حكاية وانتهت ..

حكاية وانتهت .. آخر سوالف عشقي المجنون
سوالف عشق .. ياما الناس قالتها وعادتها
حكوا عني وحكوا عنها .. وعن حبٍ ملا هالكون
وصاروا يحلفون بحبنا.. وصدقي.. وطيبتها
وكم واحد تمنى لو خذا من لون حبي لون
وكم وحده تمنت لوتشابهنا حكايتها
أنا وياها كنا حلم ... بالمعنى وبالمضمون
لكل اثنين ... قصة حبهم تعلن بدايتها
وفي ليله صرخ فيها الوفاء من ظهره المطعون
بدايتها جروحي...والوفاء مات بنهايتها
بعيني شفتها وياه...تضحك له وهو مفتون
سعادتها في قربه تشبه بقربي سعادتها
وهو طاير من الفرحه...ولايدري بإنها تخون
ويمكن يدري وساكت...ولاتهمّه حقيقتها
بعيني شفتها ماهو حكي واشي وخيال ظنون
بعيني ليت عيني عمرها مايوم شافتها
وقفت لسان حالي يقول ليه ومن متى وشلون؟
عساي القى سبب واحد يبرر لي خيانتها
وأدور للجريمه ثغره بكل مذهب وقانون
ولكني عجزت القى عذر يغفر جريمتها
قبل هالليله كنت أسمع كثير من البشر يشكون
من سيوف الغدر واضحك وأنا أتباهى ببّراءتها
أنا ماكان عندي شك ولو واحد من المليون
في صدق اللي تقوله عن غلاي وعن محبتها
خيانتها عطت حجه لكل اللي يبي يخونون
ومن هالليله...كل خاين بيتعذّر بقصتها
مادام اغلى البشر خانت حرام الباقي ينلامون
وكلمات الوفاء لاعاد أحد يطري لي سيرتها
خيانه...وانتهت آخر قصايد عشقي المجنون
وضاع الحلم مني... والوفاء مااااات بنهايتها

اختيار رائع ..

بروعة وجودك ..

بروعة اختيارك لاسمك الجميل جداً جداً ... " معانق الغيم " ..

اسم رائع والله ..

حياك معانا ياخوي بمنتداااااااك بني عمرو ..

وفي انتظار عذب كلماتك واختياراتك دااائماً ..

أرق التحاياااا لك

حياك أخي معانق الغيم
وصح لسانك وأتمنى لك اجمل الأوقات مع الجميع

العنا ...

تواجدك انار صفحتي المتواضعه

اشكرك على هذا التواجد .. رعاك الله

سهيل الشرق...

سلمت يالغالي وبوجودك والجميع

تطيب الاوقات ..

خالص التحية لك .. رعاك الله

روعه معانق الغيم
بداية قوية
اتمنى منك الاستمرار فاسلوبك رائع
وكلناتك قمة الابداع
تقبل خالص الموده
دباس الجارح

دباس الجارح

شرف لي ان ارى ردك

وباذن الله نستمر بوجودكم

تقبل تحيات / معانق الغيم