العــيد بيـن المـجامــله والبغضاء ..!

اتجه فيما ذهب إليه الكثير من الأخوان
أوجه للجميع العزيمة فمن أتى فداري هو داره ومن أبى فداري يرحب به متى ما أراد ورضي عن من لايحبه ..
أذكر قصه حصلت /

الوالد حفظه الله عزم شخص ما في احدى الصيفيات
جو الجماعه وجهزنا العشاء وقلطنا الضيف على عشاه ومن معه
في هذه الأثناء جاء شخص ,, يبغى الوالد في موضوع ما والضيوف باقي على العشاء حلف عليه الوالد وقال العشاء على السفرة ووالله ماتروح لين تتعشى ..

دخل الرجال واخذ له مكانه على السفره ..
تعشوا وتقهوو وخلصوا وراحو اغلب الضيفان بمن فيهم من اتى ونحن على العشاء بعد قضاء غرضه من الوالد وبقى الضيف الأساسي ومعه القليل بقيوا ..

لتأتي الطامه ..
قال الضيف : صلوا على رسول الله
قلنا : اللهم صلى عليه
قال : أنا أطلبك يابو فلان(اللي هو الوالد) بالحق ..!!

بصراحه مادرينا حن نضحك ولا نبكي ولا نلعن شكله ولا وش نسوي في الخلفة المخالف ذا ..

قال الوالد : خير أن شاء الله
قال : ليش تعزم فلان (يقصد اللي جاء وحنا على العشاء ) وانا زعلان عليه وما أبغاه ..!!

بصراحه الموجودين سكتوا واحسهم يقولون في أنفسهم مذا عليك يابوفلان وتعزم ذا الشرهه ..!!

قال الوالد : رجال جاء بيتي ماراح اطرده , وانا مالي دخل فيك ولا فيه بيتي وأعزم اللي ابغى ولا عليك ,, ووش دراني أنك غيظ عليه ,
ولا لك لا حق ولا باطل عندي ..!!
وانتهت السالفه بعد تدخل الضيوف الباقين بتخطئة هذا الضيف النشمي ..!! وافلح وغسل ايده ابوي منه من بعدها ماعاد يعزمه لو يصير اللي يصير ..




طولت عليكم
لكن الحاصل أن عندنا عينات تفكر بمنظور شخصاني عقيم وجاهلي في نفس الوقت .

تقديري واحترامي للجميع ..