$ ختـوم النويصيـب و ضيدان بن قضعان $

السلام عليكم ورحمة الله وبركاتـــه

اسعد الله جميــع اوقاتكم بالخير جميــــع

أطمر من اللكزس وأطوح على الجيـب///ولا نيـب فالخفجـي عليمـي سواقـه

قصيدة للشاعــر ضيدان بن منصور بن قضعان العجمي
موجها للشاعر مطلق بن ناصر الهاجري
ولـــــــــــو اني اعتذر لاني ما سمعت رد الهاجري
حبيت انقل لكم قصيدة ضيدان وان شاء الله تعجبكم

كمّل جوازي مـن ختـوم النويصيـب=وأخذت مـن عنـد المحافـظ بطاقـه
لو ماعطاني كان ماردنـي ((البيـب))=اليـا أرتكـى كـلٍ علـى مـخ ساقـه
أطمر من اللكزس وأطوح على الجيـب=ولا نيـب فالخفجـي عليمـي سواقـه
وإن مافهقت عصير ((رغوه)) فلا نيب=شـوق الهنـوف العيطمـوس الدقاقـه
بنـت الشيـوخ مفرقيـن الأصاحيـب=اللـي يعشقـون المراجـل عشـاقـه
لعيونها تبـدي لـي الشمـس وتغيـب=ويلحق بهـا عمـري مـداه وغلاقـه
قلبي وفلذة كبـدي اللـي بـدا الشيـب=مـن يـوم ماصـار المواجـه شفاقـه
يا الهاجري ((مطلق)) كثير التراحيـب=في وجه ضيـفٍ قـام حظـه وساقـه
وضواه حظه مـن خيـار المعازيـب=والفـا علـى أهـل المرحبـا واللباقـه
ملفاه(( أبو ناصر )) قديـم التجاريـب=للـي علـى الدنيـا وثيـق العـلاقـه
فـمشـيِّـدٍ ومثـبـتٍ بالأطـانـيـب=امروبـعٍ يـذري حجـابـه رواقــه
مـن بيـن ربـعٍ يكملـون المطاليـب=وكلٍ يسـوق الطيـب خـارج نطاقـه
((هواجـرٍ)) مايجهلـون المواجـيـب=ولا لهـم عقـب الهـجـوم انفهـاقـه
كبيرهـم سوالـفـه شـمّـخ النـيـب=لاسولـف الأحمـق علـوم الحمـاقـه
وأوسطهـم إن دارت عليـه الدواليـب=ماطـار بحقـوق الوفـا والصـداقـه
واصغيرهم لا أقبلت رحـب بترحيـب=خطـرٍ يسلبـق مرحـبـاه بطـلاقـه
يا صاحبي ((مطلق)) عطيب المضاريب=من قبـل لا يخلـي العراقـي عراقـه
لازم تجـي لـو يزعلـون المناصيـب=لـو دونهـا مـوجٍ يهـول إصطفاقـه
البارحه مـن بيـن خضـر الهناديـب=غنـى حمـام الـورق علـى رواقـه
وعـدّا المغنـي نايفـات المراقـيـب=وعنـده علـى مبـدا الطويلـه لياقـه
والموهبـه ماهيـب تحتـاج تـدريـب=والــذ شــيٍ فالحـيـاة الـذواقـه
ومن سلـم اللحيـه لبيـض العذاريـب=لابـد مانعطـيـه كــف الحـلاقـه
يا مطلق إرفعها عـن الشـك والريـب=ومن كب ((ما)) الحيضان ماعاد حاقـه
وانت الذي يرمي بك الظـن ويصيـب=وإلا الردي مالـه علـى الظـن طاقـه
ساسك عريب وراسك أطيب من الطيب=وأبيـك يـرخـي للثقيـلـه شقـاقـه
والبل ليـا اقفـت ماتجـي بالمناديـب=وحنـا علـى ماقيـل ربـع ورفاقـه
وأنا الخبير بسـوق عـوج المصاليـب=ومـن جـل ذودك ماتنـقـى دقـاقـه
نهبـت مفـرودٍ يعشـى علـى الذيـب=سلف... ومردوده على الحـول ناقـه

سيف العرب
ضيدان بن قضعان
شاعر إعجابي به
منذو مبطي على ماقالو وانا اقراء له من قبل النت
وبمجلات خليجيه وسعوديه كان لها شعبيه صراحه
او ان النت ابعدتنا عن متابعه المجلات

يبقى ضيدان شاعر وراقي
محبوب بمشاعره اينما حل

اشكرك واشكر لك إعجابك بما نقلت

لك احترام اخوك
المسكت

سيف العرب

صح الله لسان ضيدان بن قضعان


وسلمت يمينك على النقل الطيب

لك المقدريه والوقار

فالك الطيب

المسكت

يعطيك العافيه على المرور العذب
تقبل خالص الود

الغراني

يعطيك العافيه على مرورك المشرف
تقبل خالص الود