بدع و رد ,,,,,

[سعيد عوض العمري]

البدع=
اول القول مني سلام=
و التحية لكم في نشور=
وانا لي في المعاني علامة=
دام شمس الردى غاربة=

**********************=
الرد=
يالله يا خالق الناس لام=
فزعتك في نهار النشور=
يوم كلٍ يضيّع علامة=
والخطايا على غاربه=

[الشيباني]

البدع
مرحبا يا رفيع المقام
عد ماي النهر والبحور
شاعر ينعرف من سلامه
لابدا كلمته طيبه

الرد
حظ من صلى خلف المقام
يرتجي في جنانِ وحور
وضعنا ياعرب في سلامه
والخواطر ترى طيبه

[أبو ريان]

سعيد عوض ..
الشيباني ..
كلاكما شعر متدفق ويحمل الإبداع والتجديد ..
واصلوا وترى الصيف قادم ..
صحيتوا ولكم تقديري ..

[صالح آل سلمان]

تبارك الله
ينشرح خاطري يوم اشوف الشعر الطيب
الله يعطيكم العافية

[سعيد عوض العمري]

البدع=
البقى عدّ وبل الغمام=
يا الوفي جيت علويت دور=
شاعرٍ في يمينه حسامه=
عزوةٍ للذي صاح به=

*********************=
الرد=
من يخاطر يلفّه غمام=
فانتبه لا تلف و تدور=
في المواقف نحسّم حسامه=
انتوطى الردى و صاحبه=

[الشيباني]

البدع
مرحبا وانت شاعر نظام
ما تحب الخطا والشرور
منتدانا يمثّل علامه
ما مثيله لقينا شبه

الرد
والله ياصاحبي ما نظام
عند قدح القمع والشرور
ياعلام المطوّع علامه
ودّه ايحطّها امناشبه

[سعيد عوض العمري]

البدع=
الجيش لا عاد وضع التمام=
نحتمي به مثل ضلع ثور=
بالقوى ماثلٍ في عظامه=
وي يدّه للعدو قاطبه=

**********************=
الرد=
أنت تعرف خويك تمام=
ما يريد اللغط و العثور=
ولا ادلهمّت صلابٍ عظامه=
بالمثايل لهم قاطبه=

[الشيباني]

البدع
رح دوامك وخذ الاستلام
ودي احضّرك في الحضور
عدّ يا اخي ليوم القيامه
يوم تقدير وامحاسبه

الرد
اخذها كاش وبالاستلام
ما نفرقْ بدو من حضور
والردي ما بيومل قيامه
طاح في الشر وانحاس به

[سعيد عوض العمري]

البدع=
ما هي ابعادتك كل عام=
يوم تنصح بليّا غرور=
يالذي ما نودّ اتهامه=
صرت تحرص على الراتبة=

الرد=
النصيحة لخصٍ وعام=
من تعزوى بعين الغرور=
حاجته دحدرت في تهامة=
لو يدبّل لّه ابراتبه=

[أبو ريان]

متابعين أول بأول والحقيقة ما نحب نقاطعكم ولا نحب نترككم بدون مشاركة ولو بكلمة ..
صحيتوا والله وعساكم على القوة ..
وواصلوا يا مبدعين ولكم تقديري ..

[الشيباني]

المعذرة عالتاخير لكن كان عندي مشكلة .. ما كنت اقدر ادخل المنتدى.. لي ثلاث ايام واليوم دخلت فما ادري هل كان هناك مشكلة في الموقع ولا لا .


البدع
طبعنا الجود والاحترام
ننصح اللي سكن في الصدور
عدّل الوضع يا بو دلامه
مسلمٍ واعرف الواجبه
الرد
لو يجي رامي ٍ رحت رام
مفلسٍ في ورود وصدور
لامه الشيخ والعود لامه
ضيفهم ما لقي واجبه

[سعيد عوض العمري]

صالح آل سليمان , ابو ريان

الله يبيض وجيهكم على المرور الطيب
الذي أنار متصفحنا و ابشروا بالخير
وابو مشيب يمون و ما بيننا إلا كل
خيييييييير ,,,

[سعيد عوض العمري]

البدع=
ليت نصحك بدى بك و اقام=
يا فقيهٍ ظهوره مرور=
مثل حب البرد في هيامه=
كم مكان و هو صايبه=
الرد=
راعي الصيت علوى واقام=
هامته مثل ركن المرور=
وانا ما اريد راع الهيامه=
ذرب من يوم وصّى يبه=

[الشيباني]

البدع
نحمد الله بخير ونعام
والكفو في طريقه قدور
عيدنا فطر والدلخ صامه
والفتاوي منه شايبه

الرد
بوك ونعم وسبعة نعام
وانت ما غير عند القدور
المطوع يحب الخصامه
ليت وانه كما شايبه

[سعيد عوض العمري]

البدع=
صرت تفتي فتاوايٍ عظام=
ما هي منّا و تشهد بزور=
واي عيونك عليها غمامه=
يالذي الزور قد حاط به=
الرد=
اشهد انك قصير العظام=
كيف واني لدارك بزور=
ليت من حط باثمك غمامه=
يا لسان الردى الحاطبه=

[الشيباني]

البدع
كل مسجد يقوم اله امام
والله اللي درى بالسرور
واللذي فوق راسه عمامه
طاح مبناه وانهار به

الرد
ودي انك تجي يالهمام
وبتشوف الكرم والسرور
عزوت الكفو بابنا عمامه
ما انوجد بينهم هاربه

[سعيد عوض العمري]

