وين الصديق اللي على الشف والكيف !!!

رغم وجود المئات حولي الا انني لا زلت افتقد الصديق :
. . .
. .
.
وين الصديق اللي على الشف والكيف
اللي ليـا شفتـه جروحـي براهـا

في ساعة الشدات بايدي كما السيـف
كل الهمـوم اللـي بقلبـي جلاهـا

رفقته لي عـزْ ومهابـة ْ وتشريـف
والنفس فـي قربـه يجيهـا غناهـا

ياحيف من بعض الرجاجيل ياحيـف
اللي علـى حكـم المصالـح ولاهـا

لاصار مستغني يجيـب التصاريـف
ويصـد عنـك ويبتعـد ويتـلاهـى

ماعنـده استعـداد يلحقـه تكليـف
حتى لـو اصحابـه تسايـل دماهـا

ولاصار يبغى منك خدمـة وتسليـف
تنقـط لسانـه عسـل مـن حلاهـا

ويجيك باغلى المدح واحلى السواليف
ويصيّرك نجـم رقـى فـي عُلاهـا

واذا قضى حاجتـه ولّـى ولاشيـف
ياليش يرجـع بعـد ماهوقضاهـا؟!

هاذاك مثل البارق اللي برق صيـف
سحايبـه شحـت علينـا بمـاهـا

مكتّفٍ عن طيـب الافعـال تكتيـف
نفسه خبيثـة موتهـا هـو دواهـا

لاصـار ماينفـع رفيـق ولاضيـف
يالعنبـو رفقتـه واللـي شراهـا
. . .
. .
.
راجي الوصل

راجي الوصل
صح لسانك
قصيده شامخه وصادقه
ابدعت

بارك الله فيك

صح لسانك اخوي لا خلا ولا عدم

الأخ علي : ( راجي الوصل )

مسااااءك فل وياسمين
أشتقت لك وربي
الله يسعدك

وأشتقنا لقصائدك الجميلة والغير متكلّفة
والتي دائما ً تتحدث عن نفسها .

أتمنى مانكون مقصّرين معك أبو نادر .
وزملائك كلهم يسلمون عليك !!!! ؟ ويسألون عنك . مقفل جوالاتك .
طمنّا عليك .الله يسعدك .

أخوك أبو مصعب .

صح لسانك ..
شاعر متمكن وكلماتك رفيعة المستوى ..
تقديري لك ..

صح لسآنك اخوي علي ولا عدمنآك نص رآئع وقل الوفي المخلص في هذآ الزمن اتفق معك تمآما .. تقبل مروري واعذب تحيآتي

صح لسانك الله يعطيك العافية يا الغالي.. ويكفي

ولاصار يبغى منك خدمـة وتسليـف
تنقـط لسانـه عسـل مـن حلاهـا

ويجيك باغلى المدح واحلى السواليف
ويصيّرك نجـم رقـى فـي عُلاهـا

واذا قضى حاجتـه ولّـى ولاشيـف
ياليش يرجـع بعـد ماهوقضاهـا؟!

هاذاك مثل البارق اللي برق صيـف
سحايبـه شحـت علينـا بمـاهـا

مكتّفٍ عن طيـب الافعـال تكتيـف
نفسه خبيثـة موتهـا هـو دواهـا

لاصـار ماينفـع رفيـق ولاضيـف
يالعنبـو رفقتـه واللـي شراهـا

راجي الوصل

بيض الله وجهك على هذة القصيدة وصح لسانك - قصيدة معبرة