...حارت دموعي في عيوني وصديت ...

المشاركة الأصلية كتبت بواسطة دمعة حائره

البارحـة ربـي كتـب لـي ومريـت ..

دربٍ عليـه بـروق الأحبـاب لاحــت

جيت المكان اللـي جمعنـا وخفيـت ..
وقامـت جروحـي للجـوارح وصاحـت

ياليتنـي فـي لفـة الـدرب زليـت ..
كان العيـون مـن الدمـوع استراحـت

التم غيـم الدمـع مـن يـوم لفيـت ..
وورقا القصيـد لشوفـة الغيـم ناحـت

وضحكت ماأبغي النـاس تـدري ولفيـت
لكنهـا غصـبٍ علـى العيـن ساحـت

حارت دموعي في عيونـي وصديـت ..
وأرمشـت مابيهـا تبيـن .. وطاحـت

وعقبه برق في العين براق .. واسقيت ..
خـدي ووناتـي بـصـدري تـلاحـت

وأنا أحسب إني في فراقـه تعافيـت ..
وان عبرتي مـن مدخـل الـزاد زاحـت

اللي يحسب إني على البعـد سجيـت ..
والا ان عيونـي للـرقـاد استبـاحـت

ياليتني مـن قبـل لا أحبـه اقفيـت ..
والا ان دروبـي عـن دروبـه تناحـت

أهون علـي مـن البكـا والتناهيـت .
وأسلا من سدودٍ علـى النـاس باحـت

رآآآآقت لي

ذائقة بديعة جداً ..
كلماتها ذات معنى كبير جداً وذات صدى واضح ..
نسعد دائماً بالاختيار الجميل لأنه يقدم الجديد والمميّز ..
لك التقدير ..

المشاركة الأصلية كتبت بواسطة ابو ريان

ذائقة بديعة جداً ..
كلماتها ذات معنى كبير جداً وذات صدى واضح ..
نسعد دائماً بالاختيار الجميل لأنه يقدم الجديد والمميّز ..
لك التقدير ..

ابوريان


بارك الله فيك ...سُعدت بمرورك من هنااا