فرصه كبيرة للنجاح تعال شوف

.اذا جاك سؤال ماتعرفـ/ـين تحله/ـينه بالاختبار
.........
سلام عليكم ..
شلونكمـ ؟
موضوعي اليوم حلو مررهـ انا حضرت دورة اسمها [ فن التعامل مع الاختبارات] حلوهـ مررهـ
للأستاذ [ عبد العزيز بن طالع الشهراني ]عاد استفدت منها شياء واجد حلوهـ ومن أهمها [ اذا جاك سؤال ماعرفت تحله بالاختبار وشو تسوي ]
عاد حبيت اقولكم بعض من اللي استفدته بالدوره عشان تستفيدون منه ..
.........
اول شيء نبدأ بالكلمات القاتلة ذاتياً و [ المدمرة ] اللي هي :
1ـ لا أستطيع .
2ـ مستحيل .
3ـ صعب .
4ـ مشكلة ..
استبدل كلمة [ صعب] بـ | سهل ، ماي | ..
استبدل كلمة [لا استطيع] بــ |أحاول| ..
أستبدل كلمة [ مشكلة] بــ |أحاول| ..
أستبدل كلمة [ مستحيل] بـ |ممكن| ..
.........
1/ المذاكرة الذاتيه :
1ـ استعد للمادة اللي بذاكرها ..
2ـ الإيحاءات الايجابية : [ حلو ،سهل ، ماي ، يجنن ، رهيب ]
3ـ التصفح السريع <= التسخين [ الاستعداد ..]
4ـ قراءة سريعة لبعض المواضيع والعناوين ..
5ـ أستخدام الخطوط والرموز والقصص والمواقف <= لربط المعلومات مثلاً مادة المكتبة بما انها كلها كتب وكذا وخصوصاً بثالث ثانوي مثلا كتب الرياضيات ارمز لها بـ [ O] وكتبالجغرافيا ارسم خريطة لها وكذا ..
6ـ القراءة الشاملة لجميع الكتاب ..
7ـ النقل إلى الهامش [ الخريطة الذهنية ]
شلون هذي الخريطة الذهنية ترتب معلوماتكـ كلها بـ خريطة زي كذا
تكتب الكلام وترسم له صوره عشان تتذكر بالاختبار ..
ارسم هالخريطة بالصورة اللي تحب .
أعداء التعلم:
1- التكبر 2ـ الخجل 3- الخوف 4- التسرع 5- التوقع ..

الاستاذ قالنا رسموا طبعاً كل واحد يرسم من خياله :دبوس:
اول شيء كتبت الاعداء اللي قالها بعدين رسمت صورة ترمز على الكلام عشان ماانساه
الكبر رسمت واحد راسه وش كبرهـ:هيهي:
بعدين الخجل واحد يابعد قلبي ميت من الخجل :هع:
بعدين التسرع قلت مدام سرعه خليني احط سياره :خخخ:
والتوقع علامات استفهام وتعجب ..
والخوف واحد ميت من الخوف ..
طبعاً ماعليكم من رسمي ادري ماشاء الله عليّ ممتازه :بق:
.........
2/ كيف نرسخ المعلومه في الذهن :
ـ التكرار ..
ـ الكتابة
ـ القراءة ..
ـ السماع ..
ـ التطبيق ..
ـ إذا خلصت الدرس لاتروح عنه قبل ماتراجعة والفصل بعد لا تنتقل للفصل الثاني الا لما تراجعه
ـ تنام الساعه [ 9 ] وتقوم الساعة [ 1ونص ] الثلث الاخير من الليل تحفظ فيه اكثر
ـ تنام قبل الأختبار بساعة لاتروح مواصل ..
ـ تنام بعد الأختبار ساعة فقط او [ 40 دقيقة ]
ـ اشرب شاي مركز أو عصير ..
ـ تذاكر فترة العصر .، تبدأ بالصعب طبعاً ..
ـ بين المغرب والعشاء لاتذاكر بس راجع اذا تبي حل الاشياء اللي يبيلها حل بس لاتذاكر ..
