أناشد كل سحليه تزحف على وجه الارض ان تدخل

أهلا وسهلا بكن أيتهن البنات الغاليات الذين لا تسير الحياة الا بهن حيث انهن يطبخن لاهلن واخوانهن واذا طلعو اخوانهن من البيت الا وهم داجين مايعرفون يسخنون الاكل _ نسي عنوان الموضوع ترا ان كان فيه سحالي خخخخ_



المهم انا اصلا اذا اتمصلح ماعرف اسوي مقدمات مقدماتي بايخه


أبي اي بنت تجيد طبخ الشوربه وتتوفر فيها هذي الخصله تعلمني كيف اطبخ شوربه ووش اسم البهارات اللي يحطون عليها مع انه احتمال مالقى البهارات المطلوبه وش اسوي؟؟؟ وممكن بعد مالقى الشور به هذيك اللي عليها الشايب كويكر
والسمبوسه بعد ياليت اللي تعرف تسويها تقووولي ومع احتمال بعد ان مافيه رقاق او لحم مفروم _ ممكن ندبر اللحم لكن الرقاق اقدر اسويه طيب؟؟

_ الرجاء الملاحضه والاخذ بالاعتبار ان الوصفات سوف يستخدمها ناس قسما بالله انهم فشلو في تسخين الهوت دوق اللي مطبوخ جاهز والله انهم فشلو في كل شي يعرفون يسوون قهوه عربيه وفرحانين يحسبون انفسهم شيفز

شووووكرن لكن ايتهن البنات اللي بيحطون وصفاتهن واللي بيتعبن معانا يحتسبن الاجرن عند الله لان رمضان قرب يجي

ولد السراه
تصدق دخلت الموضوع علشان اطبق في زمارة رأبتك زي مايقولون في الافلام ( ليه تقول سحالي )
بس لما قريت طلبك رحمتك وتخيلتك في رمضان تقول بتموت من العطش والجوع والا كل شي مثل ماتركته في الفجر
المطبخ حوووسه والغرفه ملخبطه ووو اي شي
المهم حبيت افزع لك واقوللك كيف تسوي فطور رمضاني بسيط وسهل وكمان لزيييييييييييييزز

الشربه
وبالتفصيل الممل
المقادير
1- بصله صغيره
2- فص ثوم
2- طماطم
1- دجاجه
6 ملاعق شربة كويكر وفي السوق الان نوعيات مختلفه لها نفس الطعم مثل العلالي
4كاسات ماء مغلي
بهارات غير مطحونه (شيبه (عشب رصاصي اللون يعطي نكهة حلوه للشربه ) 00عود قرفه حبتين قرنفل --3حبات هيل -قطعة خولنجان (يشبه الجنزبيل ولونه بني ) ورقة غار )
ملعقة صغيره كمون وفلفل اسود مطحون
ملعقتين زيت

الطريقه
حط الزيت في القدر
وتضيف عليه البصل المقطع
وبعدها الثوم المقطع برضه
وتقلبهم الين يبدا لونه يتغير
تضيف الدجاج (طبعا مقطع ومغسول )
وتقلبهم مع بعض حتى يتغير لون الدجاج
تضيف الطماطم المقطعه الى مكعبات صغيره
وتقلبهم الين تذبل الطماطم
حط البهارات كلها
قلبهم كمان شويه
اخر شي تضيف المويه الحاره وتغطي القدر لمدة ربع ساعه الى 20 دقيقه على نار متوسطه وتأكد ان المويه مغطيه الدجاج
اذا كانت ناقصه شويه زيد كاسة مويه
في قدر ثاني
حط الشربه الكويكر ومعاها شوية مويه بارده وذوبه زين
بعدين تصفي المرق فوق الشربه
وتزيد عليه الملح
وتخليها على النار مع التحريك المستمر لمدة عشر دقايق
ولا تنسى تحط الدجاجه في الفرن تتحمر او (خلها لها استعمالات اخرى )

