طلب من جميع الأعضاء بدون إستثناء

اخواني واخواتي الكرام

السلام عليكم ورحمة الله وبركاته

من المعروف ان الإنسان يخطىء في أمور كثيرة في حياته وليس هناك اي شخص منا معصوم من الخطأ 0 والمناصحة بيننا واجبه ولكن لفت نظري موضوع لأحد الأعضاء ينصح عضو آخر بطريقة غير مرغوب فيها وهذا مالا يرضاه أي أحد أن ينصح أمام الملأ وقد أتى من رد بردود ملفتة للنظر أكثر من موضوع النصح وهذا ليس بالشيء المطلوب فيما بيننا أن نشهر ببعضنا البعض .. هذا اذا كان هناك خطأ فهناك أكثر من وسيلة منها الرسائل الخاصة او عن طريق البريد اذا كان الغرض النصح 00 اما اذا كان الغرض ان يشار الي بالبنان انني اكتب فهذا شيء غير مرضي ابدا 0 ولن يرضاه احد
وانني اتمنى واطلب من الجميع عدم التشهير بأي عضو مهما كان غلطه 0 والا فإن مصير الموضوع للحذف والعضو للإيقاف أي كان 00

ارجو ان تكون الصورة واضحة للجميع 00 ودمتم سالمين

وفقك الله اخي ابو سلطان

تكلمت فأجدت

سلمت يداك اخي الكريم

الواقع واقع والخيال خيال
والاعجاب إعجاب والكلام كلام

كلنا جميعاً نعلم مدى ما نضع سواء كان من باب ان ذلك اعجبني او سواء من باب انني انا اخترت ذلك لذوقي

جميعاً وافقنا على امور قبل تسجيلنا ونعلم ذلك بكل المنتديات


من وجهه نظر خاصه قد تكون لدى الجميع الا من كان له ارتكاب نفسه باكبر من حجمه بالكلام

نعم انا اسف قد يكون هناك شئ في داخلي من باب النصح لكن لن اترك الفرصه لنفسي حين ذلك انا انصح بالتشهير

وانسى((اقضو حاجاتكم بالكتمان))
فما اجمل ان افعل الخير وانا واثق انني بتلك الطريقه ساعمل بصدق مو باني انا امامكم قلت كذا وكذا



من اراد ان ينصح فقد ذكرت اخي ابو سلطان الطرق المباحه

كلى امل ان نكون سوياً في النصح سراً وليس علناً


اتمنى من الجميع المشاركه بعين الاعتبار

المسكت


تحياتي

صح لسانك أبو سلطان

وهذا الي نبيه من جميع الاعضاء

وياليت يسمعون كلامك

الحب الحب

[c]
هذا هو الكلام السنع

المفروض انه يحصل كذا فعلاً .... بس للأسف ..

اللي يبي ينصح احد يكلمه بهدوووووووووء ومو قدام الكل

هذا اسمه نصح إيه ...

لكن صراحة يكتب موضوع وخلق الله كلهم يشوفونه

هذا مو نصح هذي فضيحة !!! واحراج له

وياجماعة بديهياً يعني بالمنطق كذا ...

الحين انا ابي انصح احد احرجه قدام الكل ؟؟!!!!!!

أكيد ماراح يسمع الكلام حتى لو كان صح ... ليش لأن الأسلوب خطأ وأحرجه

أما إذا كان قصده النصح ونيته طيبه وغرضه إن الكل يستفيد من الموضوع
برضه ينصحه بهدووووء وبعدين يكتب موضوع يناقش هالقضية

عشان يستفيد منه الكل ...

يعطيك العافية اخوي سعيد العمري ...

