أنتعش في أبها رجاء ولهانها ...

المشاركة الأصلية كتبت بواسطة غلا.....ي

وللأسف أن ياسر يلعب بشوفة نفس وكبرياء
على أبناء مسقط رأسه .. من بداية البطوله يواجه المرمى وفي كذا لقطه يمين شمال
وفي النهائي لايمين ولا شمال فوق فوق مره ذكرني ببرناوي ..
تقديري ...

ما اتوقع هذا شي يا بو ياسر ..

ما يحتاج نشكك ونوصل الى هذا التفكير .... وهذي ما توقعتها منك بنوووووب بنووووب ...

واما برناوي فوالله اني دريت انكم بتقولون ان ركلة ياسر مثل ركلته المعهودة ... حسبنا الله عليكم ما يفوتكم شي ...

بس تدري ع الاقل ياسر حكّت بالعارضة بس برناوي الله يسمحه اذلفها وفي خاطري انها ما صدرت الا من راس القعساء

تحياتي

المشاركة الأصلية كتبت بواسطة عمري ولا احد قدي

غلا........ي


راقي الطرح جميل الحظور

مباراة نالت الإعجاب واُظهر لها الإستحسان

قدم الهلال مستوى وظفر الشباب بالنتيجه وهذا هو الحال

في كرة القدم . الاجمل في هذا وذاكـ هو طلتك اخي غلا.....ي مجددا

في الساحة الرياضيه وهذا اعتبره استعدادا لموسم قادم اتوقعه حافلا بالمفأجات.


تسسلم يمينكـ ياغالي فطرحكـ راقي لا يمل

تقبل مروري ولك فايق الود.

مرورك الأجمل يا صاحبي ..
وهي كذ الكوره إن لم تستثمر خبرتك فدعها للغير ...
الساحه بها أقلام كبيره تستحق المرور والمشاركه ..
اشكر ثنائك وكلك ذوق الله يسلمك ..
تقديري ..

مبروك للشباب ومبروك للهلال ..
حظ افر للعابد ومعاذ اللي خربوا نهاية البطوله الوديه بقله حياء ..
ولا يفوتني ان أهنئكم أولاً وأبارك لكم بعودة غلا....ي للرياضه وعودة متعه القراءة ..
وشكل ياسر كان وده يهب الكورة في سطوح بيتهم عشان يعطيها عزوز ..
تحياتي .. الشيخ منّاع اللي مايهاب سود الليالي ..

المشاركة الأصلية كتبت بواسطة يوسـف العمري

غلا ......ي

فنان ياشيخ

ومبروك للشبابيين , وحظ أوفر للهلاليين ..
تقديري واحترامي للجميع ..

الفن بحضورك وعنوانك ياصاحبي ..
الف مبروك للشباب نعم ..
وهاردلك الهلال ..
كل التقدير ..

المشاركة الأصلية كتبت بواسطة غليـــــــص

غلا...ي


مبدع كعادتك

مبروك للشباب وحظ اوفر للهلال

ويعتبرونها تمرين للموسم الجاي

الإبداع بتشريفك الأروع ..
تمرين تمرين .. ما نردك ..
تقديري ..

المشاركة الأصلية كتبت بواسطة همام بن مرة

أشوف الأعضاء يقولون حظ أوفر للهلاليين

طبيعي ينقال حظ أوفر .. لأنه خسر اللقاء ..

بالعكس ألف مبروك لنا هذا المعسكر المجاني الذي بلا شك أضاف للفريق الهلالي الكثير
من خلال التعرف على أخطاء الفريق و تداركها قبل انطلاقة الدوري

المعسكرات سبقت بطولة النخبه .. وعلى ياسر مراجعة نفسه

شوي وبلاش غرور ..

أما بالنسبة لنا كجمهور فاللهم لك الحمد الي شوفنا فيها الهلال منور أبها

من أكثر من سنة ما حضرنا للهلال مباراة بحكم العمل في خميس مشيط ..

أهم شي أستانستوا ..

و فريق أبها هبط للدرجة الأولى .. بس ذي وش جابها ..

و لا أنسى أن أشكر جميع الجماهير الهلالية التي أثبتت قيما لايدعو مجال للشك أن الهلال صاحب الرقم الصعب في الحضور الجماهيري و الفريق الأول جماهيريا ً في المملكة العربية السعودية إذا فالرابح الأكبر في هذه البطولة هي البطولة نفسها و اللجنة المنظمة بسبب جاهير الهلال التي أضافت للبطولة شكل ثاني و اهتمام من قبل الساحة الإعلامية 25000 متفرج داخل الملعب و 3000 برى الملعب حسب إمكانيات الملعب المتواضعة
شكرا ً جماهير الهلال شكرا ً غلاي على هيك طرح و لا عدمناك

[/QUOTE]

الهلال يتمتع بجماهير ذواقه ولا باس في ذلك .. ولكن من واقع الاخراج التلفزيوني للنهائي أتضح
لي بعض الإشكاليات حول نسبة المذكوره حيث تجد الشال الهلالي والشبابي والنصراوي وبعض أندية
المنطقه الجنوبيه كل على ليلاه يغني .. طبيعي تكون نسبة الهلاليين أكثر لكن ليس الكل هلالي من واقع
أن البعض منهم مصيفين وذواقه كوره .. ونهائي لفريقين كبيرين وفي أبها ليش ما نحضر ..
لا شكر على واجب أستحقه الشباب .. وتقديري لحضورك الكريم ..

