا00
بعدين اللي ابي أعرفه وش علاقة الموضه بمؤتمر القمه ولا هذي عندك إسمها ((موضه))

الآن .. انا مع الموضه .. واتبع كل ما ينزل بالاسواق من السلع الجديده .. ولكن بحدود المعقول .. !!
يمعنى اني احاول وبقدر الممكن الحفاظ على تقالدينا العربيه والحفاظ على اوامر شريعتنا الاسلاميه

أتمنى تكون صادق في كلامك بس اشوف الكل صار ينصح ومايطبق
وهذا اكبر عيب ممكن نسويه00
قال تعالى ((يأمرون الناس بالبر وينسون أنفسهم)) أتمنى ماتكون منهم

قالوا : احنا مع الموضه ..
قلت .. وربي انتم فوضه ..

قالوا : ان الله غفور رحيم ..
قلت : ان الله شديد العقاب ..

مشكور موضوع مفيد ويعطيك العافيه

الله يعطيك العافية يا عاشق النمر

مو دايم تكون الموضه فوضة

لكن اذا خالفت العرف والدين تكون ليس فوضة فقط وانما قد تكون وبال واثم كبير

ما قصرت يالحبيب

ولا تحرمنا من مواضيعك

بسم الله الرحمن الرحيم
جبل حرفه بحر الله يحييكم
والسلام عليكم ورحمة الله وبركاته