للعزوبـــيه فقط >>> عاد ياكثرهم << ادخلووو وشووووفوووو

خلال هاليومين اللي زلت يعني اللي راحت قعدت اجمع حروف لين كونت سؤال الا وهو ...

سؤال لكل عزوبي .. يتسدح بالملحق ؟

هل تنام على بطنك ؟ او تخمد على الوسادة بالليل ؟ او تعفس الكنب وتعضه وتسعبل عليه وانت نايم .. او تنام على الكنب وانت تقرأ الجريده ، او تنام ويطلع سرك ستر الله سرك .

إذا كانت الاجابة بنعم فإن كل هذه اعراض لرغبة جامحه وكامنه بالزواج وان ما تلاحقت عمرك راح يجي

اليوم اللي يقول فيه الوالد لك :
" الله لا يبارك في الساعة اللي جبنا فيها شغاله ".


لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تــنــقز لأمك وانت مشبك اصابعك ومميل رقبتك وتقول

( دوروا لي ابي اعرس ) ، ابي اكمل نصف ديني .

اولاً : مرحلة ما قبل الزواج :

كيف تعرف انك استويت عزيزي الشاب وحان قطافك من بنت الحلال :

أ: علامات الرغبة في الزواج عند الشاب :

1) إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك زي وظيفه مناسبة ، ومبالغ مالية لمواجهة مصاريف العرس ) >><<التقسيط متاح بدون كفيل في مؤسسة مباري للعرس على النوته

كذلك إذا صرت تتابع الفيديو كليب وتهيج اثمك ولو يناديك ابوك ما ترد عليه.

2 ) إذا بديت تقول يا زين بيروت ولــ إل بي سي والمستقبل ؟ فاعلم اخي انك لو انتظرت سنتين ستصدّي صواميل ظهرك وتصير بلامستقبل.

3 ) إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول

( ليمون نعناعه ) فاعرف انك على مشارف انك تكون) شبهه ) وشهار ما يقبلك ولا منتسب .

4 ) إذا بديت تعطّر بعطور نسائيه وتقول مافيها شيء ( العطورات ليست حكرا على احد ) .. فاعرف انك بديت ( تخق ) لذلك الحق عمرك واعرس . عاد وانا اخوك هالمرحلة اخطر شئ مرحلة خط اللاعودة بمعنى طال عمركم قدامه حاجتين ياأنه يتزوج والله يستر علية يا انه يروح في داهية وتلقينة مثل السلق بالاسواق يقز بنات خلق الله وهذا نهايته نهاية مؤلمة يعني قدامه حاجتين يان الهئية تمسكه ويروح فيها من توقيف لتوقيف يا انه يتلطش من زوج او اخت البنت اللي يغازلها
ومسالة الهئية فيها حالتين يانة يلقى مطوع ابن حلال يعطيه كم كف على كم خيزرانة ويكتبة تعهد ويفكة يا انه يطيح في مطوع قليل خاتمة يوقعه على اشياء ماسواها ويكتب فيه تقرير ويرفعه لعمله وللامارة عاد فيها وووورطة لو تروح للامارة
واذا راحت للامارة فيها حالتين اما يتم فصلة اذا كان موظف ويروح ويضيع مستقبله اما يتم توقيفه شهر وابلاغ عملة عاد يازينة قدام زملاه <<<<<<<<<< ماسك خط طويل يعني بيقعد للسنة الجاية وهو ماخلص ههههههههههههههههه

يعني بالمختصر المفيد هالمرحلة اللي ياصل لها عز الله ماشاف خير عساكم ماتوصلون لها

وتعرسون قبل ماتجيكم قولوا آمين

ثانيا : اثناء الخطبة :

1 ) انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.

لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< يابيخ هالحركه. مع ان الصلاه ودي لو انك محافظ عليه احسن لك ولعيالك اذا كبرووو .

2 ) لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم لأن الخطيبة مصيرها تعرف ان السياره مو سيارتك وبالتالي تطيح من عينها .. بكيفها ..

3 ) اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم " فلينظر اليها وتنظر اليه فأنه احرى ان يؤدم بينهما " يعني بالعربي مسنود بقوة بالشرع بس لاتحرج البنية وناظر بالثريا شوي عطه فرصة تناظرك .

وبقولكم سر عن البنات لارحت تشوفه حط سكسوكة لانها تعجب بنات هاليومين وان حصل حط لحية احسن واحسن وتخبل بالبنت فتوافق وهي مغمضة بس الله يخلف نادر اللي يحط لحية هالوقت .

وكما قال الشاعر ( لسان الفتى نصف ونصف فؤاده **** فلم يبق الا صورة
اللحم والدمِ ) <<<< يضيع مع اللحم في الضحايا خصوصاً الكبدة يا بعد تسبدي..
لا يرووووووح بالكم بعيد.

