عشقتك من ضمير ٍ ما يساوم فيك ويخونـك

كثر ماضاقت الدنيا عليّ وصـرت مجنونـك
تعلّقـت بهـواك وجيـت هايـم لاتخلينـي

ليا ناديتك اقرب .. لا تزوّد غـلّ مفتونـك
تعال ولمّنـي وان نمـت تكفـى لاتصحينـي

تفنّنت بغرامك والغلا هـو سيّـد فنونـك
تمكّنت بغلاك وصرت تمشـي فـي شرايينـي

وش اللي صار فالدنيا ليا ناظـرت بعيونـك
انا في حلم ولا علم!!.. ياللي شافتك عينـي

غرقت فـموج بحرك ما وصلت لسر مكنونك
تساهلتك مع انك صعب وانت اللي معنّينـي

عشقتك من ضمير ٍ ما يساوم فيك ويخونـك
رغم كل الظروف اللي تجي مابينـك وبينـي

وعاهدتك عهد ماغيرك احدٍ يقرب حصونك
معك طـال الزمن والاّ قصر ياشمعـة سنينـي

عسى الله مايوريني فراقك واعطش مزونـك
تحريتك تجي فـي يـوم تنعشنـي وتروينـي

عليك الله وأمانه كيف اعيش العمر من دونك
وانا اللي لا تذكرتك نسيت اللـي يحاكينـي

( أحبّك ) كلمةٍ تكشف غلاك وتطرد ظنونك
وترضي خاطرك واللي يجيني منـك يرضينـي

تقرّب من حبيبـك والعـواذل لا يهمّونـك
وانا لا همني غيـرك ,, ولا غيـرك بيعنينـي

مدام انّك ملكت القلب وعروقـه يلبّونـك
تمخطر بالحشا ( لبّى ) حشاي وكل مافينـي.

،مما راق لي،

اعز الناس فارقني

شكرا شكرا على جمال ما تنتقيه لنا ...

واهنئك على جمال ذائقتك الشعرية الجميلة ...

لا عدمنااااك


جبرني الوقت

اعز الناس فارقني

الله يعطيك العافيه

انتقاء رائع

صح الله لسان القايل وسلمت يمين الناقل

اطيب التحايا

لحرفك نكهة تسابق أريج الزهور متبعثر بفصول الربيع
دمت حرف ناطقا بأرق حس

أختك :-
عينك سماي

الف شكر لك على المرور الجميل