هـــــــــــــــذا هو سوق الاسهم السعوديه

بسم الله الرحمن الرحيم


سبق وان قمت بوضع هذه القصيده في ميدان المحاوره في 25/3/1427هـ وكان الهدف المنشود منها يتلخص معناه في هذا البيت (( السوق مهما صار لاتأمنونه)). فمهما اجتهد المحللين وكتب الناقدين وأوصى الموصين .
فأننا لم نتعلم من سوق الأسهم السعوديه غير الخسائر.

ملاحظه:

بالنسبه للشركات التي نزلت في السوق بعد هذا التاريخ 25/3/1427هـ لم تضاف للقصيده لان القصيده كتبت قبل نزولها وإدراجها في السوق .



سبحان ربي كل الارزاق بيده
اطلبه وانا واحد مـــن عبيده
يجعل حياة الناس دايم سعيده
والسوق مهما صــــار لاتأمنونه
وابد كلامي عن بدايات الاسهم
ماكان احد يدري بما في بـلدهم
ومع الدعايه صار زايد عددهـم
والسوق مهما صــــار لاتأمنونه
وكل واحـــــد قام ينصح زميله
يقول رح للبنك فأنا عمــــــيله
ابيع واشري والمكاسب جــليله
والسوق مهما صــــار لاتأمنونه
كلا يضارب يحسب السوق سوقه
دمه بيغـــلي فاير من عــــــروقه
مايدري ان النــــاس فيها سروقه
والسوق مهما صـــــــار لاتأمنونه
لكن بعض الناس طمـــــاع طماع
دبل فلوسه غير ياصـــاح ماباع
ومن زود مابه صار للكذب سماع
والسوق مهما صــــــار لاتأمنونه
والبنك ياكل من يمين او شمالي
ياخذ عمولها نصفها من حلالي
ومكسبي روح مــــع راس مالي
والسوق مهما صــــار لاتأمنونه
قابلت واحد قال تبغى الحــــقيقه
محافظ انترنت الافضل طريــــــقه
كبك من الصـــاله عساها بحريقه
والسوق مهما صــــــــار لاتأمنونه
الكل فاتح محفظه في حــــــسابه
والبنك يشرط مبــــــــلغ بالكتابه
يسرق عباد الله ماحــــــد درابه
والسوق مهما صــــــــار لاتأمنونه
وقابلت واحــــــد قال تحليل فني
افضل طريقه واســـــمع الشور مني
مايدري ان السوق راكــــــبه جني
والسوق مهما صـــــــــار لاتأمنونه
وبعدها قابلت نصـــــــاب محتال
يقول جتني توصيه عـــــبر جوال
هيا اشترك معهم ونبداء بـالاعمال
والسوق مهما صـــــــار لاتأمنونه
واخر تطور صار يــاناس في النت
البالتوك الي جمع شايب و بنت
كل يسجل اشتر الــسهم لاهنت
والسوق مهما صـــــــار لاتأمنونه
وكل هذا خدمه للهوامــــــــــير
شعارها في السوق تدمير تدمــــير
يالله تنشب في نحرها المسامـــير
والسوق مهما صــــــار لاتأمنونه
في شهر مايو قلت هـــذه مصيبه
وجانا ارتداد وقلت هذه غـريبه
كل في الدنيا بيـــــاخذ نصيبه
والسوق مهما صـــــار لاتأمنونه
قالو المؤشر في الحقيــقه تضخم
من يشتري ياناس ماظــن يسلم
ياجاهل في السوق هيا تـــــعلم
والسوق مهما صـــــار لاتأمنونه
خذنا النصيحه في البدايه طلعنا
وبين الحقيقه والهوامــير ضعنا
ياما بكينا غير ماحد ســــمعنا
والسوق مهما صـــــار لاتأمنونه
ويوم المؤشر راح عشـــــرين نقطه
كل يقول السوق بيجيـــــه ورطه
حتى ضعيف النفس صابته جلطه
والسوق مهما صــــــــار لاتأمنونه
ياناس كان السوق اخضر على اخضر
وبعد المصيبه عود الســـــــوق لاحمر
مبروك ياجماز والله اكـــــــــــــــبر
والسوق مهما صـــــــــــار لاتأمنونه
قالو نزول الســـــــــوق صحي وجيد
وخمسه في الميـــه قـــبل مــا نعـــيد
والعيد في روس الغلاباء يــاســـــــيد
والسوق مهما صـــــــــــار لاتأمنونه
التجزئه جتنا على وقت ضايع
والسوق وقف بين شاري وبايع
والشمع الاخضر صار بنار مايع
والسوق مهما صـــــار لاتأمنونه
كل يحلل سوقنا من مـــــزاجه
