الشباب ودخول الاسواق بين مؤيد ومعارض ؟؟

المشاركة الأصلية كتبت بواسطة ذات الشان

السلام عليكم
اي قرار مخالف للعاده يكون في بدايته غريب ومؤلم للبعض وتحدث بعض المشاكل لكن فتره بسيطه فقط ثم يتعود الجميع على التعايش
قرار منع الشباب من دخول الاسواق لم يأت عبثا في البداية ..لأنه من أعمالهم سلط عليهم أو لنقل البعض وليس كل الشباب وليس الشباب فقط لكن للاسف فئة كبيره منهم من الذين خط الشيب رؤوسهم وخط الزمن خطوطه العميقة في وجوههم هم رواد الاسواق اكثر من الشباب الصغار.

قلتي البعض وليس الكل فهل يحاسب احد بذنب الثاني
سواء خط الشيب فيهم ام باقي شباب ..
وهل نقول ان البنات والنساء خاليات من الخطأ ..
في الرياض في جريدة اليوم خبر الهيئة تقبض على شاب بصحبة امرأة في مطعم تعرف عليها في مستشفى كانت مرافقة مع بنتها وهو مع ابوه .. واقول هنا انها ايضا لا تمثل إلا نفسها .وليس الكل ..

المنع في البداية كان مقدورا عليه لكن الان لم يعد كذلك مع انعدام الأمانة لدى الحراس وبعض النساء من تقدم خدماتها بمقابل مادي لتدخل الشباب في الاسواق وتخرج لتأتي بغيرهم .

فكان الافضل السماح لهم لقطع الطريق على الخيانات وفي نفس الوقت خلهم يشبعون في السوق
وبصريح العباره لما يدخل شاب للسوق ويصر على انه ( وين نروح ؟) اقول الله لايعمينا اذا كان يترك ارض الله كلها وكل مكان في البلد مفتوح له وبامكانه ان يخرج من البيت اي وقت ويذهب الى اي مكان ويجلس في اي مكان يلعب كوره يمشي في الشارع يجلس على الرصيف يسبح يروح نادي يجلس قدام البيت كلها مفتوحه له وينقهر على المول ؟! هيا ادخل الان واعطنا انطباعك دور فيه الين يجيك مغص مارح تلاقي شي مميز ولا انت جاي تدور شي مميز انت جاي تقول انا ادخل اي مكان ولا يتقفل في وجهي اي باب

وش المانع من دخول السوق وهل السوق خالي من الرجال اللي هم عمال السوق نفسه ولا هم اجانب ولا منهم خطر
علما ان نسبة مرتادي الاسواق قليلة جدا واشوف ان نسبة البنات على الارصفة والمحلات العامة والمنتزهات اكثر من الشباب ..
علما انهم في نهاية الامر سوف يملون ويصبح الامر عادي ..

نجي للبنت لايمكن تسوي زي الشباب ماتطلع من البيت الا بعلم اهلها وبموافقتهم وخذ من اللي يودي ومن اللي يجيب ومتى واين وكيف ولعل ولكن وبما أن ..

هذا عندنا طال عمرك وعند فئة قليلة من البشر الحريصين على بناتهم .
تعالي شوفي في بعض المناطق من الاربع الى الخمس الى اكثر
مع سواق ومنزلهم عند مطعم عند البحر في منتزه .
وطبعا العذر واضح (اذاكر عند صاحبتي وصاحبتها تذكارعند صاحبتها وكل واحد يذاكر عند صاحبه وياليل ما اطولك )

وماقدامها الا بيوت الصديقات وهذي مو الكل يوافق عليها ،او المولات ولو كانت ماتبغا تشتري شي
هذا اذا كانت اصلا عند اصديقات ..
الشي اللي احب ااكد عليه هو ان الشباب لو حبوا يتسوقون فهناك في كل مدينة محلات في الشوارع الرئيسية مليانه بضاعه من افضل الانواع للشباب ولو راح للمول مارح يشتري اكثر من كوب قهوه ويقعد في السوق يدور ويدور ويدور الى مالانهاية .

طيب المولات هذي مثل ما قلت سابقا ما فيها عماله اجنبية ؟؟

ف ياليت نتبادل المواقع ويصير ماللشباب الا المولات وخلهم

*- طيب هل البنات الحين ما لهم إلا المولات ؟؟؟؟

يشبعون بها وباللي فيها والبنات مارح يوقفون على الابواب يشحذون الدخول مثل الشباب بالعكس رح تلاقي في حياتها اشياء اهم بكثير من اللفلفه في السوق تشغلها وتملا وقتها باللي يفيدها ويفيد مجتمعها ..
يا ام فارس انتي تتكلمين عن فئة شبة معدومة في المجتمع عن اسر قليلة جدا
تهتم ببناتها وتحتفظ عليها ويهمهم مستقبلهم ..
بس الوضع اكبر مما تتخيلي وانتي من سكان جده شوي احوال البنات على الكرنيش وحول المراسي على البحر واحكمي ..
اكتب والافكار تتراكض في ذهني واخاف اني الخبطها فاتوقف هنا واتمنى تكون فكرتي وصلت لكم كل التقدير دمتم في خير

الفكرة وصلت ان شاء الله ولكن الواقع يفرض نفسه
علينا واتوقع ان الامور اصبحت واضحة
ومكشوفة للعيان وكوننا نغطي على الشمس بغربال فهذا يعني اننا نضحك على انفسنا

ودي وتقديري