( للعيد فرحة في عيون أكثر الناس )

للعيد فرحة في عيون أكثر النـــــاس = وأكيد بعض الناس ما يعرف العيد
معروف يوم العيد تتعارف أجـنــاس = لكن أنا عايش مع همومي وحــيد
هذا شعور داخل القلب وإحســـاس = ما هو كلام ينثره زيـد وعــبــــيد
والعيد مر وصاحبي زوّد الــبــــأس = والمشكله ما قال لي عيدك سعــيد
أنا بعد فرقاه في حال هــــوجــاس= يزيد هوجاسي وأنا جرحي يــزيد
ولا تجمّل دز لي منه قــرطـــــاس = رســـالةٍ حلوه على قلبي تفـــــيد
ولاّ رفع لي هاتفه وأقعد الــــرآس = اللي كلامه يذهب الهم ويــبـــــيد
في بعده أصبح ضايع الفكر منحاس = وإذا حضر تسمع لطيري تـغــــاريد
وهذي حياتي بعدما صابني اليـأس = أنا بعيد ومن عشق قلبي بـعـــــيد
وأنا أطلب المولى يرده على أســاس = أعيش أنا وإياه وأعيد ويــعــــــيد

كل عام وانت طيب ابو محمد



صح لساانك
والله يعطيك العافيــــه
دمت مميزاً

تقبل أطيب التحايــــــاا

صح لسانك
ومــا
عدم قلمــك
شعر رائع بروعه كاتبه

صح لسانك يا غرمان يا شاعر يا مبدع ..

قرأتها في جريدة الجزيرة ... وقرأتها هنا وكأني أقرأها لأول مرة ..

يالك من مبدع ..

قصيدة ذات شجن خاص وأسلوب خاص ومعنى خاص يجيدها بخصوصية صاحب الذوق الخاص

إنه غرمان بن عزيز ..

الأخ العزيز / سيف العرب . الله يسلمك وكل عام وأنت بخير وعافيه وشكراً للمرورك الجميل يا جميل وتقبل تحياتي 0

الأخ العزيز / أبو مشعل . شكراً لك على مرورك وحسن كلامك وعساك في خير وعافيه ومن العايدين 0

الأخ العزيز والغالي / أبو ريان . أشكرك كل الشكر على المرور الكريم وبكرم أخلاقك وأشكرك على كلامك الطيب والذي يدل على طيب معدنك وكل عام وأنت بخير وعافيه ومن العايدين ومن الفايزين ان شاء الله 0

هذا شعور داخل القلب وإحسـاس

ما هو كلام
ينثـره
زيـد
وعبيـد

غرمان بن عزيز
صح لسانك وعلا شانك
بما فيها من حزن ابداااع
يعطيك الف عافيه ولك الاحترام

الله يعطيك العافيه ويسلمك يا شموخ ومن العايدين ومن الفايزين ان شاء الله 0

كل عام وأنت بخير .... ياغرمان بن عزيز ...... مرة اخرى

لازلت تواصل تألقك الشعري
صح لسانك ....

كل عام وانت بخير غرمان

رائع كما تعودنا عليك



ضي العيوون

صح لسااانك اخووي غرمان ولاهنت

وقصيده حزينه وحلووه وياما بالعيد ننتضر من الاحباب مرسال

ولا تحرمنا من جديدك

أخووك،،،

الأخ الغالي / الأشقر . كل عام وأنت بخير والله يسلمك ويعطيك العافيه على المرور الكريم 0


الأخت الغاليه / ضي العيون . أشكرك على المرور الجميل بجمال أخلاقك ومن العايدين بعد الزحمه وتقبلي مني أجمل وأرق التحايا 0

الأخ العزيز / GIVE LIVE LOVE . شكراً لك على المرور وعساك سالم وغانم والله يديم الفرح ويبعد الترح وكل عام وأنت بخير وسلامه 0