ولك مني ... أرق التحاياااا

العناااا

[/c]

كلام لا غباار عليه وواضح للكل
ونرجو من الله التوفيق
واتمنى ان لايكون عضو يحمل على عضو من اي موضوع كان فكلنا اخوه

وتقبلوو تحيااتي

المهاجر07ff)

المشكلة ان فيه بعض الاعضاء اللي يعتقد انه ما فيه عالم ولا عارف بالامور الا هو ويعتقد ان الجميع سذج ومن باب النصح والامر بالمعروف والنهي عن المنكر يصب جام غضبه ويكيل على من خالفه الرأي ويعتقد انه وصي على الناس والشافعي يقول ( كلك عورات وللناس السن )

ما ادري ليش بعض الاعضاء ما هو قادر يستوعب ان هذا المنتدى منتدى حر يعني ليس منتدى متخصص لامر من الامور وادارة المنتدى بينت منذ البداية سياسته فلا نريد الغلو ولا الافراط والتفريط .

وارى ان على من شارك في هذا المنتدى السير حسب الاغلبية وان لا يشذ عن بقية الاعضاء فلسنا في حاجة لسياسة القمع او التشهير من باب النصح

واختم القول بالدعاء الصادق لادارة المنتدى بالعون والتوفيق حيث انهم يجدون صعوبة بالغة في التعامل معهم فلا هم يرغبون اقصائهم ولا هم راضون عن افعالهم واقوالهم

وصلى الله على سيدنا محمد

وفقك الله اخي ابو سلطان

تكلمت فأجدت

سلمت يداك اخي الكريم

تحياتي لك

أبو عُــــــــــــــــــــدي

واريد ان اضيف

انني كنت اتمنى عدم حذف المشاركة المشار اليها لكي نتطلع على من نتعامل ونتعاطى معهم لكي نكون على بينة

الدين نصيحة..وليست فضيحة..

من هذا المنطق المفروض الواحد فعلا يتصرف .. يعني فعلا لو فيه اي ملاحظة على اي موضوع يطرحه اي عضو تكون عن طريق الخاص وان يتبع الناصح السريه والكتمان ..

وانا بعد لاحظت ها الشئ في بعض الاعضاء وفعلا امر مخجل لانه اكيد يسبب للعضو احراج وربما يتبادر إلى اذهان البعض اشياء كثيره بسبب النصح او بمعني اصح التشهير ..


تحياتي الاخ سعيد فعلا اعتقد ان حذف الموضوع حل رائع ولكن الايقاف صعب ومثلما قلت مسبقا لانه اكيد كل شخص اعتاد على المنتدى من الصعب ان يتركه وان لا نغلط مثلما غلط هو الاخر ولكن تنبيه لغلطه ..

تبقي وجه نظر ..

كلامك رائع جدااااااااااااا

وتنبيه في وقته ....لكن مثل ما قالت التوقيف والله ما نقدر عليه ...
لأنه زي ما قالت الوفاء تعودنا على المنتدى ..
والإنسان ما هو معصوم ......

أشكرك أبو سلطان ...

السلام عليكم ورحمة الله وبركاته
هذا ردي:

المعذره لمن يحترم نفسه وتكون نيته صادقه

انا وانا داخله الموضوع وكأنني من انكتب من اجلها ذلك الموضوع
لكن انا اثق بان من يريد ان ينصح فكما ذكرت اخي ابو سلطان هناك طرق مستحبه واسلوب معين مو اي اسلوب واي كلام

لكن من وجهه نظر خاصه انا وضعت موضوع يختص بالنساء يعني ماله داعي يتدخل الرجال استثني الاعضاء في ابداء رائهم وكلي لهم احترام لكن مو من باب اللي ما يفهم يسوي نفسه فاهم
كلنا واقعيين ومتطلبات الوقت لتقوم المرأه بخصوصياتها لزوجها
ليس مُحرم ان تضع مكياجها وان تبحث المراءه عن جمالها امام زوجها وما وضعت واي بنت تبحث عن الجمال وعن كل ماهو جديد
في سبيل ان تكون باحلى مظهر
فديننا اوصانا من الباب ذا بالتّزين ورسولنا امرنا ان نتزين لأازواجنا
كان لتواجدكم ارهاب للدعوه ونفي للسنه انا اسفه والله بس ثقو انا بنت رجال وكرامتي وسمعتي تهمني اكثر من تفكيركم
وانا وبكل صراحة واعتقد ان كل الاعضاء عرفوا
او اعتقدوا انكم قاصدينها فيني
انا لست من باب ان ينقلب جرح احد لكن من باب ان نكون جميعاً على ثقه باننا نحن هنا لا هناك واحب اقول لكل من شارك يسعدني شرفي فوق كلام من انتابني
انا انسانه
بس وربي يا شعب الذياب وانت ابو عمر انكم فاهمين غلط
اسمحولي ان ارتقي على كلماتكم بانها كانت موجه سحاب كثيفه لكن شاء الله ان لا يكون لتلك السحابه رذاذ وذلك يدل على النيه الداخليه للقلب

