البدع
شعّارنـا نومهم طــوّل وزاد
مسكين يامن شكى جور الحروب
واليوم بأعلن تحدي للعموم
يامن هبيت الحطب فوق اللهب
وشهي العواقب ووشهي الخاتمه

الرد
لو كان مابيننا ملح وزاد
عدّيتك انك من اديار الحروب
مايردك الا خوالك والعموم
لكن خذ م المعاني والاّ هب
راعي الوفاء مايغيّر خاتمة

ما حنا بنايمين - طال عُمرك والمشاهدين -
بس ما شفنا متواجدين فقلنا خلّها لين يجون المصيفين .


مدري من اللي حكى ؟ ويش المراد ؟
الله بصير(ن) على ما فـ القلوب
إنا نحب المبادي والسلوم
وإن كان حديتنا نرمي بطوب
الله يعينك تحـظّ وقـادمه

الرد=
من زيّن البدع له زان المراد=
والله يكفيه من شرّ القلوب=
و لا بيلحقْه بين الناس لوم=
دامه على الطيب يلقاها بطوب=
واللي على الثانية يلقى دمه=

اسمع
لا تاخذ العلم يا جاسر عناد
وانصحك تمشي معا سمح الدروب
كلٍ عزيزٍ معه ربع ٍ وقوم
راعي الردى مالردى..مافيه طب
يا كم لي اناصحه وأعولمه..؟؟

الرد
ياسعيد صاحبك لاما سمع ناد
البحر ياتيه وقت المد روب
لد النظر في السماء واعتز وقوم
كم واحدٍ شايف الماء فيه طب
الله يكفيه شر العولمه

البدع :

توي سمعت المنادي والمناد
وابشر بسمحان ملّاس الكروب
السوق يامن شرى زايد وسوم
لا تلتهي بالغناجي و الطرَب
ولا تخاوي النفوس الظالمة

الرد=
تناود الرجم ولاّ الرجم ناد=
واكرب صواميلكم يا هل الكروب=
قبلٍ تجيكم ملايين الوسوم=
يا هلْ طريب الطْريَقَيْ ما طرَب=
يسلك دروب الوعَر ْوالظالمة=

البدع
السوق سوقي من ايام الجداد
واحمي حمانا شمال وفي جنوب
ماني بظالم ولا احب الظلوم
هذي قوافي وقيفان ٍ وأدب
يا خوف قلبي تصير ملاكمه

ياسلام ياسلام
الله يعطيكم العافية وصحت السنتكم جميعاً
سجلوا متابعتي

الرد
هاتي العلوم القديمة والجداد
كلٍ بما يمتلك يحمي الجنوب
حتى ولو كان في ليلٍ ظلوم
لكن يمشي بتقدير وادب
لن السماء يوم تظلم لاكمه

البدع :

سوق(ن) بلا مدّ قرّب له مداد
يا شاعر(ن) قال .. " رُد بلا عيوب"
وارجع لتاريخنا تلقى العلوم
حنا حمينا الخواجة والعَـرَب
يا خوف قلبي تعود ملاطمه

الرد=
هات الورق والدفاتر والمداد=
واملاء لك المكتبه و املا العيوب=
في الشعر و لا الرياضة والعلوم=
و النحو و فنونها علم و عرَب=
واللي يجي يبشر و نملاء..طمْه=