مايدري انا مالنا فيه حـــاجـــه
كل يدور مكسبه من خراجـــــه
والسوق مهما صـــــــار لاتأمنونه
حتى الاجانب شافو السوق طايح
الي يون الــــــــيل والي يصايح
يالله دخــــــيلك لاتزيد الفضايح
والسوق مهما صـــــــار لاتأمنونه
وكل يوم انقول يمـــــكن يعودي
اونشتريه اليوم يمــــــكن يزودي
حيرتنا ياسوقنا ياسعـــــــــودي
والسوق مهما صـــــــار لاتأمنونه
واكبر مصيبه هيئه السوق جماز
يسمع وينظر كن في أيـديه قفاز
الله يرحم شيخنا الشيخ بن باز
والسوق مهما صـــــار لاتأمنونه
سهم المصافي صــار سعره خيالي
سهم الشيوخ اهل السمو والمعالي
ياليتني معهم ودبلــت مـــــالي
والسوق مهما صــــــار لاتأمنونه
بيشه وقالو مافي الســــهم عيشه
وبعد فتره طار جسمـــه وريشه
والسهم ماله غير جنده وجيشه
والسوق مهما صــــار لاتأمنونه
قالو توجه عــــــند ذات العوائد
فعندها تلقى الـــــــكرم والفوائد
عرف قديم وصار في الناس سائد
والسوق مهما صــــــار لاتأمنونه
ياسوق انا لي فيك صوله وجوله
والدهر مهــما طال يومه وحوله
وادي اوضح للخــــلايق مقوله
والسوق مهما صــــار لاتأمنونه
ترى البنوك اساس كل المصـايب
والراجحي سهم العجب والعـجايب
وسهم البلاد الورع في عمر شـايب
والسوق مهما صــــــــار لاتأمنونه
والسوق له قائد وقـــــايده سابك
والغاز والتصنيع ويش الي جابك
وسهم المصافي ليش طول كــذابك
والسوق مهما صــــــار لاتأمنونه
مهما يقولو سافكو ســـــهم مظلوم
واظن صافولا لها وقت مـــــــعلوم
وفيبكو يقول السهم انا سيد الـقوم
والسوق مهما صــــــــار لاتأمنونه
خل الخزف عنــــده رقابه خطيره
والجبس لاصحاب العظام الكسيره
وسهم سيسكو سهــم عايش بغيره
والسوق مهما صــــــــار لاتأمنونه
ليت الدوائيه تشافي الـــــــــغلابا
وصدق سهم الصدق والاالـــــكذابا
والا اللجين الي عليها الــــــعتابا
والسوق مهما صــــــــار لاتأمنونه
ومعدنيه ماعاد منــهــــــــا جنيه
حتى نماء تمشي على خبث نيه
خل الغــــــــذائيه لفتهـــا المنيه
والسوق مهما صـــــــار لاتأمنونه
وزجاج والزامل عليهـــا رقـابه
وسهم المراعي تراه مر شـــرابه
وسهم بيشه طار ماحد درابــه
والسوق مهما صــــار لاتأمنونه
وسهم الاحساء سهم يكبر ويقسا
والكابلات الشين يـقطع ويخسا
واميانتيت الوقت لــوطال ينسا
والسوق مهما صـــــار لاتأمنونه
ياسهم انابيب انت سهم التراحيب
وسهم صـــحراء غير ماله مضاريب
ومتطوره ياناس عـــــــــز المطاليب
والسوق مهما صــــــــــار لاتأمنونه
والكيميائيه ترى الســــــهم عله
لاغاب جاء التصنيع وقف محله
مهما يسوي الشين يازيــن خله
والسوق مهما صـــــار لاتأمنونه
يقلون للمجـــموعه اســهم قويه
غير الحقيقه شفت الاسهم غبيه
وتعاونيه حرام يا اتعـــــــاونيه
والسوق مهما صـــــــار لاتأمنونه
وسدافكو يابنت منهو جــــــبركي
تستوردين المـــنتج الـــــــدينمركي
يانار شبي من سهمها حـــــطبكي
والسوق مهما صــــــــــار لاتأمنونه
ويوم المصيبه جات مع سهم ينساب
سهم المصايب والمصايب لها اسباب
فرقت مابـيـن الــقرايب والانسـاب
والسوق مــــــــهما صار لاتأمنونه
وان جيت للاسمنت هات اليمامه
سهم خطير ايطير مثل الحـــمامه
وتبوك ياهل المال طول منامـــــه
والسوق مــــــــهما صار لاتأمنونه
واسمنت ينبع جاء له الخير يمه
والا القصيم الســـهم في حكم عمه
وليت الجنوب اسمنتها صار قمه
والســـــوق مهــما صار لاتأمنونه
والــــــــعربيـه سهم جيد بجوده