ـ بعد العشا تذاكر ساعة او ساعتين بعدين نام
.........
3/ الاستمتاع بالمذاكرة :
المكان المثالي للمذاكرة :
1ـ هادئ , 2ـ صامت , 3ـ متوسط الحجم , 4ـ مرغوب , 5ـ دائم ..
أو
[يحتوي على طاولة وكرسي ومستلزمات المذاكرة ..]
ـ لاتذاكر بغرفتكـ ..!!
ـ الغرفة اللي لونها احمر ماتنفع للمذاكرة لأنها تخلي الدم كله بالراس ..
ـ لأزم تذاكر في غرفة دائمة مش كل شوي تنقل مكان ..
ـ أفضل لون للغرفة عشان يساعدك على المذاكرة [ البيج ]
.........
4/ معوقات المذاكرة :
ـ ازعاج الأهل .
ـ الأصدقاء ..<= قفل جوالك ايام الاختبارات عشان يرتاح قلبك ..
ـ الترفيه ..
ـ الاندماج في أوقات الراحة <== يعني مثلاً وقت الراحة تجي تقعد على النت وتنسى عمرك وماتتذكر عمرك الا بعد اربع ساعات ماينفع ذا الكلام :خخخ:
ـ التفكير السلبي ..<== يعني تقول وه الله يعيني المادة اليوم صعبة موت وتعاريفها كثيرة ولا بعد المعادلات صعبة عط عمرك إيحاءات إيجابية .
ـ عدم برمجة الوقت <= يعني ماعندك وقت ثابت تذاكر فيه ووقت للراحة ..
ـ الجوع والظمأ <= يعني اذا كنت جايع وقف مذاكرتك وروح ابلع ولا تصيرون زيي :بق: انا اجيب كاس الماي قدامي وبموت من العطش اقول مراح اشربه الا لما اخلص الجزئية اللي محددتلي اياهابس اشوف الماي اموت ابغى اشربه بس معاقبه عمري اكتشفت انه هالشيء خطأ :خخخ:
ـ الحاجة للنوم <= اتوقع كلنا يبينا نوم منوم ..
ـ الجلوس الخاطئ <= الجلوس الصح هو انه تسند ظهرك على الكرسي وتقرب لك الطاوله اما انك [تكندس:خخ:] ماينفع
:نجوم::نجوم::نجوم::نجوم::نجوم::نجوم::
5/ كيف تحافظ على التركيز أثناء المذاكرة:
1ـ روح مكان ترتاح فيه ..
2ـ افتح اللمبات كلها وخصوصاً الابيض الصفراء ماهيب زينه لأنها تصيب بالتوتر ..
3ـ حط لك قوانين في البيت وخارجه
4ـ أخذ ما تحتاجة من الراحة ..
.........
6/كيف تقاوم الإرهاق والملل :
1ـ اشرب[ عصير ليمون ، برتقال ، شاي اخضر ]
2ـ غير جدول المذاكرة ..<= يعني اذا بديت الكتاب من اول ابداه من الاخير وكذا ..
3ـ أمشي وانت تذاكر ..
4ـ تذاكر مع أهلك ..
ـ اذا تعبت من المذاكرة أبدأ من اخر الكتاب ..
ـ أثبت للمعلومة انك تذاكر من اخر الكتاب ..
ـ كون إيجابي ..
.........
7/ شلون تعرف وشو بيجيك بالاختبار :
* التكرار <= اذا شفت الاستاذ كرر الاسؤال اعرف انه مية بالمية بالاختبار مستحيل يكرر السؤال مايجيبه ..
* لغة جسد المعلم <= إذا كان متحمل الاستاذ وكذا يعني السؤال مهم إما اذا قال الكلام وشو قاعد على الكرسي مثلاً يعني السؤال ماهوب مهم ..
* إذا طلبك منك الكتابة <= يعني قالك اكتب ذا الكلام تراه مهم يعني تراه بالاختبار مية بالمية ..
