جاني بلا قيس والكندي وذا الرمة

لو الأماني تجي بالعزم و ألهمه
حرام قبل المساء لاحقق أحلامــــــــــي
لو التعاسة رجل شربت من دمـه
ولو الندامة عزا ما أسامح إبهامــــــي
أنا اشهد إن الليالي مالها ذمـــه
تمطر على المرتوي وتعطش الضــامي
جاني بلا قيس والكندي وذا الرمة
يا لعن أبوها المحبة حاست أيامـــــــــــي
وش عاد لو تزعل الخفرات و الذمة
راحوا رجا جيل سبت طرفها الرامــــــي
وش السواة و صغير السن عند أمه
يشرب دلال وجروحي تشرب آلامـــــــي
المترف اللي يفوح المسك من فمـه
يا ما تدفى النحل من جمره الحامــــــي
يا ما عوا الذيب بالمر قاب لا شــمه
تمضي الليالي وهو سهران ما نامــــــي
ما ادري وش اللي رماني في حشا يمه
شيطان حبه تلبس داخل عظامــــــــــــــي
أقصى طموحي أزت الحزن واضمه
واشفي غليلي واداوي جرحي الدامـــــــي
عزاه من جرحي اللي طافح همه
خايف يكون اللقا من لعبة اوهامـــــــــــي