يوميات مدحت وعله

يوميات مدحت وعلة!!

البدايات الأولى


مدحت وهو يكلم علة بالتلفون بعد ما ملك عليها
:تسيفتس يا حبيبتي ؟! .. وش أخبارتس يا عنزة فؤادي .. يا تسبدي اللي يمشي على الأرض!!

علة : والله إنت اللي بطيت تسبدي يا مدحت .. الحين هذه عبارات الغزل اللي عندك ؟! .. تسيفتس.. وش أخبارتس ؟! .. ليش إنت جالس تكلم الوالدة ؟!
ما درستوا في المدارس شعر الغزل وقيس وليلى ؟! .. ما تقرأ روميو وجوليت؟! .. يا مال العمى!!

مدحت : رويدك .. رويدك يا حبيبتي يا علة .. لا تستعجلين علي .. تونا أمس مملكين .. وأمس بس اللي قدرت أشوف خشتس .. أبوتس يالله بالقوة رضي إني أطل عليتس طلة ووالله إني ما ثنيتها.. هذا وأنا جايب معي المهر .. أجل لو جاي ويديني فاضية وش كان بيسوي ؟! .. حتى ما مداني أعرف إن كنت لابسة فستان أحمر ولا أخضر ؟!

علة : أحمر وأخضر في عيونك !! .. ليش شايفني إشارة مرور ومكتوب عليها ممنوع العبور ؟! .. يا مال البلا يا مدحت .. تبغاني أجلس وأتقهوى معك إنت ووجهك
وأنا توني ما دريت إني مخطوبة إلا يوم طلبوني ألبس عبايتي عند الشيخ علشان أوقع .. ومن زود الدلاخة وقعت وأنا مدري وش السالفة ما دريت إلا وأهلي يزغردون ويقولون مبروتس عليتس يا علة عريس الهنا!!

مدحت : الحين يا علة أبوتس لاهف(ن) مني مية ألف ريال عدا ونقدا وإنتي ما تدرين وش السالفة ؟! .. ومن زود الكرم صب لي فنجان مويه حارة لأن ما عندكم قهوة .. ويوم خلصت هز الفنجال بدالي وحطه على الصينية!! .. نعنبوك حتى المويه الحارة تبخل بها على الضيوف ؟! .. وأبوي يوم شاف اللي صار قالي خلنا نمشي يا مدحت إذا كان هذا أوله ينعاف تاليه .. لكني أصريت وقلت لا يا يبه ما أقدر أنا خلاص حبيتها .. مئدرش أعيش من غيرها ..

علة بكل دلال : صحيح يا مدحت ما تقدر تعيش من غيري ؟! .. إيه الحين بديت تفهم يا الدلخ .. هذه بداية طيبة .. واصل يا بعد عمري ..

مدحت وقد تهللت أساريره : إيه يا علة ما أقدر أعيش من غيرتس .. إنت بابا وإنت ماما وإنت كل شيء في حياتي ... نجوم الظهر أقربلك .. روح يا واد اندهه للعمدة وشيخ الخفر .. الجوازة دي مش لازم تتم .. إتفضل يا رأفت إدخل وقل لي أخبار العقود إيه الراجل إدالك الفلوس ؟! .. سلم نفسك يا عتريس البيت كله محاصر .. يا جملات إفتحي للمكوجي أصل ليه ساعة ملطوع بره عند الباب
بابا أنا عاوزه أروح النادي .. والخطيب ماشي بالكوره وهبا شاطها في الجون يا سلام عليك يواد يا حريف .. إنت بترشيني يا سمير ؟! بعد العمر ده كله آخذ رشوة ؟! أنا آخذ رشوة أنا ؟! ... إلحقوني يا ناس البنت عاوزه ترمي نفسها من الشباك .. بس يا فيفي الشقة ما خلصتش لحد دولقتي والمعلم ماخد مني عربون خلو رجل من إمبارح بس!! ..

علة : مدحت إنت فاتح التلفزيون ؟! .. وش السالفة ؟!

مدحت وقد انتبه : ها .. وش هو ؟! ..

علة : وش اللي صاير بالع راديو ؟! .. إنت جالس تتغزل فيني ولا جالس تسمع لي إنشودة!! .. يا أخي بطل الغش .. فكر وإنت تغش مو تسمع لي مقاطع حافظها من المسلسلات وتحسبها غزل!! .. لو أدري إني بأتزوج واحد تنح كان ما أخذتك!!

مدحت وهو يحاول يلملم الموضوع : آسف يا علة .. أنا كنت أحسب إن المقاطع هذه عبارت غزل .. وجلست كم شهر علشان أحفظها ما دريت إنها مالها علاقة بموضوعنا .. ولا يهمتس يا حبيبتي من الحين ورايح بأبدأ أقرأ كل أشعار الغزل علشان أسمعتس كلام حلو وترضين عني يا علتي في ها الدنيا!!

علة : على العموم أنا الحين بأقفل السماعة .. سديت نفسي عن الكلام إنت ووجهك يا المرجوج .. الله يا خذك ويريحني منك ..

مدحت : يا سلام على الرقة والنعومة .. هذا وحنا ما بعد سكنا في بيت واحد يا علة .. علة يا حبيبتي عودي إلي .. علللللللللللللة

وأغلقت علة السماعة وذهبت لتتابع برامج الأطفال!!


ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه وربي رهيبه
تذكرني بحتسي ... جووووووووووووووووود والجرح
وومكن يكونون هم بس متنكرين ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ملتووووووووووووش
طلووووووووووووووووووووووولي