فكرتي لحفل زفاف بنتي

هلا بك النعيم
بداية الله يوفق بنتك ويجعلها زوجه صالحه ويرزقها الذريه الصالحه
فكرتك لارسال الرسائل صعبه لاسباب كثيره
اولها ان فيه عدم اهتما م بالمدعوين يعني مثلا لو جاتني رساله فيها دعوه لحضور عزيمه مارح ارد فما بالك بزواج
الكروت فيها اعلان للفرحه واعلان اهتمامك ببنتك واعلان لاهتمامك بمعازيمك
وبالنسبه لي اذا الله اراد وزوجت بنتي فكرت زواجها رح يكون مميز والله مو فشخره لكن من حبي لها ودي احط اغلى ماعندي لها والفرحه مره بالعمر مهما كان هي فرحه وحده خلها تكون مميزه

الفستان الابيض
ليس هو التقليد الوحيد اللي اخذناه من الغرب وليس معناه تشبهنا فيهم هو اصبح من العرف او الاشياء اللي الناس تعارفوا عليها
وكل بنت تحلم انها تلبسه وتمشي في الزفه ليه احرمها هالشعور

شي ثاني
المنكرات المرفوضه جدا هي مثل ما قلتي التعري مع ان اعتقد ان مجتمعنا كقبايل لازال فيهم الخوف من الله رغم بعض التجاوزات وهذي مقدور عليها بشوية نصايح ودعوات بظهر الغيب
الاغاني والموسيقى مرفوضه لكن طقاقات وطيران وزفه للبنت مافيها شي

شي انا اتمنى اني اسويه لاختي بالصيف ان شاء الله وهو اني اخلي زفتها تكون بدري بحيث تحضر الحفله وتشوف اللي يحصل بعرسها ولما يجي وقت العشا تدخل هي والعريس لصالة العشا ويتصورون وبعدها تتوكل على الله معه
والمعازيم يتعشون ويكملون سهرتهم


هي كلها خطط وعساها تتنفذ صح

موفقه اخت ام محمد والف مبروك مقدما للعروسه