4 ) في الخطبة ان صار فيه مكالمات بعدما يوافقون عليك .. فلا تصير لصقه وعله وتصير كل دقيقة داق على البنت .. ( وينكم فيه؟ وش سويتوا اليوم ؟ ما اشتقتي لي؟ وش تسوين ؟ )
انت على السرير وإلا في المقلط ؟ << يخرب بيت هالسؤال ؟

5 ) لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلاباقي الاثاث اختاره انت وإلا خلها هي اللي تختاره كله .. لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه مثل برهومي ايام الابتدائي اذا جا لابس
التكميله تحت الثوب عاد برهومي ذا واحد من الاخويا الله يستر عليه خخخخخخخخ

والوانه كأنها ( عصيرتكرونيه عند الحرم)..

كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ،

ومن ايكيا بــ 150 ريال .. فيصير بيتك كأنه ( حراج ابن قاسم ) من كل بحر قطره.

فتصير مثل اللي بيتهم طين وعندهم (رولز رويس)...



6 ) اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ..

مو تصير حبيّب بالخطبة وصدام بعدالملكة لانه هذا الحاصل .<<<< ركزوا زيييييييين على هالنقطة



ثالثا : ليلة الزواج :

ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم بعد اذنك ابروح الحمام .. صدقني راح تقول البنت إللي هذا اوله ينعاف تاليه هههههههههههااااي
.. فلنفرض انك قمت من الكوشه !!!!
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟
بالعربي .. انت بتبلش بلشة ما بعدها بلشة

أما إذا رجعت بيقولون الحريم ( جاه اسهال من الخوف من المدام ) اجل إذا راحوا الشقة بلحالهم وش بيسوي هالخواف.؟ عاد مشاء الله حريمنا هاليومين نقاده على كل شئ خخخخخخخخ
فتصير علك في فم الرايح والجاي وملطشة ومهزلة للصغير والكبير.

وياويلك لو صرت علك في فم الحريم بتصير حديث المدينة

2 ) ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت. <<<<<<< وش دراك؟

3 ) خلك ذوق واسحب يد البنت وحطها على ( القير حق السياره ) وحط يدك فوقها ولا تكثر تفغيص يدها لانك بتتهوروممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. لا تـتصرع الله يطمنك باسمه..

4 ) إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ماتدخلون ( ارقع ) ذيك الزغروته اللي تهز اركان البيت .. ثبت الله اركانك .

رابعا ً : سواليف ليلة العرس :

الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :

1 ) انتبه تتميلح اوتنكت اكثر من اللزوم لان الموضوع سينقلب ضدك وبدال ما تصير

( وش زينك تصير كخاااا ( هع هع هع هع


2 ) انتبه تجيب طاري ( أمك ) ليلة العرس ، وتقعد تقول لبنت الناس من اول ليلة) انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري .. الله ياخذابليسك انت وامك لا هالحين ادخل وامغطك بالعقال <<<<<<<< يعصب احيانا بدون سبب مقنع .. ما عليه رجعت طبيعي .. نكمل) عش ايامك يالابن البار ) ..
مافيه شك انا لام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.

هذا ماحببت قوله
ولد ابوه

ههههههههههههههههههههه
ههههههههههههههه

ولد ابوه ...يعطيك العافية ...
والله ماسك بطني من الضحك ...

مساكين العزابية ..الله يحنن خلقه عليهم ....
بس النصائح ..حكاية لوحدها ....الله يرجك يا شيخ
روح ربي يوفقك ببنت الحلال اللي تسعدك
تحياتي لك

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه بتني وربي بتني


هههههههههههههههههههههههههههههههههه احلى سعابيل

هههههههههههههههههههههههههههههههههههههههههه

مشكووووووووووووووووور ولد ابوه



طلووووووووووووووووووووولي

الله يخليك دوووووم هتان




دوم هاضحكه يارب




شكرا على المروووووووور




ولد ابوه

شكرا طلولي كنت اتمنى تكون لاديت على موضوعي




ابداعك احلى اخوي الفاضل


وشكرا على مرورك


ولد ابوه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههه


الله يحسن خواتمنا وانا اخوك

اقول والله انك تبغى تودينا في داهيه

وش تبغى توطنا

الحمدلله على العافيه
لا تصدقونه يا شباب
صلحوا عكس اللي قال

هههههههههههههههههه

تحياتي لك

اهلين اخي العزيز والغالي السيكا ميكا



يشرفني ان تكون قد وضعت بصمه في احد مواضيعي


ودوووووم هالضحكه

ولد ابوه

هلا المعنى


عاد اختارووو بيني وبين المعنى

يانكم تسووون زي ماقلت او تاخذون بشوره




مشكور المعنى






ودوم هالضحكه الصغيره 1s2d


ولد الديره