ياللـه يالي بيــدك الضيــق وافراجــه!!!!!!!!!

المشاركة الأصلية كتبت بواسطة بلا حدود

يامــــل قلـــبٍ يســـج وفيـه دولاجـــــه
...............من هاجـــسٍ بالضمايـــرقـــام يدرجهــا

في معزلٍ عن جميع الخــلق وازعاجــه
...............ما اسمـــع من النــاس لوتكثر لجالجهـا

ماغير اهوجــس تقول مضيـــع حاجــه
...............آخــذ واسنــد على روحي واهرجهــا

وادوج لوكـــان مارجلــــي بدواجـــه
..............ادلّه النفــــس ليـــن اللــه يفرجهـــــــا

ياللـه يالي بيــدك الضيــق وافراجــه
...............ياخالق الخلـق ياقاضــي حوايجهـــا

تفــرج لعــينٍ ليــا غضـت بسوهاجـه
...............تجهز عليها الطواري ليــن تزعجهــا

بالصدر ضيقه ونوم العيــن هملاجـــه
...............عينٍــي من العــام والسهــر متولجها

نوبٍ سهرها شديــد ونــوب نهاجـــه
...............مرٍ تكــــن الدمـــــوع ومر تزعجهـــا

عليك ياللي بقلبـــي كــن وهاجــــه
...............وهاج نــارٍ هوى الغربي يسارجهـا

أبو ثمــــانٍ كمــا الياقــوت لعاجـــه
..............كن البرد يوم يضحك في مفالجهــــا

ياروح روحي وجرح القلب واعلاجه
...............الطف بحـالٍ عليك الهـــم ساهجهــا

قلبٍ يناجيك بسلوب الهــوى ناجــه
...............يشكي لك الحال داخلها وخارجهــا

اما التفت لــه وتــم الوصل بمواجـه
...............ولا بــــلا عشرتن هذي نتايجهــــا

وش ينفعك من حنين القلب وخلاجه
...............وجروحٍ اسبابها انت ولا تعالجهــا


للشاعر المبدع/عبدالله بن نايف بن عون

يعطيك العافيه

قصيده في قمة الروعه

المشاركة الأصلية كتبت بواسطة حـلــ الروح ـــوة

يعطيك العافيه

قصيده في قمة الروعه

اشكر لك المرور,,,,,