يـبــه أشـلونــك ....

بسم الله الرحمن الرحيم

السلام عليكم ورحمة الله وبركاته
.
.
.
.
.

يبه شلونك

ملل هالكون من دونك ..

يبه شلونك ؟؟

وتمضي رحلة الدنيا..

بليا طلة عيونك..

يبه شلونك ؟؟

وشلون المرض وياك ؟؟

بعد ماهدك بدنياك..

عساها تغمض جفونك ؟؟

تبي تدري عن احبابك ؟؟

عن عيون تغنا بك ؟؟

عن قلوب دفنها الشوق..

واذا جاها الغفا جابك ؟؟

.. يبه امي تخيلك دوم

تغني لك مع القمرا..

يبه واللي خذاك بيوم..

خذا بكريتك عفرا..

خذا.. وياماخذا.. وياما..

خذا ناس يحبونك

يبه حنا غدينا كبار..

توفقنا وتخرجنا..

يبه ماعاد فيه صغار..

يموج بهالزمن كل شي..

وحنا ماتموجنا..

على ذاك العهد نسري..

نبيع العمر والدنيا..

ولا تخلف بنا ظنونك

يبه شلونك ؟؟

تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..

وبعيون الحزن عبره..

تغرقني .. وتحرقني..

اشوفك نجمة تجبر..

مراعيها .. يراعيها..

واشوفك للرجوله اسم..

اذا شد الزمن تقسى..

واحلم من معاني الحلم..

احسك مقبل بكرى..

وعيا لايجي بكرى !!

يبه تذكر زمان مر؟؟

لاقالو عمر؟؟

هو احلى مابهذا العمر..

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد؟ وبشت العيد؟

يبه تذكر سوالفنا ؟

لاجل هذا ..

وكل هذا ..

اقول اليوم يابيي ..

ملل هالكون من دونك .

قصيدة منثوره من إختياري آمل أن تعجبكم

تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..

وبعيون الحزن عبره..

يعطيك العافيه ابو فارس
كلمااااااات
مليئه بلاحساس
يكسوها الصدق

ويلتبسها الوفاء

رااااااااائع اختيارك
رعاااااااااك الله
ولك تحياتي

المسكت

تسلم يا (ابو فارس).
على هل كلمات بصراحة كلمات مؤثرة.
والي مؤثر اكثر الي هو وجودك البهي يا (الغالي).
تسلم تسلم وكلك ذوق.
اخوك: الولهـــــــــــــــان.aasw

ياعرق انا بانخاك والروح تفداك = قلبك كبير وكل قلبٍ هقا بك
محدٍ صفاله وقت وللوقت ميلات = هذا القدر مكتوب واحسب حسابك
الواحد المعبود من الهم يحماك = ويرحم فقيد راح ويرحم عذابك
يالله عسى المعبود يزيل بلواك = الله لطيف وشاف فجعة مصابك
ولو القدر عدّاك بالغد مااخطاك = وين الذي بالأمس يرعى شبابك
ياوالده مرحوم عسى الخُلد ملفاك = وفي جنة الفردوس تلبس ثيابك
حارت بي الأفكار من يوم فرقاك = غمم عليك الموت وغطى سحابك
ياطيب الشارات بالعز مربــــاك = ببكيك انا وارثيك وكلٍ بكا بك
طيبك كما نورٍ تعلى بالأفلاك = عسى عظيم الشان يجزل ثوابك
ياما تروح ارواح ماتطول ممشاك = عسى القبر روضات ونورٍ سطا بك
من ظامته دنياه بالأمس ينصاك = وتضحك له بفزعات طيبة جنابك
ياما زرعت الطيب وتطيب يمناك = الله كريم وبأيمنك تاخذ كتابك
ودعتنا واقفيت وياكود فرقاك = عسى جنان الخُلد تحضن جنابك
حقٍ كتبه الرب واليوم مااخطاك = وباكر يجي للحي واللي رثا بك

اختيارك أثار جراح نفسي ياخوي بوفارس ..

الأب بيتم اغلى انسان بالدنيا وماغيره غالي ..

وتلك المرثية اخترتها لمشاركتك ..

*

*

*

*

*

*

يبه تذكر سوالفنا ؟

لاجل هذا ..

وكل هذا ..

اقول اليوم يابيي ..

ملل هالكون من دونك ..



يبه تذكر سوالفنا ؟

تذكر حبك وخوفك علي ؟

تذكر مزحك وجدك ؟؟

يبه انت كل الحنان اللي بالدنيا

حتى لو ماكنت تحس بشي

يبه تذكر بنيتك ؟

تذكر انك وعدتني تحميني ؟؟

وين الأمان ؟ ووين الحنان ؟؟

ووين الوعد ؟؟

انا احتاجك الحين ... والله احتاجك الحين

والمرض ياغالي ماخلاك تشعر بحي

لاجل هذا ..

وكل هذا ..

اقول اليوم يابيي ..

" ما يسوى" هالكون من دونك


من اختك العناااا ... لك أرق التحاياااا

السلام عليكم ورحمة الله وبركاته

المسكت ، الولهان ، العناااا

قبل الشكر الإعتذار !

أعتذر على تأخري في الرد

وأشكركم على مشاركتكم وإضافاتكم الجميله .