<%%%%> قسم بالله إني صادق <%%%%>

بسم الله والصلاة والسلام على رسول الله
وبعد السلام عليكم ورحمة منه وبركات
وعساكم بخير والعشر مباركة عليكم والمعذره على الإنقطاع لعدم توفر وسيلة الإتصال وتغير المنزل والأشغال الشاقه مع العماله السارقه ولكن الحمد لله تم الإنتهاء ولكم جمعياً عزيمه عامه بعد العيد وكلكم مدعويين ولا أحد يغيب فيحضرون منه 0
ولا يفوتني أن أشكر أبو بندر ( بارود ) الله يسلمه ويجمل حاله والذي دائما له السبق في فعل الجميله وبإتصاله بأحد معارفه بشركة الأتصالات تم إصال الخدمه وأصلاح الخلل الموجود ولهذا السبب كنت منقطع عنكم يا ربعي ويا أصحابي ويا أحبابي الغاليين وأبشروا بالسعد وفالكم الطيب وأسمحولي بهذه القصيده :-

أول كلامي بأسم ربٍ خلقنا من عدم
وألف الصلاة على رسولٍ بعث للناس لام
من بعدها مني سلامٍ منالخاطر نظيف
سلام للجنسين للي كبيرٍ والصغير
والمعذره تأخيرنا ما حصل من كيفنا
خط التواصل يا بشر منقطع قد له شهر
لكن أبو بندر تجمّل عسى عمره طويل
وصّل لي الخدمه بعد ما تعثرنا بها

وعليكم السلام ورحمه الله وبركاته

يامرحبا مليون والحمدلله على السلامة وعلى قول المثل من جاء ما ابطى

استلم الرد واعذرنا على القصور

مرحبا والطيب بين العرب ماينعدم
ترحيبة نبدي بها من ورا رد السلام
ماني منقص شيء من ماتقول ولا نظيف
ولا توصين بفعل الجمايل وص غــير
انحن اهل القالات والبن الاشقر كيفنا
يوم راعي البخيل بين النشاما من اشهر
خلك من الغدار لو وسط قلبي حط ويله
مثل سم الحية اللي تعثر نابـــــها

غرمان بن عزيز تسلم والله يعينك والله يوفق أبوبندر


فيصل المالكي بيض الله وجهك وصح الله لسانك

بن ظافر
هلا وغلا وصح بدنك
وتسلم على المرور والله يعطيك الف عااااااااافية

صح لسانك ياغرمان
مبدع دايم

غرمان بن عزيز ..
صادق ووافي بارك الله فيك وجمل الله حالك والحمد لله على السلامة ..
صح لسانك ولسان فيصل المالكي ..
لك وللجميع التقدير ..

ابوريان
هلا وغلا وصح بدنك
وتسلم على المرور والله يعطيك الف عااااااااافية

الشاعر المبدع فيصل المالكي أشكرك وجمل الله حالك وشكراً لك على الرد الجميل وعساك سالم وغانم 0

أبو ظافر أشكرك على المرور وعساك تسلم والله يعطيك العافيه ولك أجمل التحايا 0


عذبذب الله يسلمك وشكراً لك على المرور وعساك تدوم وتدوم وتدوم 0


أبو ريان سلمت ودمت وألف شكر لك على هذا المرورالطيب عساك تسلم 0

الله يعطيك الف عافية
اخوي غرمان وبيض الله وجهك
لك مني أجمل معاني التقديروالإحترام

يا غرمان حياك الله أنت علومك ..
ولا به خلاف ..هذا حالنا مع الإتصالات ومشاكلها ..

أهلاً بك من جديد ..والساعه الحلوه اللي تجمعنا ..

وكل سنه وأنت بخير ..

أخوك أبومانع ..

الحمد لله على السلامة ومنزل مبارك وصح لسانك
وابشر بالهدية

فيصل ـــ أبو مانع ـــ أبو عبدالله .
بارك الله فيكم وعساكم تسلمون والهديه مروركم هذا 0

غرمان انت وابو بندر على العين والراس
خل شركة الاتصالات يفصلونه عشره ايام وارجعه يوم يومين الله يعينا عليهم
هههههههههههههه

ولاكان له داعي تقسم ابيض وجه ومصدقينك وفالك الطيب

والشكر موصول لابو بندر لأيصالك بنا

دمتم بكل خير

عزيز وغالي يا أبا عبدالله والله يوفقك ويسلمك وعساك ذخر ولا نستغني وأنت كفؤ لها ولغيرها 0

مرحبا مليون ابو محمد
الحقيقه انا ما ندري عن تغيير البيت ولا كان جينا وساعدناك في النقل
بس ملحوقه عند العزيمه نشيل المفاطيح ان شاء الله ونساعدك بها
على البركه والله يجعله منزل خير لك ولعائلتك
اما القصيده ما اقول الا صح لسانك ولسان فيصل
تقبل خالص المودة
ابو عبدالله