خل السعودي ماجلس في حدوده
والشرق ياهل الشرق ضاعت وعوده
والسوق مــهما صــــــار لاتأمنونه
وسهـــــم الفنادق بعد النـاس عنه
خـــل العــــقاريه في الســوق جنه
لكن طاح الســــــوق واخلفت ظنه
والسوق مهما صـــــــــار لاتأمنونه
وسهم المواشي جنبه وانت ماشي
خلص فلوس الناس واكل معاشي
وقيمته ماظـــــــن تسوى فراشي
والسوق مهما صــــــــار لاتأمنونه
مكه وطيبه والمســــــــافه قريبه
والعمر بدري لكن الـــراس شيبه
والارض زينه غير الاسهم عجيبه
والسوق مهما صـــــار لاتأمنونه
قالو مبرد قلت ياليـــــل دانه
سهم ولا عنده في السوق خانه
ضيعت مالي ياقليل الامـــانه
والسوق مهما صـــــار لاتأمنونه
البحري الي ما نصدق نشوفه
لكن عمــــــــه مايبين حروفه
مهما تحسف ماتفيد الحسوفه
والسوق مهما صـــــار لاتأمنونه
اما المواتر حسبي الله عليها
احذرك يا صاحبي لاتجيها
كم واحد لو نائم عينه عليها
والسوق مهما صـــار لاتأمنونه
قالو الجماعي قلت لاتركبونه
سايقه هندي والعمى في عيونه
شرهه على الي كل يوم يجونه
والسوق مهما صـــــار لاتأمنونه
مسلسل الباحه في السوق دوره
سهم يمثل للمــضارب خطوره
مايشتري الزائر قـبل مايزوره
والسوق مهما صـــــار لاتأمنونه
ثمار يلعب لعبه الـــــــبس والفار
مايعرف الصحبه ولا يعرف الجار
حقيقه اني في السهم صرت محتار
والسوق مهما صـــــار لاتأمنونه
والصادرات السهم قاسي وراسي
والي شراء الفضه يبيع النحاسي
لكن لاتمشـــــــي بدون المداسي
والسوق مهما صـــــار لاتأمنونه
والي شراء التعمير تذرف دموعه
حتى ظلام الليل غابت شموعه
والي يصوم الدهر يصبر لجوعه
والسوق مهما صـــــار لاتأمنونه
وشمس ياشمس اتقي اللــه غيبي
خلي فتيحي ما لحق مال جيبي
وجرير راعي الخير ماله نصـيبي
والسوق مهما صــــــار لاتأمنونه
عسير مبنى العـــز يبقى جداره
والخير يقطف ياعرب من ثماره
لكن وضع الســــوق غير مساره
والسوق مهما صـــــار لاتأمنونه
ياهل الكتب لاتشترو في تهامه
هاذي نصيحه والحذر والسلامه
السهم نايم لاتعــــــــكر منامه
والسوق مهما صـــــار لاتأمنونه
وسهم الدريس ابليس يمشي مع ابليس
يضحك عليه واحسـب المال في الكيس
لكن ضاع المال ياشيــــــــخنا ادريس
والسوق مهما صــــــــــــار لاتأمنونه
والكهرباء حيه ولاهي بعقـــــرب
الي يشاهدها من الخوف يهـرب
انصحك منها لاتجيها وتقـــرب
والسوق مهما صــــــار لاتأمنونه
وانا معك يالي شراء الاتصــالات
سهم وله في السوق للمنع رايات
والاتحاد المشكله حي ما مات
والسوق مهما صـــــار لاتأمنونه
ياسهم نادك ليش طول عنادك
ماتدري ان الخير جاء في بلادك
حتى مع الاسهم تعثر جوادك
والسوق مهما صـــــار لاتأمنونه
والبحر واسع والسمك ضاع قوته
ماتدري ان البـــحر سيده حوته
سهم السمك لاجاك عجل وشوته
والسوق مهما صـــــار لاتأمنونه
يقلون حايل قلت يازين حايل
اهل الشهامه والكرم والجمايل
عقال مايل والسهم صار مايل
والسوق مهما صـــــار لاتأمنونه
وسهم القصيم السهم عنده محفز
والناس فوق الســــهم دايم تقفز
اسهـــــم غثيثه والحقيقه تنرفز
والسوق مهما صـــــار لاتأمنونه
والناس ما ادري ليش تشريك يالجوف
اتحسب انك سهـــم ما تعرف الخوف
عز الله انك سهـــــم بالعكس ملفوف
والسوق مهما صـــــار لاتأمنونه
تبوك من طبعك على الطيب ربوك
حتى عيال الناس بالصدق حــبوك
لكن ضاع الـمال والنـــــاس سبوك
والسوق مهما صـــــار لاتأمنونه
وقـــــــــول للشرقيه انت بليه
