((خمس السنيـــــن اللي مضت واستباحت!!!...))..

خمس السنين اللي مضت واستباحت =طعن القلوب وجرحها اللي نسيتيـه
كل يوم تطعن خافقي ما استراحـت =مسكين قلبي ما لقـى مـن يعزيـه
حتى الثواني تكتب بحزن((راحت)) =وضاع عمري لاجل وهمك وطاريـه
احلى الاماني اكملـت ثـم طاحـت =وانهـد حلـمٍ كـم تعبنـا نعلـيـه
خمس السنين اللي مضت ثم فاحـت =منها الخيانـه والغـدر والمشاريـه
منها ضلوعـي يالحبيبـه تناحـت =وانحل جسمي لاجل جرحٍ اباريـه
واصبح سؤالي وينها؟وين راحـت؟ =ومـن خذاهـا للرحيـل وموانيـه
حتى المشاعرمابقى شـي باحـت! =فرقـاك ابرتهـا وغـدرك اعانيـه
خمس السنين اللي مضت ثم لاحـت =بانوار حبك واللقـا مـع طواريـه
تطعن وتطعن خافقـي ماستراحـت =واليوم جيتي عقب عهـدٍ نقضتيـه
توك تجيني يـوم فرقـاك صاحـت =وعقب جرحٍ صرت انا اليوم ناسيه
حتى حروف اسمك من القلب طاحت =وطاح قدرك في عبارات((مابيـه))
باكر اذا نفسك مـن الهـم ناحـت =بتعرفين اللـي انـا كنـت اعانيـه
خمس السنين اللي مضت واستباحت =طعن القلوب وجرحها اللي نسيتيـه

اررررررررررررحب يالبرنس ارررررحب
صح الله لسانك مليووون
لاتحرمنا من جديدك

فالك الطيب

البـــرنس

صــــح الله لساانك يا غالــي
قصيـــــــــدة رائــعـــه بكل معاني الكلمـــه
الله يعطيـــــــــــــك الف الف عافيــــه
في إنتظار جديدكـ والمزيـد من هذا الإبــداع والجزالـه
تقبل أطيب تحيـــــــــــه

((الغراني))

الله يسلمك ويبقيك


وصح بدنك با ذيب وجعلك تسلم


وشكرا لك على مرورك العطر

((سيف العرب))

اسعدني جدا مرورك وتعليقك

لا عدمتك ولا عدمت مرورك الجميل

وصح بدنك يالغالي وجعلك تسلم

وشكرا لك على مرورك العطر

وتقبل اجمل التحايا من اخوك:

البــــــــــــــــرنس