يارفيقي تعلل من كلام ضمانه

يارفيقي تعـلل من كلام ضمانه
ومن تجارب حياةٍ لبّستنـا حللها

الكرم والشجاعه والصدق والامانه
هي نوادر صفاتٍ ليت كلٍ حملها

والبخل والجبانه والكذب والخيانه
خـاب فعله وصيته واحدٍ زابن الها

المكانه تجي لك من رفيع المكانه
والصغاره تلوبك لآ نزلت لوحلها

المواقف تحط الكل رجال خـانـه
والحمول الثقيله مالها الا جملها

بعضنا بس حديثه في فلان وفلانه
لو تفكر بحاله انشغل في عللها

وفيه من قالوا انه من رجال الرزانه
ودّعوا لي الرزانه كان هو من نقلها

كتّفوا لي اليدين وربّطوا لي لسانه
ارهقتنا المجامل واشغلونا سفلها

والله ماظلل الحكام غير البطانه
والا بعض المناصب حِيلت الغير اهلها

اسعد الله وقت اهل الحكم والفطانه
واسعد الله منهو مستظل بظللها

يارفيقي وكلٍ في طريقه وشانه
ومن يراقب طبوع الناس يلقى زللها

الله الله يابن عياش ..
قصيدة من النوع الثقيل والأصيل في كل بيوتها ..
تصفيف الكلمات سهل ونظمه ممكن ولكن اختيار المفردة ومعناها
ومن ثم دمجها بأبيات رصينة وقوية كهذه القصيدة يعطينا معنى الشاعرية
والتميّز والجزالة والإحترافية الكبيرة لشاعرنا الرائع ..
صح لسانك ولك تقديري ..

صح لسانك
كلمآت جميله

صح لسانك ابدعت بارك الله فيك .

صح لسانك
أبيات رائعه
الف شكر لك

المشاركة الأصلية كتبت بواسطة أبو ريان

الله الله يابن عياش ..
قصيدة من النوع الثقيل والأصيل في كل بيوتها ..
تصفيف الكلمات سهل ونظمه ممكن ولكن اختيار المفردة ومعناها
ومن ثم دمجها بأبيات رصينة وقوية كهذه القصيدة يعطينا معنى الشاعرية
والتميّز والجزالة والإحترافية الكبيرة لشاعرنا الرائع ..
صح لسانك ولك تقديري ..

صح الله بدنك ابوريان
شهادة غاليه وكريمه
من قارئ وناقد اكتمل النص بحضوره
الف شكر

المشاركة الأصلية كتبت بواسطة عطر الحكي

صح لسانك
كلمآت جميله

صح بدنك
تقديري

المشاركة الأصلية كتبت بواسطة ابوفهد العمري

صح لسانك ابدعت بارك الله فيك .

صح الله بدنك
الف شكر للحضور والثناء الكريمين
لاهنت

المشاركة الأصلية كتبت بواسطة عــذبــة الـــروح

صح لسانك
أبيات رائعه
الف شكر لك

صح بدنك
العفو .. لاهنتي