صفــوة الأوطان .إهداء لكل سعووودي

بسم الله الرحمن الرحيم

إهداء إلى كل سعووودي
يقول:


المملكة عزّ العرب مجد ٍ و صِيـت

شِعري تهيّج مـن فِعـال رْجالهـا

قام إيْتدفّق ع الورق يوم ارتويـت

وشلون تاسَعْـه الحنايـا لْحالهـا

لاشكّ بايظهر عليّـه لـو خفيـت

حبّ الوطن واهل الوطن و اجلالها

بارض الجزيرة كلّ ترحيب ٍ لقيـت

و هذا نصيب لْمن بياطـأ رْمالهـا

ماقول شدّتني هواجيـس ٍ وجيـت

أنثر كلام الحـبّ تحـت ظلالهـا

بل هِي حقيقة تحتويني ما حييـت

و آنا بْصراحـة أستلـذّ وْصالهـا

عن دار آل سعود ما عمري سليت

و لابدّ ما تُلحَـظ علـيّ افْضالهـا

عبدالعزيز اللي بناها هـو هويـت

و رْجال من عقبه تحـدّوا جْفالهـا

مِن مِثْل أبو تركي وْ عياله ما لقيت

علقم على العادي وْ صقور جْبالها

تحطّهم ع الجرح قالوا لـه بريـت

هيَّ الشدايد تصطفي مـن شالهـا

يا صفوة الأوطان بإذن الله سَميت

عن كلّ سقطات الزّلـل و رْحالهـا

وصفك تعدّى قول وصّافـك لقيـت

و ارضك يشرّفنا نبـوس رْمالهـا

دار الفهد .. دار السَّعَدْ حقْها وفيت

سبحان من وجّه طمـوح رْجالهـا

للحقّ و الإسلام يا القائـد حييـت

ما غرّتـك دنيـاك رغْـم زْلالهـا

حنّا رجالك قول و اشّـر لا بغيـت

ما همّنا إلا طاعتـك نسعـى لهـا

أرواحنا ترخص فدا يومك رضيـت

في مِدبـر الأيّـام أو فـي قْبالهـا
(
)

وهذي قصيده ولا اروع لأحمد ابونوره استمتعوا معها







مـا تخاذلنـا بعـاداتٍ تسـيـد
لا ولا حتـى تهـاونـا أبــد
وأنت يااللي تنشد وتبغـى افيـد
خذ إفادة لك مـع منهـو نشـد
عني وحالي وطبعـي والقصيـد
وعن بلادي كيف هيّ مـن بلـد
الوطن له حق هذا شـي أكيـد
هو علينا فرض واجـب ياولـد
في غرامه صغت انا احلى النشيد
وفي ربوعة طاب كيفي والسعد
لن عشقه بي ما ينقـص يزيـد
بيني وبينه وثيقـه مـع عهـد
ساكنً حبه معي وسـط الوريـد
ليـن تاخذنـي المنايـا للحـد
هي بلادي وعزها شامخ مجيـد
فوق مع ذيك السحايب والرعـد
في قايدة حـر ضرغـامً عنيـد
ابومتعب اللـي فيهـا مستعـد
للوطن وبكـل ماعنـده يجيـد
كثر الله خيـره اللـي مجتهـد
صاحب لحكمه مـع رايً سديـد
وصاحب لقلبً رحوم وما حقـد
للكبيـر وللصغيـر وللولـيـد
دايم تشوفه معاهـم هـو سنـد
والعضيد أليا عتزينا به عضيـد
ابو خالد اللي عنـه مـا أبتعـد
ماهو مقصر جعل عمـره مديـد
هـو معانـا دوم وافـي للأبـد
بالأمان نعيش عيشة كل سعيـد
وبالأمـن نفخـر بقيـادة اسـد
هو نايف قادهـا حـربً تبيـد
ضد منهو عاث فيهـا أو فسـد
محتمين بعزهم من كـل بعيـد
ومنعمين بخير ولا فيهـا نكـد
وكل يوم نعيش في صرح ًجديد
مـن مشاريـعً عظيمـة للبلـد
وقبل لختم خـذ منـي هالمفيـد
شرعنا القـران والسنـه سـدد
ولا رضينا غيرها بحكـمً يسيـد
وكلمة التوحيـد للرايـه تشـد
وبالصلاة اختم كلامي والقصيـد
علـى محمـد نبـي الله احــد

يعطيك العافيه ياخالد

والوطن حقه كبير على كل مواطن صادق

سلمو الشاعرين وسلمت على النقل لاهنت

اخووك