وينك يابوليلى المهلهل؟؟

[امرؤ القيس]

يابو ليلى المهلهل من زمان(ن) طويل
وانا ادور عليك وما لقيت الاثر
===========
وانشد الناس عنك وقالوا انك عليل
ياعسى ماخلاف ومايجيك الخطر

[الشيباني]

اسمح لي بالرد الي يجي ابوليلى............


مرحبا مرحبا بك يالمليك الضليل
كل ضيف يلاقي المكرمه والقدر
====================
طال ليلك مع الشعار والليل ليل
اصبر اصبر الى طالت دروب السفر

[بن خشيـل]

أمرؤ القيس أبن أبان والشاعر الشيباني

يعطيكم العافيه على الدرر الرائعه
وأسمحوا لي أجاريكم بهذه المشاركه :

أمرؤ القيس رحال(ن) وتاجر جليل
الله كم من بلاد(ن) من وسطها عبر
===================
مايـدور لعــراف وينشـــد دليـــــــل
وآنا من سيرته خذت الحكــم والعبر

[ابوليلى المهلهل]

خلووووووووووووووووووووووووووووووووووها

مرحبا مرحبا ياصاحبن مايميل
من يدور لبو ليلى يحصل خبر

اول الغيث قطرهـ مابعد سال سيل
ياحليل الذي في السيل طاح و عثر
...........................
معليش على التأخير..
ولاهنت يالشيباني وبن خشيل

[الخطاف]

امرؤ القيس +الشيباني + بن خشيل + ابوليلى المهلهل
صح الله السنتكم جميعاً
شعراء مبدعين ومحاوره تستحق المتابعة
تقبلوا مروري ولكم كل التقدير

[امرؤ القيس]

أشكر الجميع عالمرور والمشاركة.......

يالشيباني هلا بك وارحب يابن خشيل
تو ماطاب ليل المنتدى والسمر
===========
خلو الزير سالم بين رأس وذيل
حن نعدّيه ولا نوقّفه مايمر

[ابوليلى المهلهل]

ويل حالي على ترحيبنا ذا قبيل
العرب ماتساووا في بلوغ القدر
___________
وابوليلى طويل ذراع عساف خيل
انتبه لاتوقع وسط موت ـن حمــــــر

[الشيباني]

حذاري محاوره من الطراااز العاالي......
امرؤ القيس وابو ليلى الله يقويكم..........حن متابعين....ونشوف النهايه لمن.......
اما للمرؤ القيس...الي يقول خلوا الزير سالم بين رالس وذيل
حن نعديه ولا نوقفه ما يمر

واما لبو ليلى... الي يقول ابو ليلى طويل ذراع عساف خيل
انتبه لا توقع وسط موت حمر

[امرؤ القيس]

نكرم الضيف وانقهويه بن ــن وهيل
والعرب تعرف الوراد واللي صدر
===========
يعسف الخيل ذا السياس صبح ــن وليل
لكن من فوق سرجه طاح عشر وظهر

[بن خشيـل]

الشيباني ....

أنت رئيس لجنة التحكيم في المحاوره بين ..أمرؤالقيس .. والمهلهل
وأنا مساعدك ولو ان ماعليك زود

[ابوليلى المهلهل]

انت خيل ـن اصيله تنعرف بالصهيل
والاصايل تسيس في صباح وظهر
_____________
بندقي يوم ثارت خاف منها الهبيل
وانت رجال صابر ماتهاب الغدر

[امرؤ القيس]

فرّرق بين الاصايل والفرس ياحسيل
وارتقي دامني في منتدى ابني عمر
===============
والله لو كان لك بندق ونارــن وكيل
ان راسك موطا وعينك المنكسر

[امرؤ القيس]

للحديث بقيه
ولكن نكمل يوم غد باذن الله

[ابوليلى المهلهل]

خلوووووووووووووووووووووووووووووووووها

اشكركـ ياصحيبي عالكلام الجمـــــــــيل
ورد اللي بصدرك دامكـ المنقـــــــــهر
__________
انا شعري به اوزان ـن وهرج ـن نبيل
اترفع بشعري عن غلط ذا البـــــــــــشر

[الشيباني]

يا شعااااااار هدو اللعب تو الليل
والشاعر يكون له نفس طويل ...ما يصلح تنهونها بدري
وبعدين ترفعوا عن بعض الامور...

