دنــيــــاك دنيـــاي .. رضــــاك رضـــــاي

المشكله ماهو بخطاي اللي ابد ماقط جنيت..
......................... او في غبائك يوم صدقت اللي قالوا ياملاك


المشكله سامحني يومي تعمدت وخطيت..
........................ قلت ان من يعشق يسامح لو وصل حد الهلاك


وشلون صدقت الكلام اللي طلّع عني وجفيت..
............................ وشلون صدقته وانا ارفض اعيش إلا معاك


ادري انا في وقتها يومك تواجهني قسيت..
...................... كنت احسبك تمزح او انك تختبرني في بكاك


قلت اكشفك في قسوتي .. شاطر ولكني كبيت
...................... شف كبوة الشاطر خذت فرحة حياته في جفاك


تدري ..؟ قسم بالله في ذيك السوالف مادريت
.................. وكنت احسب ان المسأله هي مسألة وقت بقساك


قلت اتركك وحدك لفتره لين تهدا وماهديت..
.................. وشفتك تروح وتاخذ البسمه من اشفاهي بخُطاك


هقيت إلك قلبٍ وفي ... ومن صالحي اني هقيت
........................... لو ماهقيت ان كان مابانت حقيقة مبتغاك


ماقول ماحبك انا ...!! إلا متيّم لو نفيت.......
........................... لكن بلاي اني انا قلت بقصيده عن سواك


ياللي : تظن ان الغلا .. يزيد لو رحت وجفيت..
..............................تأكد اني واحد ٍ لا اقفيت عنه .ما نصاك


وانا افضًل ابقى في عيني مثل ماقد بنيت
......................... ولا اغيّر كلمتي لجل اظفر بحضرة رضاك


اموت من شوقي وامثّل اني عنّك مادريت
....................... الموت واحد ولا انا ميّت في بعدك او لقاك


إما غرام يرفع الهامه على ارض الكويت..
......................... فيه الفرح مايكتمل إلا وانا عايش معاك


وإلا فراقٍ بيني وبينك مدام انّك بغيت
...................... يكفيني احلم في منامي كل يومين بهواك


اهواك واعشق كل مافيك ويخصك ..ماهويت
....................... غيرك وقلبي اقطعه لو فكّر يكون لسواك


( دنياك.. دنياي ) وانا ببقى احبك ماحييت
...................... مثلّت نسيانك وانا مايوم تفكيري نساك


مابيك ترجع لي... ابي تعرف بإني مانسيت
..................طبعك ونبرة صوتك وأسلوبك وروعة حلاك


خلك بخير ... وخلني محكوم باللي ماجنيت
.................. انا بخير ان كانك انت بخير لو احيا بلاك

اموت من شوقي وامثّل اني عنّك مادريت
....................... الموت واحد ولا انا ميّت في بعدك او لقاك


قصيده جميله والمعنى اجمل يسلموووو اسيرة الحزن

تحياتي

ياللي : تظن ان الغلا .. يزيد لو رحت وجفيت..
..............................تأكد اني واحد ٍ لا اقفيت عنه .ما نصاك


الله يعطيك العافية

أسيرة الحزن

يا هـــ وغلا ــلا
صح الله لساانك
والله يعطيك الف عافيــه
دائماً في انتظار بوحــــك العذب
تقبلي أطيب التحايــــــا

اهواك واعشق كل مافيك ويخصك ..ماهويت
....................... غيرك وقلبي اقطعه لو فكّر يكون لسواك

روووووووعه سلمت يدينك

ضي العيوون