لا تنسى لتحسين المذاق تضيف الليمون وشوية فلفل اسود ترشه على الوجه

وبس هذا نوع من الشربه

نوع ثاني صحي ومغذي ولذيذ برضه

كوسه -جزر-بطاطس-فلفل رومي-
حبتين من كل نوع
شوية فاصوليا وشوية بزاليا
بصل
طماطم
شوية كزبره خضرا
ثوم
وبهارات

تقطع البصل وتقلبه في الزيت
تضيف الثوم
وبعدها الطماطم وتتركها الين تذبل
تضيف الخضار وتغمرها بالمويه وتخليها الين تستوي الخضار وتقدر تعرف انها استوت بهرس الخضار بالملعقه

تحط البهارات في علبة البهارات الصغيره اذا كانت متوفره واذا ما عندك تحطها في قطعة شاش نظبفه وتلفها زين
وتحطها في المرق مع الشربه

اذا استوت نخليها تبرد شويه
وبعدها تطحنها في الخلاط
وتصفيها
وترجعها للقدر تغلي
وتشيل الرغوه اللي تظهر على السطح
ترش على الوجه شوية كزبره خضرا

ممكن تحمص توست مقطع وتحطه مع الشربه والليمون كمان


البهارات موجوده عند المحامص زي محمصة الرفاعي مثلا موجوده في كل سوبر ماركت (تقول له بهارات شربه ولا تكون مطحونه لان المطحونه تغير لون الشربه)
وصحتين

واذا اعجبتك الطريقه قول وانا اعطيك وصفت ثانيه 0
وبس خلاص!

يا سلام عليك يا ذات الشان قمة الطيبه والصدق

يعني لازم الواحد يطلب عشان يحصل له وجبه زي ذي

مشكور ولد السراة

ولد السراه >>> على قولهم <<<< ياهاا في ويهكم ياذا العزوبيه

إلى متى ونقعد على هالحال الواحد ما يعرف يطبخ خخخخ بس تدري حظ اللي بتتزوج عزوبي
وهي ما تعرف تطبخ تلاقيييه يعلمها كل يوم درس في المطبخ خخخخخ

وهذا واقع في هالزمان

تحياتي لك والشكر للأخت ذات الشأن
بس عسى نلاقي وقت نطبخ فيه خخخخخخخخخخخ


يسلموووو

هههههههههههههههههههههههههههه

و الله إنك رهيييييبه يا ذات الشان من جدك إنتي ( العلالي و شيبه )>>>>>>>>>>>>>>في أمريكا ؟؟؟؟؟؟؟؟؟؟؟؟

شكلك ما دريتي إن الرجال مغترب .............. طريقتك مرررره رهيبه بس على ولد السراة مره صعبه ( الأخ ما يعرف يسخن الهوت دوق )

أعطيه الوصفه بأبسط طريقه إذا تبغينه يفلح و يسويها .........

ههههههههههههههههههههههههههههههههه

ما قصرتي ذات الشان بآخذ طريقتك باين عليها لذيذه و حلوووووه مره ( تنفع لنا هذي مو لأهل عمريكا )

عندي لك طبخه ولا أحلى بتنبسطون يالسعوديين عليها مرررررررررره ...........

الطبخه هي ( مندي بالباشميل )

و أحلى ما في الموضوع إنها ما تحتاج إلا ربع ساعه فقط وتصير جااااهزه....بشرط يكون المطبخ حقكم من شركة هيوستن أما إذا كان من حراج بن قاسم يبغالها سبع ساعات.....


الطريقة :

أولاً : إذا كنت في شقه أرضيه تفتحون بلاطتين وتحفرون على عمق متر ونص و تدخلون سيخ حديد و تحطون فحم وتخلونه يولع ساعه...

أما إذا كنتوا في أدوار علويه و تحتكم عزاب ثانيين ولا عايله أمريكيه شيلوا البلاطتين واستأذنوهم و اطلبوا منهم يمسكون لكم البرميل حق المندي ...

( بس عاد خليكم ذوق وعطوهم فخذ دجاج مندي إذا خلص )
ولا عطوهم الباشميل أحسن .....