لا يجي يالرفاقه فيها حق ونكيل
انتو اصحاب مانتو في طريق الشرر

[بن خشيـل]

عشتو ياشعار وعاش الحكم

وأضم صوتي لصوت الشيباني
الرقي بالكلام عن بعض الوصف الجارح ولو إن صـدر ابوليلى كبير

والمحاوره الآن في أوج تفاعلها ....واصــلوا نتابعكم

[بہرسہتہيہج]

http://www.s966.info/sornew/uploads/2e9f1985b6.gif

[بن خشيـل]

http://www.s966.info/sornew/uploads/2e9f1985b6.gif

السفير وين وديت مساعد الحكم ؟
رده هلم الله يزوجك !

[بہرسہتہيہج]

عاينه اقبل ومعه مشعاب ذا يلف ويدور مايلا قله ...

هههههههههههههههههههههههههههههههه

[امرؤ القيس]

لو تطالع في انجوم السماء لو تخيل
ما تعدى السحاب وما تتحرك شبر
================
هذي أول خطاكم في مشوار ألف ميل
وانا فوق القمر بنيت بيت وقصر

[ابوليلى المهلهل]

مسهل الهرج والكذبات ماهي قليل
عشتكـ في بلاد الهند مدري مصر
____________
العن ابيليس خل البهرجه والهليل
منت راعي قصور ولنت راعي فخر

[بن خشيـل]

المحكم الليله باقي ماجاء الله يحفظه
وانا المساعد أقـــول:

هذا هذا القصيد والرزف اللي ندوره
يعطيكم العافيه

أمرؤ القيــــس : مستواك اليوم رهيب .. أفضل بكثير من البارحه
أبوليلى المهلهل :مستواك رائع زي ماعهدناه .

[امرؤ القيس]

يابو ليلى المهلهل ياحليلك حليل
منقعرمالشياخه ميت ــن مالفقر
==============
مال الايتام تحرم سرقته يالعميل
كلما جيت بالسهله تجي بالعسر

[ابوليلى المهلهل]

تخبر الشايب اللي قال عندي زميل
صورتك واضحه يشبهكـ لامن فـــــغر
____________
والطماطم ترى ماهيب مثل الغميل
انتبهـ ياصحيبي من كلام الـــــــدشر


معاي زميل ....ههههههههههههههههههههه

[امرؤ القيس]

القصايد ترى ماهي بقال ــــن وقيل
القصايد لها معنى وفن وعبر
===========
يالمهلهل ترىمن بعد الاجيال جيل
والزمن بيننا لو طال ولا قصر

[بن خشيـل]

والزمن بيننا لو طال ولا قصر
أمرؤ القيس
أني أشم رائحة تهديد منك للمهلهل ( إذا بتجلده بالمعاني والأبيات ) مافيه خلاف
إما شيء ثاني فوجه الله أمنعنا من الشرهه
هههههههه
محكم حشري !!

[ابوليلى المهلهل]

اسسسسسسسسسسسسسسسسسمع..


كل واحد له اسلوب ـــن وخط وسبيل
والنخل دايم ــن ماينتج الا تمــــــــــــــر
_____________
والمعاني دقيقهـ مثل حد الصــــــقيل
ياحليل الذي بيديهـ شــــــــال الجمر

[الشيباني]

مساكم الله يالخير جميع......
وبيض الله وجيهكم على هذه المحاوره الجميله والرائعه في نفس الوقت ..
اما بالنسبه لك يابن خشيل فانت قدها واقدود ولا انت من دونها
شاعر... وناقد.... وحكم

[راعي الهدلا]

اسمحولي يا شباب ابدي علمي فالمحاورة وامل ان تتسع صدوركم لكل الاراء والتي لا تفسد للود قضيه


اشهد ان المهلهل ما يجيب الهزيل
محتزم له بنيمس ما يحب الكمر


وامرو القيس شاعر بالكلام الجزيل
فرقوا بين عاشورا وعيد النحر