* تعليقات المعلم على الاختبارات السابقة <= اذا قال ياطلاب يا طالبات ترى ذا السؤال جبته السنة الماضية يعني اكيد ذي السنه بيجي وله ليه قال ..
* ابحث في الامتحانات الشهرية والنهائية والقصيرة <= يعني الاختبارات اللي يسويها لكم ذاكروها واحفظواها زي اسمكم لانه اكيد بجيب منها اسأله وخصوصاً اذا كانت الاسئلة حلوهـ وسهله .

- إسأل عن المعلم كيف طريقة شرحة وشلون يحط الاسئلة وكذا ..
.........
8/ المواجهة مع الأمتحان :
1ـ قلق الأمتحان <= لاتقلق مره ترى القلق ياخذ نصف جهدك ..
.........
9/ كيف تعرف هذا الشخص يحاتي او قلق :
1- عرق في قبضة اليد..
2ـ احساس بعدم امتلاك إي معلومات عن المادة ..
.........
10/ أفضل طريقة للتخلص من القلق :
1ـ نظم اوقات الرحة في المذاكرة ..
2ـ نظم اوقات النوم ..
3ـ احذر من التغير المفاجئ لحياتكـ ..<= مثلاً النقل من بيت لبيت او من غرفة لغرفه او تغيير السيارة ..
4ـ الحذر من الاتصالات المحبطة <= يعني يكلمك صديقك يقولك المادة صعبببببببببببببببببه مرررررره ماعرفت كيف اذاكرها هذا ماعليك منه ولا ترد عليه احسن ..
5ـ قلّل من اهمية الأمتحان <=يعني لا تخاف وهون على نفسك ..
6ـ تتدرب على الاسترخاء <= رخي عضلاتك بالاختبار كل [5] دقائق عشان تتذكر المعلومة ..
7، الإيحاء الإجابي ..<= أفضل الإيحاءات الإيجابية هو ذكر الله كـ قول [ لا إله إلا أنت سبحانك إني كنت من الظالمين ..]
.........
11/ استراتيجية الأمتحان :
وانت رايح للإختبار سوّ هذي الاشياء :
1ـ تخيل انك بالبيت ..
2ـ روح لإختبار وانت مرتوي من الماء <= الماء ممتاز جداً يحرك المخ ..
3ـ اذهب إلى دورة المياة :هع:
.........
12/ الفطور :
1ـ حليب فيه عسل و بيض ..
او بس حليب فيه عسل
2ـ شوكولاته أو تمر ..
.........
13/ إذا وصلت المدرسه :
- إذا وصلت المدرسة قبل الإختبار بنص ساعة أو ساعة لا تذاكر شيء[ واذا ماخلصت مذاكرة ذاكر ..]
- كلم نفسك إذا جيت تدخل الإختبار أنسى وعط عمرك إيحاءات إيجابية وأبتسم وأذكر الله عشان تذكر الأمتحان وأنت مش قلقان ..
- إذا دخلت الإمتحان لا تقول [ الله يستر ، يماخايفـ/هـ ]لا تعطي عمرك إيحاءات سلبية ..
- قبل أن تبدأ الإختبار قول الدعاء وآية الكرسي ..
الدعاء [ اللهم لا سهل إلا ماجعلته سهلا أنت تجعل الحزن إذا شئت سهلاً ..]
[ لا إله إلا أنت سبحانك إني كنت من الظالمين ..]
- أفتح الورقة .. - اكتب أسمك بهدوء .. - سمي بالله ..
- أقرأ الأسئلة قراءة شاملة إذا كنت مرتاح .. أما اذا كنت ماأنت مرتاح لاتقرأها ..
- جاوب الأسهل بعدين الأصعب ..
- أكتب في الهامش كل اللي تتذكره ..
- نفسياً تخيل انك لحالك ..
- لا تسأل المعلمـ/هـ عن الإجابة أسئلهـ/ـا عن توضيح هذا السؤال ..
- لا تنتقل عن الفقرة حتى تراجع هالفقره ..