من يوم اشوف السهم عود عليه
نواة دمي تنفجــــــر في الخليه
والسوق مهما صـــــار لاتأمنونه
ياناس في جيزان خضر الروابي
اذا شريته لازم افقد صـــــوابي
ماعاد اميز ماكــــلي من شرابي
والسوق مهما صـــــار لاتأمنونه
قلبي تولع يالخــــشاش الزراعي
الي مع الهـامور يـلوي ذراعــــي
خلاص راح الوقت والمـال ضاعي
والسوق مهما صــــــار لاتأمنونه
قالو مريكا قلت وايران وايــران
وقالو تضخم قلت حيران حيران
وقالو بطاله قلت جوعان جوعان
وقالو سياسه قلت زعلان زعلان
وقالو مقدر قلت صــــبر وسلوان
والسوق مهما صــــــار لاتأمنونه
يلي سلخت السوق من بعد ذبحــــه
انا اشهــد ان السوق في ايديك سبحه
والي فعلته بين الــــــوقت قـــــبحه
والسوق مهما صــــــار لاتأمنونه
واقول للشثري ولبــــنى العليان
والتاجر الكنهـل وهامور قحطان
الكلب لو ينبح ترى يفجع الضان
والسوق مهما صـــــار لاتأمنونه
واقول لاهل المال ورجال الاعـمال
ترى زكاه المال في كل الاحــــوال
تجعلك طيب نفس ما تشغل البال
والسوق مهما صــــــار لاتأمنونه
واقول للمستثمر اخذ النصيحه
بعد عن المترديه والنطــــيحه
هاذي حقيقه والعباره صريحه
والسوق مهما صـــــار لاتأمنونه
ولاتفوت فرصــــــــــه الاكتتابات
يمكن تفيدك لاحصل وقت الازمات
ودرب البدايه غير درب النـهايات
والسوق مهما صــار لاتأمنونه
واما المضارب لايطول جلوسه
فيضيع ماقد جمعه من فلوسه
والمجتهد لازم يذاكر دروسه
والسوق مهما صـار لاتأمنونه
واقول للهامور حــــنا ضحيه
مايقتل الحيه سوى سم حيه
خل العلم لو غاب ماله تحيه
والسوق مهما صار لاتأمنونه
واقول للي جـــــمع اموال غيره
قلبك مريض ولا معك فيه غيره
ترى الطمع ياشين هذا مـصيره
والسوق مهما صــــار لاتأمنونه
واقول للمفتين واهل الســـــماحه
الظلم بين الناس زادت جـــراحه
ماينفع اتكلم بدون الصــــــراحه
والسوق مهــــــما صار لاتأمنونه
واقول للمسؤل واهــــل المناصب
ترى كلام الحق في الدين واجب
والموت لوجاء ماتفـــــيد المراتب
والسوق مهما صـــــــار لاتأمنونه
واقول للمتورط اصـــــبر وصابر
واحذر ترى الله مايحب المكابر
العظم مكسور وللكســـــر جابر
والسوق مهما صـــار لاتأمنونه
واقول للمهموم دنيــــــا دنيــه
والموت يحكمنا بوقته ســــــويه
والي حصل للناس يحصل عليه
والسوق مهما صـــــــار لاتأمنونه
والي يحلل سوقنا مــــات مقهور
يحسب ان السوق ناقه وهو ثور
والله يعين الي على الكذب مجبور
والسوق مهما صار لاتأمنونـــــه
واقــــول للهـــــيئه بعد ذيك الافلام
الشــــــــــــعر والله ماتكفيه الاقلام
وصار ارتداد السوق من طيش الاحلام
والسوق مــهما صــــــــــار لاتأمنونه
يا متقين الــلــه تقواه مـــخرج
والهـــم مهما طال لابد يـــفرج
لاتستحي مالحق وتقول مـحرج
والسوق مــهما صــــار لاتأمنونه
ويقول عبدالله وجنـــــت جنونه
والنوم مازاره ولاجاء عـــــــيونه
السوق مهـما صـــــــار لاتأمنونه
والسوق مهما صـــــــار لاتأمنونه
ياخـــادم البيتين صـــقر العروبه
اهل الحميه والـــــــكرم يقتدوبه
على طريق الخـــــير دايم دروبه
ويا الله ثبتنا على دين الاسلام
والخير كل الخير سلطان سلطان
يشهد له التاريخ في كــل الازمان
شهم كريم حط للخــــــير عنوان
ويا الله ثبتنا على دين الاسلام
وختامها مسك وعنبر وكـــــادي
وصلو على المبعوث للناس هادي
والله يديم الامن لك يابـــــلادي
ويا الله ثبتنا على دين الاسلام