<<<<<<<<<<<<<<< أدري إنكم مو كفو أكل إيطالي ....

المهم بعد ما يولع الفحم تحطون القدر فوق الفحم و تعلقون الدجاجه في السيخ و تغطون ( البرميل أو الحفره ) بكبوت كابرس ((77)) استلفوه من حراج بن ديفيد ( أخو بن قاسم )

وتحطون فوق الكبوت خيشه ( حقت رز أبو بنت )

وبعدين تنتظرون نص ساعه و تطلعون ا لمندي وتحطون فوقه الباشميل ....

( إذا ما حولكم باشميل وهذا أكيد حطوا لبن مراعي )

وبالهناااااااء والعااااافيه


خخخخخخخخخخخخخخخخخخخخخخخخخخخخ

( والله حاله يالشباب السعودي تستاهلون والله ما جاكم تعودتوا إنكم تعتمدون على الماما في كل شي حتى كوب المويه ما تعرفون تجيبونه لأنفسكم وإذا تزوج الواحد ياااااا طول لسانه على الحرمه ما تطبخين ما تسوين )


عموما ولد السراة ما تهون علينا بكره انشاءالله بدخل وأجيب لك طرق سهله جداً و مبسطه ( قدر الإمكان ) للسمبوسه والشوربه ونشوف غيرها بعد .....

جهز ورقتك وقلمك

كااان سالتني انا موجوده يااااادب
بس يلا الحمدالله لقيت قبل لا انشبك مع الطبخ
خخخخخ

عمريه
ماقال لي انه في امريكا ولا عندي خبر نيفر نيفر نيفر

لكن برضه في امريكا فيه طرق للحصول على البهارات لان فيه هنود وباكستانيين وايرانيين ولهم اسواقهم وعندهم بهارات من كل شكل ولون
او بامكانه يوصي عليها من هنا وتجيه قبل رمضان وفوقها علبة شربه كويكر العلالي هديه

الللللللللللللللللللله يسعدك يارب كل الكلام هذا نسخته وحفظته حتى النت مو واثق منه خايف يسرقها خخخخخخخخخخخخخخ
الف شكرررررررررررررررررررر ياذات الشان لك تأبريني واشكرك والله على وقتك وخدمتك الحلوه

عذب السجايا : شكرا لمرورك وترا الوصفه ذي حصريا لي :/ ممنوع احد ياخذهااااا وبعدين ياخي الواحد لاصار حوله احد يسوي له يكفي

ابو مانع : حليلك لك تأبرني اكلتك العزوبيه زينا؟؟؟ بس ترا أنا والللللله ميييييييح اعرف اسوي بيض بس ماحبه خخخخخخخخخ

عمريه : يعطيك العافيه ولا تشمتين والله اني داج اقول وبعدين والله فكره اروح اسوي المندي ذا. بس على فكره عندي عجوز تطبخ بس ابغى اكل رمضاني وسهل

خخخخخخخخخخخخخ بنت السراه وراك مشوااااااااااااار انتي انتي بتكونين على اتصال طول فتره الطبخ
ذات الشان الله يرحم لي والديك مابي بهارات هنود كلها حاره

والله حزنتني ياولد السراة ......................اليوم بعطيك طريقه السمبوسه والشوربه بابسط الطرق

اولا : طريقه عمل السمبوسه:

المقادير:

لحمه مفرومه وممكن دجاج مفروم اذا شاك في لحمتهم لا تكون خنزير ..............

بصل -- زيت

رقاق سمبوسه >>>>>>>واذا مالقيت هناك ممكن تجيب ((السبرنق رول)) اكيد بتلاقيه هناك....

