قليل الأصل لو شفته صفالك ....... ترى ....

قليل الأصل لو شفته صفالك = ترى الانذال عشرتها مصايب
ولو تعطيه من غالي حلالك = ترى الخايب على ما قيل خايب
اذا صارت له الحاجه عنالك = ولو تحتاجه انت قيل غايب
ويضحك لك وهو قاعد قبالك = ولا من صد في أمره غرايب
ويحلف لك يمين أنه صفالك = وهو عن مشيته ماهو بتايب
وراعي العيب لو هو من عيالك = ولو هو من جماعه أو قرايب
تراك أبرفقته أتعبت حالك = فقله رح يا علك للذهايب
فأحذر يا فتى واعرف رجالك = من اللي ما تزعزعها النوايب
يعلّوا بين خلق الله جلالك = ومن عادوك وروه العقايب

الشاعر : علي القحطاني