البدع=
منهجي ما عليه الكلام=
يالذي منهجك في دبور=
منهلي السنّه اهل الشهامة=
نور للي العمر طال به=
الرد=
يظهر انك حبيس الكلام*=
خاسر ٍ وانت في الكدّ بور=
نسفل اللاش واللاش هامه=
ضاع ناصيه من طالبه=


* اي مكلوم

[الشيباني]

الرد
انت عايش بوهم وظلام
تعطي الخمس ولا العشور
صورتك تظهر الاستقامه
والحقيقة ترى غايبه

الرد
من تغطرس ويبغى الظلام
ضللوه الحثالة بشور
ادري انك تبي الانتقامه
كم تدور على الغايبه

[أبو ريان]

لا إله إلاّ الله محمداً رسول الله ..
بيض الله وجيهكم اثنينكم على ما قدمتوا من فنون المحاورة ..
صيف وزحمة مناسبات وودنا لكم بالراحة واستعادة الأنفاس ..
قدمتوا القصيد واستمتعنا به ونشوف إنكم خلاص وهذا طلبنا ..
وأملنا فيكم كبير إنكم ما تردون الطلب ..
ولكم تقديري ..

[سعيد عوض العمري]

وجهك أبيض يا بو ريان و طلبك على العين
والراس من فوق ,,

شاكرا أخوي الشيباني على ما قدم
وأعتذر منه لو حصل زلل أو تقصير في
حقه و الدعوى كلها تسلية لا أقل ولا
أكثر و أنا مسامحه دنيا و آخره ,,

شكر خاص لأبو ريان على متابعته
و تعليقاته و الشكر عام لك من مرّ
سواء ردّ أو لم يرد ,,

دمتم في رعاية المولى على
أمل اللقاء بكم في محاورات قادمة ,,

والسلام خير ختام ,,,

[الشيباني]

اول مرة ابو ريان يطلق .. محاورة ؟؟
والله الوضع فيه غرابة ؟؟
اول المحاورة يقول ,,,الصيف جاء وشدو حيلكم .. وبعدها قال كملو وانتو مبدعين ..
والحين اطلقها ؟؟
عالعموم تكرم يا يابو ريان.. واشكر ابو فارس على ما قدم ..
ولو انه باقي بدري على الانتهاء لكن. تكرمون
البدع
طحت انا وابن عمي بين جيمٍ وسين
بعضنا خايف لا يضحك الحاضرين
بعد ما طاح وسط النار والمعركة
ليت راعي الطلب يطلب ويقدم بذاته
ما يوّكل وكيل ولا يولّي صبي

[أبو ريان]

سعيد عوض العمري ..
عاش راسك وعساك على الطيب دائماً ووافي وتسلم ومثلك نعتز به ونعده مكسب وراس مال ..
تسلم على تلبيّة الطلب وهذي من شيّم الكبار ..
..
الشيباني ..
ما غريب إلاّ الشيطان الله يحفظك ..
عدة أمور فأولاً تسلم وبيّض الله وجهك على إجابة الطلب وهذي من شيّم الكبار قدراً ورجولة ..
ثانياً لا يروح بالك بعيد فأقسم لك وللجميع بالله العظيم أنه لم يطلب مني أحداً القيام بهذا الطلب
وإنه من ذاتي ومن قدح راسي وذلك رغبةً في بقاء أهل الكلمة بمكانة راقية ..
ثالثاً أنت شاعر كفو ولا عليك كلام ومن الشعار اللي يعجبوني بقوة شعرهم وغزارته ودقته ..
رابعاً ردودي ومتابعتي لكم من أول المحاورة جاءت من حبي لكم ولقصيدكم وتشجيعي بالردود واجب
وتغيير وجهة النظر برضه واجب واللي فيه خير وقت تابع يكون محضر خير ولا يكون عكس ذلك ..
والأسود بميدان المعركة تتابعها أسود وما ترضى لأحد منها إلاّ كل خير وعفاك ..
تقديري للجميع ..

[سعيد عوض العمري]

عشت يا بوريان ذخر لنا و عساك على القوة

أما أخونا الشيباني فلا تعليق على كلامه

وليست أول مره يظن فينا ظن السوء

ولا نقول إلا سامحك الله دنيا وآخرة
إن بعض الظن إثم ,,,,,

[الشيباني]

الله يحييك يا ابو ريان..
بالنسبة للموضوع فشهادتك اعتبرها وسام على صدري وتاج احمله فوق راسي والله الشاهد على كلامي ..ووالله ان تعليقاتك ومشاركاتك في اي موضوع او اي محاورة اعدّها عندي شي كبير جدا ..!
اما بالنسبة للقصيدة .. فهذي محاولة مني لاستفزاز ابو فارس .. ومحاولة اعادته,,! للموضوع
لا اقل ولا اكثر وانت عارف اني اقدركم واحترمكم وبو فارس يعرف مكانته عندي ..
وبعدين خلووكم وساع صدوور ولا تدققون لبعض الاشياء.
ترى لازم يجي مزحه برزحه ..ومن ذا العلوم
في الختام انا اعتذر لاني زعلتكم ولكن ابشرو بالحق وطيبة الخاطر!

[أبو ريان]

أبو عوض عساك سالم وغانم يا جزيل الصفات ..
الشيباني والله ما دخل قلبي ذرة زعل وإن ما كتبت كان لأجل التوضيح ولأجل تقديركم وغلاكم عندي..
كلكم عزوة وعينين في راس وعسى الله لا يحرمنا منكم ..
وما عليكم زود جميعاً ولا بيننا حقوق أبد وكلنا أخوان ونعين ونعاون والحال واحد ..
احترامي بلا حدود ..