وســــــــــــــــلامـــــــــــتكم

روعه ابو ماكن واصبت عين الحقيقه .
تحياتي

ما شاء الله عليك يابو ماكن
اثرك شاعر وانا مدري
من اليوم اسميك شاعر الاسهم السعودية
ومشكور على هل القصيدة الممتعه
تحياتي .... ابو ماكن .. أخوك ابوفايز

الاخ العزيز/ ولد صالح الف شكر على مرورك وتعبيرك عن رايك المحترم.

الاخ / ابو فايز

سوف تجدني في قسم المحاوره والموروث الشعبي على طول وسبق وان وضعت هذه القصيده هناك لكن الجماعه هناك شكلهم غير مهتمين بالاسهم مثل اهتمام قسم الاسهم السعوديه فقلت اقل شيء اني اسجل حضوري لديكم وعسى ما اكون طولت عليكم .

كلامك كله حكم اخي ابو ماكن
صح لسانك
السوق السعودي بالفعل ماله امان بوجود تلك الزمرة الفاسده
تقبل خالص مودتي
ابو عبدالله

ىتنسى اعمار والبحر الاحمر والحكير قصيده خاصه .

والله مبدع اخوى ابو ماكن

ماشاء الله تبارك الله

واضح ماشاء الله انك خبير فى السوق

من ملاحظاتى لما كتبتم بين الاسطر

والله يستر لان شكلك معلق بكراعينك

لكنك احسن من غيرك على الاقل تعبر عن مافى نفسك

من خلال شعرك الرائع اما نحن لنا الله

لافلوس ولاشعر




تقبل تحياتى واعجابى بكل ماتكتب


واسمحلى بنقل القصيده الى بعض المنتديات

الاخ العزيز / صالح ال سلمان


شهاده اعتز فيها وليس بالغريب عليك المرور والحضور الذي يزيد من عطاء ابناء هذا المنتدى.




الاخ العزيز / ولد صالح



بالنسبه لهذه القصيده فأنني كتبتها قبل نزول إعمار والبحر الاحمر والحكير وسبكيم في تاريخ 25/3/1427هـ ويمكن إضافتها الان لكن كانت هذه القصيده تعبر عن وضع السوق في تلك الفتره فقط .


الاخ / خيال اصايل

انا اجتهدت واعددت القصيده وانت اجتهد وانشرها فلا هناك لدي اي مانع حتى ولو تنسبها لك .



تقبلو اجمل تحيات اخوكم // عبدالله بن ماكن القرني .