بدع و رد ,,,,,

البدع=
اول القول مني سلام=
و التحية لكم في نشور=
وانا لي في المعاني علامة=
دام شمس الردى غاربة=
**********************=
الرد=
يالله يا خالق الناس لام=
فزعتك في نهار النشور=
يوم كلٍ يضيّع علامة=
والخطايا على غاربه=

البدع
مرحبا يا رفيع المقام
عد ماي النهر والبحور
شاعر ينعرف من سلامه
لابدا كلمته طيبه

الرد
حظ من صلى خلف المقام
يرتجي في جنانِ وحور
وضعنا ياعرب في سلامه
والخواطر ترى طيبه

سعيد عوض ..
الشيباني ..
كلاكما شعر متدفق ويحمل الإبداع والتجديد ..
واصلوا وترى الصيف قادم ..
صحيتوا ولكم تقديري ..

تبارك الله
ينشرح خاطري يوم اشوف الشعر الطيب
الله يعطيكم العافية

البدع=
البقى عدّ وبل الغمام=
يا الوفي جيت علويت دور=
شاعرٍ في يمينه حسامه=
عزوةٍ للذي صاح به=
*********************=
الرد=
من يخاطر يلفّه غمام=
فانتبه لا تلف و تدور=
في المواقف نحسّم حسامه=
انتوطى الردى و صاحبه=

البدع
مرحبا وانت شاعر نظام
ما تحب الخطا والشرور
منتدانا يمثّل علامه
ما مثيله لقينا شبه

الرد
والله ياصاحبي ما نظام
عند قدح القمع والشرور
ياعلام المطوّع علامه
ودّه ايحطّها امناشبه

البدع=
الجيش لا عاد وضع التمام=
نحتمي به مثل ضلع ثور=
بالقوى ماثلٍ في عظامه=
وي يدّه للعدو قاطبه=
**********************=
الرد=
أنت تعرف خويك تمام=
ما يريد اللغط و العثور=
ولا ادلهمّت صلابٍ عظامه=
بالمثايل لهم قاطبه=

البدع
رح دوامك وخذ الاستلام
ودي احضّرك في الحضور
عدّ يا اخي ليوم القيامه
يوم تقدير وامحاسبه

الرد
اخذها كاش وبالاستلام
ما نفرقْ بدو من حضور
والردي ما بيومل قيامه
طاح في الشر وانحاس به

البدع=
ما هي ابعادتك كل عام=
يوم تنصح بليّا غرور=
يالذي ما نودّ اتهامه=
صرت تحرص على الراتبة=
الرد=
النصيحة لخصٍ وعام=
من تعزوى بعين الغرور=
حاجته دحدرت في تهامة=
لو يدبّل لّه ابراتبه=

متابعين أول بأول والحقيقة ما نحب نقاطعكم ولا نحب نترككم بدون مشاركة ولو بكلمة ..
صحيتوا والله وعساكم على القوة ..
وواصلوا يا مبدعين ولكم تقديري ..

المعذرة عالتاخير لكن كان عندي مشكلة .. ما كنت اقدر ادخل المنتدى.. لي ثلاث ايام واليوم دخلت فما ادري هل كان هناك مشكلة في الموقع ولا لا .

البدع
طبعنا الجود والاحترام
ننصح اللي سكن في الصدور
عدّل الوضع يا بو دلامه
مسلمٍ واعرف الواجبه
الرد
لو يجي رامي ٍ رحت رام
مفلسٍ في ورود وصدور
لامه الشيخ والعود لامه
ضيفهم ما لقي واجبه

صالح آل سليمان , ابو ريان

الله يبيض وجيهكم على المرور الطيب
الذي أنار متصفحنا و ابشروا بالخير
وابو مشيب يمون و ما بيننا إلا كل
خيييييييير ,,,

البدع=
ليت نصحك بدى بك و اقام=
يا فقيهٍ ظهوره مرور=
مثل حب البرد في هيامه=
كم مكان و هو صايبه=
الرد=
راعي الصيت علوى واقام=
هامته مثل ركن المرور=
وانا ما اريد راع الهيامه=
ذرب من يوم وصّى يبه=

البدع
نحمد الله بخير ونعام
والكفو في طريقه قدور
عيدنا فطر والدلخ صامه
والفتاوي منه شايبه

الرد
بوك ونعم وسبعة نعام
وانت ما غير عند القدور
المطوع يحب الخصامه
ليت وانه كما شايبه

البدع=
صرت تفتي فتاوايٍ عظام=
ما هي منّا و تشهد بزور=
واي عيونك عليها غمامه=
يالذي الزور قد حاط به=
الرد=
اشهد انك قصير العظام=
كيف واني لدارك بزور=
ليت من حط باثمك غمامه=
يا لسان الردى الحاطبه=