قصيدة ام لولدها بعد تركها في دار المسنين

قصيدة ام لولدها بعد تركها في دار المسنين

--------------------------------------------------------------------------------




هذي قصيده أم بعد أن وداها ولدها .. للمصحه ( دار العجزه ) ..

أو كما يقااال ( دار النسيان ) ..



وين أنت يا حمدان أمـك تناديـك

وراك مـا تسمـع شكايـا وندايـا

يا مسندي قلبي على الدوم يطريـك

ما غبت عن عيني وطيفك سمايـا

هذي ثلاث سنين والعيـن تبكيـك

ما شفت زولك زايـر يـا ضنايـا

تذكر حياتي يـوم أشيلـك وأداريك

والأعبـك دايـم وتمشـي ورايـا

ترقد على صوتي وحضني يدفيـك

ما غيرك أحدٍ ساكن فـي حشايـا

واليا مرضت أسهر بقربك وأداريك

ما ذوق طعم النوم صبـح ومسايـا

ياما عطيتك من حنانـي وبعطيـك

تكبـر وتكبـر بالأمـل يـا منايـا

لكن خساره بعتني اليـوم وشفيـك

وأخلصت للزوجه وأنا لي شقايـا

أنا أدري إنها قاسيـه مـا تخليـك

قالت عجـوزك مـا أبيهـا معايـا

خليتني وسط المصحه وأنا أرجيك

هذا جزا المعروف وهـذا جزايـا

يـا ليتنـي خدامـة بيـن أياديـك

من شان أشوفك كل يوم برضايـا

مشكور يا ولدي وتشكر مساعيـك

وأدعـي لـك الله دايـم بالهدايـا

حمدان يا حمـدان أمـك توصيـك

أخاف من تلحق تشـوف الوصايـا

أوصيت دكتور المصحه بيعطيـك

رسالتـي وأحروفهـا مـن بكايـا

وإن مت لا تبخل علـي بدعاويـك

وأطلب لي الغفران وهـذا رجايـا

وأمطر تراب القبر بدموع عينيـك

ما عـاد ينفعـك النـدم والنعايـا

مــنــقــول
حسبي الله وحده ونعم الوكيل الله ..


ولد بني شهر

قصيدة لا توفيها العبرات بكاء


الله يعطيك العافية

وإن مت لا تبخل علـي بدعاويـك

وأطلب لي الغفران وهـذا رجايـا


الله يعطيك العافية