بس ذي وش جابها ..

أفى يا غلا...ي أفكر إنك ذكي

ما عرفت ليش قلت فريق أبها هبط للدرجة الأولى

يعني الهلال معاد فيه أمل يلعب عندنا بأبها لأن نادي أبها ليس بالدوري الممتاز

فلذلك عند سماعنا بحضور الهلال سعدنا و استانسنا على قولتك بحضور الهلال

لأن الموسم الماضي الهلال ما لعب و لا مباراة في أبها

I Hope you understand what I mean it

المشاركة الأصلية كتبت بواسطة صاحبـ الـسـMــــو

غلا......ي
الله يعطيك العافيه
على الابداع والتصوير والفن
...
لكن ما ني مبارك للشباب
لانه((اكرهـ ما تراه عيني))
....

تحياتيـ..

الله يعافيك ويسلم قلبك ... وأشكر حضورك ..
أفا لابد تكون روحك رياضيه حتى لو ما تحب الشباب
قله مبروك .. باكر يفوز الهلال نبارك له بكل روح رياضيه ..
تقديري ...

المشاركة الأصلية كتبت بواسطة الذيــــــــــــب M

تصدقون ان نواف العابد خويي منذ الطفوله


بس من يوم جاه همر سحب علي

بالنسبه للموقف المويه صراحه لا تعليق

غلاي : والله مبدع يالبى قلبك

تحياتي لك

وش لون الهمر حقه يالذيب ..
من شفت المويه على حافة الملعب أستغربت بصراحه ..
وكنت متوقع والله أن أحد اللاعبين يطب فيها وحصل ...
وزين شي عصرة الفنيله حقت حسن هههههه ..
الابداع بتشريفك لاهنت ...
تقديري ..

المشاركة الأصلية كتبت بواسطة جبرني الوقت

ما اتوقع هذا شي يا بو ياسر ..


ما يحتاج نشكك ونوصل الى هذا التفكير .... وهذي ما توقعتها منك بنوووووب بنووووب ...
هو مجرد حدس رياضي النوايا ربي أعلم فيها .. وعادي ياخي ياسر جاي من
معسكر خارجي مروق وأغراضه ماراحت في الطائره المنكوبه عشان يسرح
داخل الملعب .. بس يمكن شاف ان شهرته طغت أنشد للجانب ذا وطبح
بالكوره .. لاعب خبره وبطوله تعتبر بمثابة تجهيز أو أستعداد للقادم يفترض
يكون أهدى وظهر بصوره أفضل ...

واما برناوي فوالله اني دريت انكم بتقولون ان ركلة ياسر مثل ركلته المعهودة ... حسبنا الله عليكم ما يفوتكم شي ...
برناوي ماعليه خبره أقل من ياسر ومركزه يحكمه لو قلنا سما سما ..

بس تدري ع الاقل ياسر حكّت بالعارضة بس برناوي الله يسمحه اذلفها وفي خاطري انها ما صدرت الا من راس القعساء


تحياتي

مافي الرياض الا طعوس تمسك الكوره لو طارت .. بس في أبها وديان شكلهم باقي يدورون عليها ....
كل سنه وأنت طيب ..

المشاركة الأصلية كتبت بواسطة الشيخ منّاع

مبروك للشباب ومبروك للهلال ..
حظ افر للعابد ومعاذ اللي خربوا نهاية البطوله الوديه بقله حياء ..
ولا يفوتني ان أهنئكم أولاً وأبارك لكم بعودة غلا....ي للرياضه وعودة متعه القراءة ..
وشكل ياسر كان وده يهب الكورة في سطوح بيتهم عشان يعطيها عزوز ..
تحياتي .. الشيخ منّاع اللي مايهاب سود الليالي ..

البطوله كانت حلوه وأجمل مافيها النهايه أحلى ... خاصة مع عصر الفنيله .... وشيلة الكاس ..
نظرة الشيوخ مانقدر نقول فيها شي ..
وهي دائم الكلمه العليا ...
بس خوفي تزعل الهلاليه منك ...
تقديري ...

المشاركة الأصلية كتبت بواسطة همام بن مرة

أفى يا غلا...ي أفكر إنك ذكي

ما عرفت ليش قلت فريق أبها هبط للدرجة الأولى

يعني الهلال معاد فيه أمل يلعب عندنا بأبها لأن نادي أبها ليس بالدوري الممتاز

فلذلك عند سماعنا بحضور الهلال سعدنا و استانسنا على قولتك بحضور الهلال

لأن الموسم الماضي الهلال ما لعب و لا مباراة في أبها

I Hope you understand what I mean it

كانت مشاركتك ذو عبارات متتابعه ولم تتضح لي هبوط أبها ... بس كان ع الأقل بسطكم زياده
دام وصل لحدكم وحضرتوا مشاهدته ... لأنكم أكيد خرجتوا زعلانين شوي منه ...
يس .. يا صاحبي .. وتقديري على روحك الطيبه ..