كل ٍ وله بين المخاليق سيرة !

كل ٍ وله بين المخاليق سيرة=والرجل ما طـوّله ياكود الافعال
وكل ٍ له اجدادٍ بنوا له مسيرة=والابن ياخذ من عمامه والاخوال
كم رجل ٍ اشهر له ربوع ٍ وديرة=ولايخلّـد في الزمن غير الابطال
وكم رجل ٍ اصبح في قبايله عيرة=محسوبْ مابين الهلايم والانذال
الرجل لاصارت عزومه كبيرة=حطه على يمناك في كل الاحوال
ينفعك لاصابتك في الدهر حيرة=واذا اتكلت عليه في العلم رجّال
ويكون عونك في الامور الخطيرة=ما هوبٍ لاعوبٍ ولا هوب ميّال
(موسى) طلب (هارون) يصبح وزيره=يوم ٍ درى انه للثقيلات شيّال
وافضى اليه بحاجته والسريرة=فكان له نعم الخوي يوم الاهوال
خل الذي يعجز لحمل الصغيرة=خله بعيدٍ عنك يتريح البال
وقت السعات الله ما اقوى هديره=ووقت الشدايد جعل ما هوب لك فال
خيرة من اهل الكذب والغش خيرة=واهلاً بمن يمشي على الحق مازال
والحق من يميشه ما شيْ يضيره=ولايتوه الا كذوبٍ ومحتال
واللي كذب فحبال كذبه قصيرة=مؤرخ ٍ هذا بتاريخ الامثال
ولابد يلقى كل عبدٍ مصيره=والخاتمة دايمْ على قد الاعمال!

صبي بالقرن/راجي الوصل/ابيض وجه ياخوي
صح الله لسانك مليااار وعلا شانك والله
رائعه من اروع ماقرات لك وكلك ذووق
لاهنت والله ولك جُل احترامي

اخووك

راجي الوصل
صح لسانك مليون يالغالي
قصيدة مليئة بالحكم ..
جميلة ورائعة من شاعر متمكن

تشرف بقراءتك

دمت ودام عزك

تحيتّي

احبابي الكرام
اصدقائي الاعزاء:
تظل قصائدي دائما اسيرة الظلام
حتى تنير بمروركم الكريم . .
ــــــــــــــــــــــــــــــــــــــــــــــ
لتعقيبكم على قصائدي
ريح الورود وطعم العسل . .
ـــــــــــــــــــــــــــــــــــــــــــــــــ
بتواصلكم الكريم تعلو قصائدي
وتتأجج قريحتي واكتب الاجمل . .
ـــــــــــــــــــــــــــــــــــــــــــــــ
بوجودكم في عالم قصائدي
اكون اعظم شاعر واسعد انسان..
ـــــــــــــــــــــــــــــــــــــــــــــــــ
لكم تحياتي
وقبلها حبي
وبعدها شكري
وبين ثناياها
العرفان بالجميل.

الله يعطيك العافيه يا أبو عايض صراحة قصيدة جزله من شاعر جزل وفيها من المعاني والحكم الشيء الكثير فشكراً لك وعساك تسلم على هذا الإبداع وأتمنى لك التوفيق 0

شهادة
اعتز
فيها
والله
يابوعزيز
لاهنت
ياغالي