السليق النجدي ..

[نواااااره]

يا هلابكم معنا ..

طبخة اليوم :d السليق النجدي ..

مره لذيذ و ان شاالله يعجبكم طبخي :d

بصراحه انا ماعمري جربته باللحم فلذلك اخلي المسئولية للي بتسويه بلحم ..

دجاج مقطع انصاف او ارباع .. اتركيه بالجلد لانك راح تحمرينه بعدين ..

رز منقوع حسب كمية الاشخاص اللي حياكلون بس لا تكثرين لان كميته بتتضاعف و راح يتوضح لك مع الطريقه ..

فلفل اسود مطحون < ملعقة صغيره
ملح < ملعقه كبيره او حسب الذوق
قرن فلفل حار ..

في قدر الضغط ضعي مقدار ماء ( انا حطيت اربع كاسات ماء ) و لا تتقيدين بكمياتي لاني سويته لثلاثه اشخاص فقط ( حبة دجاجه و كاسة و نص رز )

و زيت و الملح و الفلفل حتى تغلي الماء ثم ضعي الدجاج و غطي القدر و احسبي له و اذا استوى الدجاج شيليه و حمريه بالفرن و حطي الرز بمرق الدجاج و زيدي عليه كوبين حليب سائل ( حليب بودره مذوب و ليس حليب طازج )

و غطي القدر و احسبي له بحسبتك المعتاده .. اذا انتهى الوقت افتحي القدر راح تلقينه مرررره مهري .. خذي المضرب اليدوي و زيدي تقريبا نصف كوب حليب و اهرسي السليق جيدا بالمضرب ..

بعدين حطي الرز بصحن التقديم و الدجاج المحمر ..

و ضعي عليه الخلطه التاليه : خلطة الجزر طبعا تكونين مجهزتها قبل ما ينتهي الرز ..

بصل مقطع شرايح رفيعه جدا + جزر مبشور ( الكميه حسب الحاجه )

يحمر البصل على النار مع شوي زيت حتى يصبح ذهبي و يضاف له الجزر و يقلب على نار هاديه جدا حتى يصبح لين و لا يحتاج لا ملح و لا غيره احتفظي بحلاوة الجزر ..

ضعي خلطة الجزر على السليق ثم زينيه بمكسرات محمصه ( كاجو مبشور و لوز مبشور )

http://store2.up-00.com/Sep13/2aM67663.jpg (http://www.up-00.com/)

http://store2.up-00.com/Sep13/TSK67663.jpg (http://www.up-00.com/)

[طيف]

تسلم الايادي نواارة ..
يعطيك العافية..

[تراتيــــل]

لبى قلبك نوني
طبخه عذاب وباللحم رايقه بعد
تسلم يمناك يالغلا..

[ابوخالد..]

والي ماتعشى وش يسوي بعمره هههههه
تحياتي على هيك حضور فاضلتنا نواااااره
مروري المتواضع

[النمر العربي]

أشكرك أختي الفاضلة نوااارة وبارك الله فيك وأسعدك في الدنيا والآخرة ، وطبخة رائعة ومسكتة وتسلم الأيادى وعساك سالمة وغانمة ، وأم محمد تعملها مثلك بالدجاج ولم أخبر أنها عملتها باللحم ولكنها أثناء رغبتها في عمل السليق تطلب مني إحضار علبة قشطة أبو تاج أو أي قشطة أخرى ولم أسألها عن السر في ذلك وكيف تضعها ومتى تضعها .
دمتي في صحة وسعادة وحفظك الباري .

[شيخة بني عمرو]

صقققققرهـ ع قولة القحاطين
الله يسلمـ ايدينك يااارب
احلى تقييمـ لعيونك

[الأزدية]

الله يعطيك العافية
ما قصرت
وطبخ السليق يختلف من وحدة لاخرى
والنتيجة واحدة
أحيانا توضع قشطة بدل الحليب
وأحيانا زبادي
وبعضهم يضيف عليه ملعقة جبنة كرافت مبشور

[عــذبــة الـــروح]

ماشاءالله
تسلم الأيادي
الله يعطيكِ العافيه

[الريم الجفول]

تسسسسلم اياديك نواره الله يعطيك الف الف عااااافيه

[آنسـآمـ آلمطــٰـرٰ]

ماشاءالله وآضح آلشغل مضبوط بالعـافيه عليكم
وبعد بـاللحم لـذيذ أكثـر...
سنعه والله يـانوآآآره الله يعطيك آلعـافيه.؛

[نواااااره]

أشكرك أختي الفاضلة نوااارة وبارك الله فيك وأسعدك في الدنيا والآخرة ، وطبخة رائعة ومسكتة وتسلم الأيادى وعساك سالمة وغانمة ، وأم محمد تعملها مثلك بالدجاج ولم أخبر أنها عملتها باللحم ولكنها أثناء رغبتها في عمل السليق تطلب مني إحضار علبة قشطة أبو تاج أو أي قشطة أخرى ولم أسألها عن السر في ذلك وكيف تضعها ومتى تضعها .
دمتي في صحة وسعادة وحفظك الباري .


حياك الله اخوي ..

السليق اكله شعبيه و انا احب اسويها على اصلها حتى تحفظ نكهتها الاصليه ..

[نواااااره]

حبيباتي الله يسعدكم يا رب و الف عافيه على قلوبكم فديتكم ..

[الكعبية]

بجد شكلها روعه

بإذن الله جاري عملها

تقديري لك

[نواااااره]

يا هلابك الكعبيه و الف شكر لك و بالعافيه مقدما ..

[ابو سيف العمري]

ما شاء الله ......... ويعطيك العافية

لكن ودي إنك صورتي الخطوات

[نواااااره]

شكرا لك اخوي ..

المره الجايه ان شالله ..