- لما ماتعرف حل هذي الفقرة حط علامة عندها مثلاً [ * ] عشان لما تجي تراجع تنتبه انك ماحليته وتحله
- اذا توترت استرخي ..
- راجع بصورة دقيقة ثم سريعة <= تراجع بسرعة يعني يمكن في سؤال ماحليته وتحله اما دقيقة يعني تقرأ الاجوبة وتشوف صح ولالا ..
- كل نصف ساعة ريح ربع دقيقة ..
.........
14/ إذا المعلومة ماطلعت :
* اذكر الله / واستعن بالله ..
* تخيل أنك فاتح الكتاب واوصل عند هالمعلومة وحلها واذا ماتذكرت شيء طنش ياخي واسترخي بعدين روح للفقرة الثانية واحلها بعدين ارجع حق هذي الفقرة وان شاء الله تتذكرها ..
.........
15/ وشو اسوي إذا جاني سؤال صعب :
- عط عقلك الباطن فرصة عشان يفكر ..
- وخر التوتر ..
بعدين انزل على السؤال الثاني حله وانت تحله بتجيك الاجابة حقت السؤال اللي فوق ..!!
- أكتب واشرح كل شيء في بالك .. حتى ولو توقعت الاجابة خطأ أكتبه بالهامش الزبدة لاتخلي الورقة فاضية ملها تملي ..
.........
16/ وشو تسوي بعد الاختبار :
- لا تقرأ كتاب نفس المادة
- فكر في الإجابات الصحيحة اللي كتبتها واستانس انه بوه شيء صح احسن من غيرك ..
- إخرج من الحالة النفسية بأي طريقة تراها صحيحة ..
- لاتقابل إي طالب سلبي .. ام ممتاز شايف عمره لما تقوله غلطت بالشيء الفلاني يتطنز عليك <= ياكرهيلهم ..
.........
17- الوقت بين الفترتين :
- خذ فترة استرخاء ..
- راجع الملاحظات لوحدك [ الخريطة اللي انت سويتها حق عمرك ..]
- جاوب على اسئلتلك اللي انت حطيتها ..
- لاتهتم اذا ماتذكرت المعلومة ..
.........
يتبع

/ [ إذا ضاقت بك الدورب ولا تعرف المعلومة ولاشيء نسيتها ..]
بدأ من هون :
-الأسئلة الأختيارية :
* إذا تشابهت اجابتين عليك لا تختار ولا وحده منهم اختار الثاني..<= لاتسوي فيها فاهم وتكون تعرف الاجابة تحط اجابة ثانية هذي بس اذا ماكنت تعرف..
* اذا شفت اجابة واضحة على السؤال الصعب تراها غالباً ماتكون خطأ ولكم الإجابة اللي تشوفها قريبة منها غالباً ماتكون صحيحة ..
* إذا تقاربت كميتان اختر احدهما ..<= يعني اذا صار شيين نفس الشيء بالضبط وتعرف انه صح اختاره ..
.........
- الأسئلة المقارنة : [ التوصيل ]
* إذا ماعرفت أسأل احساسك ..
* الكلمة الطويلة تناسبها القصيرة ..
* ركز في أن تكون الإجابة أو سبب النتيجة يناسبون لبعض ..
* دايماً في التوصيل [ الأولى يناسبها الوسط ] و [ الثالثة الأخيرة ]
.........
- الأسئلة الصح والخطأ :
* أكتشف طريقة معلمك ..
* الجملة الطويلة دايم [ × ]
* العبارة التعميمية دايم [ ×] العبارات هم [ كل ـ دائماً ـ ليست ـ أبداً ]
* أسأل احساسك اذا احساسك قالك [ ×] حط [ صح ] يعني عكس احساسك ..
.........
- الأسئلة المقالية :
* حدد المهم في السؤال ثم ركز على اجابتك ..
* إبدأ بالإجابة الصحيحة واطل الشرح فيها ..
* ارجع لشرح الإجابة السابقة ..
.........
19/ التخلص من رهبة الأختبارات :
إذا تخلصنا من الصورة السيئة بالاختبارات نتخلص من الرهبة ..
