إما تقدرني وانا بينكم حي= ولا تقللع لا تجي في عزاية

يالله تغفر لي ولا غيرها شي=الا الستر والعفو غاية مناية
رحلة عمر و الوقت يطوي البشر طي=ما بين لبس وبين خلع العباية
و الكل سالي و المقادير تمضي=و اللي خذا العبرة فطن للنهاية
ودام الورق مكشوف مالك و للغي=و الشر و اهله والحسد والوشاية
وانا اشهد ان الحق واضح و مجلي=وابليس ماخذ عالردية و صاية
واليا عمي قلب الفتى صار معمي=ما تنفعه عينه بدرب الغواية
و اللي فشى فيه الحسد دوم مبلي=لا يحلم ابراحه و تحقيق غاية
مير المصيبة في قريبك و في الخي= لاصارت اعلومه خراب و نكاية
انا اشهد ان الظلم يكوي الحشى كي= لا عاد من والاك خان الولاية
ياللي ندور في رضاكم و تخطي= حدك تعديته و تبحث خفاية
في ما مضى كان الغلا بيننا فيّ =صافي النوايا في صفاة المراية
واليوم ترعى السمع للواشي العي=حتى تفرقنا و هدّ البناية
فاما تقدرني وانا بينكم حي= ولا تقللع لا تجي في عزاية

الله الله يا أبا فارس ..
قصيدة شاعر وأنت راعيها وعز الله إنك أبدعت ..
القصيدة في نهجها ومقصدها ومبداها ومنتهاها تنم عن وعي شاعر رائع ..
هكذا تعودنا من أبي فارس الروائع ..
صح الله لسانك ولك تقديري ..

صح لسانك وعلا شانك والله
روعه بلا شك ومن رااائع

مودتي

صح لسانك بارك الله فيك قصيدة ذات معنى جميل .
شكرا لك ,

المشاركة الأصلية كتبت بواسطة أبو ريان

الله الله يا أبا فارس ..
قصيدة شاعر وأنت راعيها وعز الله إنك أبدعت ..
القصيدة في نهجها ومقصدها ومبداها ومنتهاها تنم عن وعي شاعر رائع ..
هكذا تعودنا من أبي فارس الروائع ..
صح الله لسانك ولك تقديري ..

صح بدنك ابا ريان

دائما وابدا يكون لك السبق في مصافحة اي
موضوع ثم التعليق عليه بكل ما يجب

شرفتنا بهذه المصافحة الغالية

دمت في رعاية الله وحفظه ،،،

فــامـــا تــقــدرنــي وانــــــا بـيـنــكــم حــــــي

ولا تـقــلــلــع لا تـــجــــي فـــــــي عـــزايــــة

شاعر الجزالة
بعد كل غياب تأتي بالجميل
قصيـــدة ذات معنى ودلالات رائعة جداً
لا يقف الكثير من الناس إلا بعزاء الاشخاص ولا تذكر محاسن الشخص إلا بعد وفاته وهذه مشكلة مجتمع !
صح لسانكـ مليون ابو فارس

قصييييييده جزله بكل حرف ومعنى
رووووعه بكل الرووووعه
صح لسانك واعتلا شانك ي شاعر

صح لسانك
قصيده مميزه
الف شكر لكـ

الاخ ابو فارس مساء الخير وصح لسانك
القصيدة جميلة وعلى قدر من الروعة
ولكني صدمت في نهايتها بكلمة تقللع
هذه الكلمة للاسف شوهت كل شي لانها
كلمة مستهلكة وليست بمستوى القصيدة
ارى ان تستبدل بكلمة تسير في نفس نهج
القصيدة
فكلمة تقللع او انقلع او اذلف او سقها
عبارات لا تناسب الشعار الذين هم الاكثر
احساساً وشعوراً
واستغرب من ابي ريان انه لم يشير اليها
بالرغم انه ناقد شعري كبير ومنه ومنك
نتعلم
اعتذر للاطالة واكرر صح لسانك

صح الله السانك
قصيدة مميزة وتحكي الواقع
تمنيت لو ختمتها هكذا

والا فلا تبكي علي في عزايه
تقبل تقديري وشكري واعجابي

المشاركة الأصلية كتبت بواسطة المسكت

صح لسانك وعلا شانك والله
روعه بلا شك ومن رااائع

مودتي

صح بدنك يا غالي

ولاروع هو مرورك العذب ،،،

المشاركة الأصلية كتبت بواسطة ابوفهد العمري

صح لسانك بارك الله فيك قصيدة ذات معنى جميل .
شكرا لك ,

صح بدنك يا بو فهد

والشكر موصلا لك على مرورك الغالي،،،

المشاركة الأصلية كتبت بواسطة المهندســ

فــامـــا تــقــدرنــي وانــــــا بـيـنــكــم حــــــي

ولا تـقــلــلــع لا تـــجــــي فـــــــي عـــزايــــة

شاعر الجزالة
بعد كل غياب تأتي بالجميل
قصيـــدة ذات معنى ودلالات رائعة جداً
لا يقف الكثير من الناس إلا بعزاء الاشخاص ولا تذكر محاسن الشخص إلا بعد وفاته وهذه مشكلة مجتمع !
صح لسانكـ مليون ابو فارس

صح بدنك مهندس الكلمة و مترجم الاحساس ،


سلطت المجهر على بيت القصيد و لم ترى ما رأى الاخوان ( عذب السجايا و شاعر من بعيد )
و السبب عمق إحساسك بالمعناه ( فالنار لا تحرق الا رجل واطيها ) .

وقد لا تصدق ان هذا البيت هو اول بيت تبادر لذهني في القصيدة

ثم بنيت عليه القصيدة كاملة ،،،

ابو ريان كانت له نفس الرؤية فلكم مني كل الشكر على مروركم الرائع ،
بلا قصور في الجميع ،،

صح نبضك واحساسك ي شعر
مبدع كلما حللت أتيت بالدرر
قصيده مميزه ورائعه من سموك
لك كل الود والتقدير..

المشاركة الأصلية كتبت بواسطة الريم الجنوبيه

قصييييييده جزله بكل حرف ومعنى
رووووعه بكل الرووووعه
صح لسانك واعتلا شانك ي شاعر

صح لسانك اختي الغالية

واشكرك على طيب مرورك ،،،