الرجال ومنتديات عالم حواء والفراشــه.

السلام عليكم جميعا
ابو بندر
وش وجه اعتراضك على دخولنا المنتدى ؟


منتدى الفراشه ومنتدى حواء وكثير من المنتديات مخصصه للنساء لسبب بسيط جدا انها تتكلم في مواضيع لا تهم الا النساء
اشغال يدويه طبخ رعاية اطفال رعاية منزل ديكو اثاث تسريحات مكياج وهكذا
يعني وش يهم الرجل بهذي الاشياء
والمنتديات ذي غالبا مفتوحه للقراءه لكنها لاتقبل تسجيل الرجال
وفيه منتديات (تفقع القلب ) حتى تقبل التسجيل ما يفعلون الاشتراك الا بعد ما ننسى متى سجلنا وندخل نقول ليتهم مافعلوا الاشتراك لان المنتدى يكون سخيف ومواضيعه كنها شات قناة بدايه تفاهه اصليه

فيه موضوع كنت ادور عليه ومهم بالنسبة لي لقيته في احد المنتديات النسائيه طلبوا التسجيل لاكمال قراءة الموضوع
سجلت ... لقيت فقره تحلفني بالله العظيم اني امرأه
حلفت لهم وسجلت وطبعا كم يوم الين تفعل الاشتراك ولما دخلت اقرا الموضوع لقيته ناقص قالوا لازم ارد
رديت
قالوا لازم تكون مشاركاتي اكثر من 20 مشاركه
قلت .. الله لايبارك لهم ورحت
ف .. ترا ما فاتكم شي يسوى

احب اضيف انه في بعض الاقسام لها خصوصيه ما ندخلها رغم انه محد منعنا مثل القسم الرياضي

خلاصة الموضوع كلنا عباره عن اسماء ما يندرى من هو وراها ..

ويعطيك العافيه .