وين شعار المحاوره...!

الرد
اوزن علم بندقك والاّ الشداد
لا تلد نظرك بنجم في غروب
لن الغطاء مايتحلحل ومحكوم
وان كان تبغى الجزاء يجزاك رب
شهر الحدى حزة الملقا صمه

البدع :

يا صوت وضّح !! ترى ماني جماد
أعرف شيوخ(ن) مهرّب و امهروب
وان جيت تحكم ترى ما فيك لوم
دام النَخَل عندنا ماهو غرَب
ما اسمع لصوت(ن) بليّا امكالمه

الرد=
العجّ حولك وارى ان العجّ ماد=
ما عاد ينفع من الضيق الهروب=
و لا يخارجْك زودٍ فالكلوم=
و النجم ذا فالسما منّه غرب=
ما يرفع الضيم زود امكالمه*=

المكلوم = المريض

يالاووووووووووول:

البدع
البشت لي وانت تكفيك البياد
والرجل ما يحكمه غتره وثوب
الرجل بين القبايل والقروم
فعله يجمّل وفي بيته شبب
ماتنحصي وقفته وامكارمه

الرد
نطوي البحور العميقة والبياد
ونقول للمعتدي ريح وثوب
والق العدو المحايد والق روم
لا تقترب بقعةٍ فيها شبب
موج البحر يسحبك بامكار مه (ماه)

.. نأسف على التأخير نظراً لظروف السفر المفاجئة ..

البدع :

يامن جنى الغرس والمجنى عقاد
خلك على حوكتك واِسنِد بروب
انحن نعَرْف السواقي والعقوم
ودامك تعزوى بقوم(ن) تحتطب
فلا تضِيْف الجهَل يا عالِمه

صح الله السنتكم
وفالكم البيضا

( الرد )
أبعقد القاف عالمعنى عقاد=
ألين ما ينعرف راس الذروب=
من تلقح افكاره وغيره عقوم=
و الفكر ما يرتقي من تحت طب=
حتى و لو طفت كل العالمة=

خلووووووووها ابطيتوا ..........

البدع
اتعبتكم بالملاحق والطراد
واشعلت من حولكم نارٍ لهوب
يا بوعوض صاحبك ما هو عزوم
من بعد ما جاء يصرّف وانسحب
ويخاف ضرب السيوف الموسمه..!

وينك يا خوي.....؟
....
..
.

موجود موجود لكن ظروف سفر
الرد
يامن فليت الرسائل والطراد
اصمد معي في المواقف والاّ هوب
وان شفت ضرب القلت شد العزوم
وانس الخوي المراوغ وانس حب
واجن الثمر لا استوى في موسمه

البـدع :

يا صوت لوما تجيني بانفراد
فاعلم تراني مع اللاعب لعوب
وأحب أحاور واسدّد ف الهجوم
خل الذي لا لعب ياما لعب
أهدافنا في شباكه مِحكمه

الليث لا جاع وشمّ بلَنفْ راد=
دوّر فريستْه و في فكّه لعوب=
ولا من تبدّت نواها بالهجوم=
واخلف لحَمْهاَ و خلّطْه اللعب *=
و احنا ابْنظرْ غيرنا نلمح كمْه=

اللعب =لعاب الفم

سلامة الاسفار حيا الله الجميع...

البدع
يامن تراوغ ترى حن الاتحاد
واهدافنا فيك من حدبا وصوب
لكن ما بلحقك عار ولوم
كم مالاسامي.. وياكم مالكتب
يبغا لها يا زميلي ترجمه

الرد
يازين جمع العرب والأتحاد
لكن ماني عليها بمغصوب
والزاد للخاطر الطرقي ولوم
لكن تب قبل ماعلمك تب
لا شفت نوٍ حدر من ترج ماه