مايجذب الموجب الاروعة السالب

النص / حالة تجرد / فلسفه حرة محاولة للتوحد والخصوصية ..علاقتي فيه : حب ومن طرف واحد.. نزعاتها تفتقد نزعه ثنائيه كريم .. واكراما ً لجيته في بالي ذبحت له منهج ومطلع وقافيه وعزمت .. ما لا كتبته من قناعاتي وما تيسر من احرفنا الهجائية يا ضيفي المتعب من الضوء والشهرة الليلة انسى معايير النجومية خذ راحتك واترك احساسي ورى ظهرك شاعرك مستاء و افكاره جنونية يؤمن باشياء : ما يقدر يفسرها ويكفر باشياء : جبرية وحتمية الكون في نظرته من شرقه لغربه كل شي في داخله مسلوب حرية الروح مسجونة فجسم البني ادم والآدمي منسجن في كوره ارضية وبالرغم من كبر حجم الكوكب المائي الارض مسجونة بقبة سماوية لذا يكون الخضوع احيان بالفطرة تحت أسس واضحة لاحكام كونية والدين في نظرته مـن وحيه لفقهه أسمى رتب الاحتياجات الغريزية تاكيد لا منطقي الفكر بالمنطق وتجسيد الاعجاز في فكرة بديهية اعطاء الانسان معنى انسان فعليا احساسه بقيمة العيش بشمولية لذا يكون الرقي في أعظم احواله تعــلق الذات بالذات الإلهية والحكم في نظرته من عدله لظلمه تصحيح الاخطاء في صوره ضبابية تصريح بأن الحياة المقبله اجمل وتوضيح معنى الفخامة والرفاهية وفساد الارض وخضوع الحق للباطل الحاصل من الصراعات السياسية لذا تكون الدول في العالم الثالث هيئة لتنفيع مجموعة حرامية والشعب في نظرته من بعضه لكله الركض خلف التفاهات الكمالية تكريس الاذهان في ما لا ينميها برنامج , مسابقة , جلسة رياضية اهم شي العقول تكون مشغولة باشياء لايمكن تسمى مصيرية لذا تكون الشعوب اجساد تتكاثر وتمارس الدجـه بصورة جماعية والمجتمع مسرحية والبطل فيها افضل ممثل لتمثيل المثالية والانتماءات للاحزاب والمذهب ماهي بمحصورة بموطن وجنسية تشـل جسم البلد وتشتت الوحدة تزرع تفرق وتجني حرب اهلية والناس فـالناس مدري ويش مشغلها ؟ حسبي على نزعة النفس الانانية تخلي الادمي مشغول في ربعه عين فبني عمه وعين فبني خيه عنده حساسية من الناجح الاقرب والقرب لا زاد تزداد الحساسية ولو انه مراقب اوضاعه ومصلحها كان العلاقات بالغالب حميمية والرجل لابد يصنع نفسه بنفسه ويجابه المستحيلات بعصامية تحفظ قياسية الارقام وتسجل من اجل تحطيم الارقام القياسية وتعامل الشخص مع غيره يبين لك مقدار مافيه من ازمات نفسية والرحمة اصدق مشاعرنا واروعها لله در التواضع والمحنية وممارسة قوة السلطة على ضعيف ردة فعل ناتجة عن ضعف شخصية على التناقض تعيش العالم وتحيا بـعقول وحدة وبافكار انتقائية ولاهو ضروري طبايعهم تفرقهم الاختلافات احيانا ضرورية مايجذب الموجب الا روعة السالب والضد بالضد قمة بـالرومنسيه خذني مَثَل حي رغم اعجابي بنفسي وتقديري لكل طبع وخصلة فيـه عمري ماحبيت وحدة طبعها طبعي انـا حياوي ولا احب الحياويه اسرفت واعذرني ليا اسرفت يا ضيفي الليلة زيارتك ماهي بـعادية ليا متى والشعر مايشبه الشاعر وعلاقته فيه محدودة ورسمية لكن خلاصة حديث المدرك الهايم في وادي افكاره الغر الفجائية لو كل ماساد بين الناس مقنعنا ماعاش الابداع فارض الاتباعية مع وافر الكره والتحقير والضيقه سحقاً لكل السخافات الوراثية استهوووا ذاائقتي.. اتمنى يليق لذوائقكم... تحيتي..

وش ذالحماس ماشاء الله؟؟!!
يعطيك العافية
لكن من طولها نسيت أولها.. هههههههه

والناس فـالناس مدري ويش مشغلها ؟
حسبي على نزعة النفس الانانية

تخلي الادمي مشغول في ربعه
عين فبني عمه وعين فبني خيه

عنده حساسية من الناجح الاقرب
والقرب لا زاد تزداد الحساسية

ولو انه مراقب اوضاعه ومصلحها
كان العلاقات بالغالب حميمية..



الف شكر على الإختيار الرائع

الله يعطيكِ العافيهـ,,