قالت جنوبي

المشاركة الأصلية كتبت بواسطة غرمان بن عزيز

قابلتها صدفه على مدخل السيــــرك = وسألتها من وين وش هالنضـــــــارة
قالت تأدب يا ولد ويش حاشـــــــرك = ثم أتبعتها ضحكةٍ وإستـــــــــــــــداره
وألتفّ رآسي بعد ما لفّت الـــــــورك = وتعلّق لساني من أول عبـــــــــــــاره
قالت جنوبي صح والكل خابــــــــرك = تسكن جبال ولا تعرف الحضـــــــارة
قلت الجنوبي تعرفه دولة التــــــــرك = يوم الجنوبي كاسب كل غــــــــــــاره
أنا من اللي حطموا دولة الشـــــــرك = وخلوا عساكرهم تذوق الخســـــــاره
وأنتي ولو كانت كثيره مخاطـــــــرك = أطبّ فيها تارة عقب تــــــــــــــــــاره
قالت وش اللي عالمشاكل مصبـّــرك = وخلاك تتصنع علينا الشطـــــــــــاره
خلك صريح وشوفني كيف أشاطـرك = وخل الطناز وخل عنك العيــــــــــاره
قلت العلوم اللي لها في الحشى حرك = ما هي كما طيرٍ برآس المنــــــــــاره
قالت ترى ما ودي أجرح مشاعـــرك = وأحرق فؤادك مثل حرق السجــــاره
قلت أسمعي مني وأنا اليوم أحـــذرك = لا تجرحين اللي رفيعٍ وقـــــــــــــاره
قالت ترى يا هيه كثرت أوامـــــــرك = تآمر وكأنك من شيوخ الأمـــــــــــاره
قلت أسمعي مني قصيده تخبـــــــرك = بأحوالي اللي ما عليها ســـتــــــــاره
أبياتها والقافيه الأولـــــــــــــــه أرك = والثانيه تبنى بـحـرفــيــــــــــــن آره
قالت أجل شاعر ولا أحدٍ معبـــــــرك = أكيد ما سخرت شعرك تجــــــــــــاره
قلت الشعر عندي يساوي متاجـــرك = شعري شعور إحساس فن وإثــــــاره
قالت تجيني فوق ويطيب خاطـــــرك = بالطابق العشرين بآخر عمــــــــــاره
وإن كان قصدك يالصراحه نسامـرك = فأقلط وهذا أسمي على الكرت 000
قلت العذر يا بنت ماني بشاعــــــرك = خلاص بطلت الشعر بإستخــــــــــاره
ومع السلامه صدق ما ودي أخـــرك = روحي وأنا بأروح عندي زيـــــــــاره

صراحه اخوي غرمان انا معجب بقصائدك ..

تقبل ردي المتوااااضع جدا ...

والمعنى ببطن الشاعر ..

من سوء حظي ديرتي مابها سيرك=كلام فاضي وش نبي بالحضاره
هذي الحضاره جات من ديره الشرك=بلاد عمي سام وعز داره
لاتنزل براسك وتشرب من البرك= ارفع عيونك واستقي من المحاره
اعرف تعز الدين وتحارب الشرك=ولاتظن الكون يعكس مداره
قلت ابشروا بس ممكن اعرف وش السيرك=قالوا ماندري بس نعرف دماره
زي ايش يعني ويش هو الي يدمرك=ابي مثال مبرهنن بالاماره
قال انت باقي ورع ايش الي حاشرك=امور تحتاج للرجال واداره
وقف هنا لازم نشوف ايش فكرك =الحين لازم نعرف باي حاره
كنت انت عايش ولازم اعرف وش اسمك=واعرف ابوك وكم هو يملك عماره
واخوك من هو واعترف قبل اصفقك=وقلي اذا كنت انت تملك تجاره
وقفت انا مصدوم ثم قمت احكك=راسي بدون شعور تاره وتاره
وفجاه سرحت بفكري وقمت اشكك=ابهم وقمت اتحسب لاي غاره
ناظرتهم وقلت محد معبرك =نصيحه اسكت وللمواقف شطاره
تدري وش الي بالمواقف يصبرك=اضحك لهم مع بسمت(ن) مستعاره
واسحب رجولك قبل احدهم يسطرك=وياشين اذا الرجال فاقد وقاره
فارقتهم بشويش من دون اي حرك=ماابيهم يحسون وتقوم غاره
قمت اتسائل من بهمك يشاطرك=او يسعفك حتى بحبه سيجاره
فجاه طلع لي خافقي قال احذرك=امشي بدرب السلم والزم جداره
غرمان حظك اااه ويازين خاطرك=يابخت من هو عايش(ن) بالاثاره