- بالرياضيات المسأله المحلوله بالكتاب غير الأرقام [ 3]مرات حلها انت من عقلك وشوف تعرف تحلها ولالا
- إذا راحت عليكـ نومه مثلاً وما ذاكرت شيء أفتح الكتاب وركز على الأشياء اللي انت حافظها بس وتعرف انها مهمه بس ..
.........
20/ أساليب الحفظ :
بالانقلش :
* طبق الكلمات حقت الانقليزي عشان تحفظها ..
.........
ملاحظات مهمة جداً :
1ـ إذا بغيتـوا تحفظون اي شيء مثلاَ وماهوب راضي ينحفظ ارسموا صورأو أشكال تساعدكم بالحفظ
2ـ،اذا بغيتوا تحفظون أدب مثلاُ او نصوص اللي هو ومش قادرين لحنوا القصيدة وإن شاء الله تحفظون تعرفون ليش الناس يحفظون الأغاني لأنها ملحنة]عشان كذا انت لحن القصيدة وبتحفظها حتى بعض الاحيان الناس يحفظون لحن الاغنية ومايحفظون كلماتها هذا دليل انه اللحن يخليك تحفظ الشيء ..
3ـ في قاعة الأختبار اذا جيت تبي تتذكر المعلومة لاتطالع الأرض لأنك اذا طالعت الأرض تفكر بــ عواطفك ] طالع في الوسط ..
4ـ إذا انقهرت وضاق خلقك من المادة وشوي وبتصيح اذا مسكتها ومش قادر تذاكرها غير شكل الكتاب مثلاً يعني صور اي شيء تحبه وغلفة بالكتاب كلهتعرفون انا قلت بسوي برنت سكرين حق جوريات وبحطه على الكتاب :بق: يمكن اذا تذكرت جوريات اشتهي افتح الكتاب ههههههههههههههههههه
5ـ إذا جيت تذاكر لا تخطط كل الكلمات خطط بس الاشياء المهمة عشان بالاختبار تتذكرشيء المهم لانك حاط عليه خط ..
6ـ لاتذاكرون جماعي تراه ماهوب زين يعني يمكن انه زين للطالب الكسول ] انه ياخذ معلومات من الزملاء بس الطالب الممتاز ] ماتنفعله بالعكس تحبطه لانه يمكن يذاكرون ربعك شيء انت فاهمه وعارفه يجون يخربون معلوماتك ..!!
7ـ ساعة مذاكرة وعشر دقايق راحة ..
8ـ لما تبغى تكتب ملخص او اي شيء عشان تحفظة اكتبة بورقة بيضاء غير مسطرة عشان التسطير يشوش المخ
9ـ كل 20 دقيقة تذاكر ارتاح ربع دقيقة ..
10ـ إذا جيت تحل في الإختبار لا ترص على القلم لأنه اذا رصيت ياخذ جزء من الوعي ..
11ـ لما يجي وقت الرحة بعد المذاكرة مش تروح تقرأ مسجات وتسوي عمرك هولاكو :بق: لأنه اي شيء فيه عواطف يضيع المعلومة ..
12ـ لما نجي نذاكر تركز أن نتعلم مش نحفظ عشان الاختبار بس ..
13- لاتتسرع في المذاكرة ولا تتسرع بالاختبار ..
14ـ Eلغة وليس مادة ..
15ـ التطبيق <= كل شيء تاخذه طبقة اشرح الشيء اللي اخذته حق اي احد لو انه اخوك الصغير يقول الاستاذ حتى لو تروح على الدرج وتمثل مع الهوى عادي :هع: المهم انه تثبت المعلومة بمخك ..
16ـ لا تذاكر بعد الأكل على طول ..
17ـ اذا اخذت غفوه في مكانك وانت تذاكر تراه شين زين ..
18ـ لا تذاكر على سريرك ..
.........
انتهينا ..
إن شاء الله عجبكم الموضوع واستفدتوا منه ..


م ن ق و ش

اشكر لك حسن اختيارك ونشاطك
لك تقديري وامتناني