السليق النجدي ..

يا هلابكم معنا ..

طبخة اليوم السليق النجدي ..

مره لذيذ و ان شاالله يعجبكم طبخي

بصراحه انا ماعمري جربته باللحم فلذلك اخلي المسئولية للي بتسويه بلحم ..

دجاج مقطع انصاف او ارباع .. اتركيه بالجلد لانك راح تحمرينه بعدين ..

رز منقوع حسب كمية الاشخاص اللي حياكلون بس لا تكثرين لان كميته بتتضاعف و راح يتوضح لك مع الطريقه ..

فلفل اسود مطحون < ملعقة صغيره
ملح < ملعقه كبيره او حسب الذوق
قرن فلفل حار ..

في قدر الضغط ضعي مقدار ماء ( انا حطيت اربع كاسات ماء ) و لا تتقيدين بكمياتي لاني سويته لثلاثه اشخاص فقط ( حبة دجاجه و كاسة و نص رز )

و زيت و الملح و الفلفل حتى تغلي الماء ثم ضعي الدجاج و غطي القدر و احسبي له و اذا استوى الدجاج شيليه و حمريه بالفرن و حطي الرز بمرق الدجاج و زيدي عليه كوبين حليب سائل ( حليب بودره مذوب و ليس حليب طازج )

و غطي القدر و احسبي له بحسبتك المعتاده .. اذا انتهى الوقت افتحي القدر راح تلقينه مرررره مهري .. خذي المضرب اليدوي و زيدي تقريبا نصف كوب حليب و اهرسي السليق جيدا بالمضرب ..

بعدين حطي الرز بصحن التقديم و الدجاج المحمر ..

و ضعي عليه الخلطه التاليه : خلطة الجزر طبعا تكونين مجهزتها قبل ما ينتهي الرز ..

بصل مقطع شرايح رفيعه جدا + جزر مبشور ( الكميه حسب الحاجه )

يحمر البصل على النار مع شوي زيت حتى يصبح ذهبي و يضاف له الجزر و يقلب على نار هاديه جدا حتى يصبح لين و لا يحتاج لا ملح و لا غيره احتفظي بحلاوة الجزر ..

ضعي خلطة الجزر على السليق ثم زينيه بمكسرات محمصه ( كاجو مبشور و لوز مبشور )