على حسب الرغبه يعني اذا بغيت بعض الاضافات هذي (( طماطم - بقدونس ))

ملح -فلفل (( اذا لقيت اي نوع بهارات ثانيه ممكن تحطها واذا مالقيت الملح والفلفل كفايه ))


الطريقه :

قطع البصل ( الكميه حسب الرغبه ) وحط عليه شويت زيت وحمر البصل على النار لين يذبل بس ....ثم حط عليه اللحمه والملح والفلفل وحرك اثناء التحمير مع ملاحظة انه لازم تفتفت اللحمه وانت تحركها على النار لين تحس انها استوت ما ياخذ اكثر من سبع دقايق على النار <<< لا تحرق اللحمه وتخليها لين تيبس وتقول ابيها تستوي ......

نزلها عن النار وجيب السبرنغ رول ولفها على شكل مثلثات<<<< تعرف الطريقه عاد لا تقول كيف ؟

ثم اقليها في الزيت لين تصير شقرا زي شعور بنات عمريكا <<< امثله من الواقع ...

وبالهنا والعافيه <<<< بالله ادعي لي اذا ضبطت معك على الفطور ولا تدعي علي اذا ما ضبطت لان العيب منك مو مني ....


اما الشوربه

المقادير :

لحمه او دجاج مقطع قطع متوسطه يستحسن بالعظم
بصل __ زيت
طماط << اذا بغيت
ملح وفلفل......... ( اي بهارات اخرى مو مشكله بس لا تكثر )
شوفان مهما كان نوعه اهم شي تلاقيه....( oat for soup )


الطريقه :

قطع البصل وحط عليه الزيت وحمره لين يذبل واذا تبيها شوي حمرا مو بيضا حط عليه الطماط مفروم.....ثم حط الدجاج لين يتحمر والملح والفلفل خمس دقايق مع التقليب المستمر .....
ثم حط عليه المويه... .... وكم ملعقه من الشوفان على حسب الرغبة اذا تبيها ثقيله او خفيفه..... وخلها تطبخ على النار حول ربع __ ثلث ساعه .....

وبالهنا والعافيه <<< ادري اول مرتين بتحوس فيه ( مره بتطلع لك عصيده ... ومره بتطلع لك مويه ) بس بعدين بتتعلم

شد حيلك نبيك ترجع من امريكا وانت اكبر شيفه <<<< اقصد شيف ...

السلام عليكم ورحمة الله وبركاته

اول ماقريت اسم الموضوع قلت بدخل عشان اشوف شو الموضوع >>> وحده معصبه

بس يوم قريت الموضوع قلبي عورني عليك ( وحده شفقت عليك )


بعدين ممكن سؤال صريح

ليش تبغى السمبوسه باللحم او الدجاج ؟

ريح نفسك وسويها بجبن سهله ولذيذه وروعه

وحده تخفف عليك خخخخخخخخخخخ

خخخخخخخخخخخخخ عمريه يسلموووووو الله يسعدك عالسمبوسه
وعد مني لاصورها وانزلها بالموقع وتشوفينها
وعاد أنا بدعي لك بكل الاحوال لاني بكون صايم وماقدر العن خخخخخخخخخخخ

وبنوتي هههههه من جد الموضوع اول ماتشوفين اسمه تقولين هذا مو جاي يطلب من البنات طلب جاي يطاق هو واياهم
تشكريه مدام وووانشالله اسوي كلش باللحم والدجاج والجبن ولحم البقر ولحم ال***** والجبن وزبدة الفول وشوكولاته نوتيلا بس خليني اعرف كيف اسوي اول

على فكره عمريه ... شكلي بحطها مربعات لاني عندي فكره مو حلوه عن المثلثات >>>يصرف

اقولك بعد شو تسوي

في اكله تخبل حللللللللللوه وسهله تجنن

تجيب خبز وتجيب موزه وتجيب شوكليت نيوتيلا وتلفها تخبببببببببببببببببببببببببببببل جربها وادعيلي

بس لاتاكلها كل يوم عشان ماتصير قد ماانت احين ع سبع مرات ههه

موووووووووووووووووز مع خبز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


والله مادري عنك يابنوته
وبعدين انا ابي وزن يعني عادي
بس احس انها مادخلت مزاجي الخبز والنوتيلا والموز!!!