كم كنت اتمنى ان يكون كلامكم على الخاص لكي استفيد ونكون اخوه لبعض يسعدنا النصح اذا كان فيه غلط (( خلوكم معي اذا كان فيه غلط)) مع الرغم ما حصل مني غلط لكن تفكيركم بقوه شجبكم انال اقلامكم اكبر منكم



اتقو الله واتبعو سنه رسوله في النصح
((هذا اذا غلطنا)) انصحونا راح تجدونا متجاوبين(( وخير الخطائون التوابون))

اشكرك ابو سلطان اشكر لكم حظوركم

سابقى افضل منكم شعب وابو عمر بس ياليت تفهمون قبل تكتبون
واتمنى تعون وتدركون كلامي زين
وتحطونه في بالكم
وتتذكرون كلامي قبل اي رد
واذا قلتوا ان المنتدى يحمل اسم قبيله وخايفين على سمعته
انا اخاف على سمعته اكثر من اي واحد منكم

واذا قلتوا الناس وش راح يقولون اذا شافوا الصور؟؟
انا اقول وش راح يقولون الناس اذا شافوا
هالاسلوب الــ.....؟؟
للا سف الكلمة مااقدر اكتبها واكيد الكل عارفها
وكفايه اللي جاء منكم لي من تجريح وكلام يستحي الواحد يقوله

لا ومع ذلك تقولون اخوان..؟؟
اسألكم بالله اسألكم بالله احد يحرج اخته بهالطريقه؟؟
ابدا وبليز لاتقولون نصح اوكي
ولا تقولون موب قاصديني ؟؟
لا قاصدينها والكل عارف هالشي
وانا وحده تهمني سمعتي وكرامتي وقلت هالشي من قبل
اتمنى هالاسلوب هذا مايتكرر مو بس لي لا
لاي عضو اخر
وان تكرر معي لي تصرف ثاني
ويصير خير انشاء الله
الشغله مو سايبه ترى!!
وراي رجال مو داخله المنتدى اعتباطا
اتمنى انكم تفهومن هالشي
واذا مو واضح اوضح اكثر
ماعندي اي مانع


تحياتي لللجميع:
اختكم:
منــــــ اوووش ـــاوي

((لأنه زي ما قالت الوفاء تعودنا على المنتدى ))

ابي ارد على كلام الوفاء:

الكلام عام صحيح
بس بالنسبه لي اقصد فيه شخصين فقط لاغير
انتوا تعرفونهم وهم ادرى بانفسهم اكيد

وبصراحة يستاهلون التوقيف ليش لا؟؟
مادام الاسلوب والطريقه وكل شي غلط في غلط


واللي على راسه بطحا يحسها
فاذا كانوا يشوفون انهم صح
اجل وشو الغلط؟؟


تحياتي
مناوي

بسم الله الرحمن الرحيم
* * *
الصوره واضحه للجميع وجزاك الله خير .
* * *
ولكن صدقني اذا وجد الأختلاف فهناك شيء ينبغي تعديله ,وسبق ان أرسلت لك رساله خاصه بهذا الشأن .
وللأسف بعض المواضيع تحذف من قبل المشرفين متبعا سياسة (من لم يكن معنا فهو ضدنا ) وهذا مخالف تماما شعار (الحريه مكفوله شريطة الأحترام)
أرجو منك ومن الجميع الأطلاع على موضوع(هذا رأئي بكل صراحه.... المنتدى العام) ومن ثم ايجاد حل مناسب يكفل عدم التدخل من قبل الأعضاء فيما لا يخصه .
* * *
وفق الله الجميع

اخي ايها المشرف العام
تشكر على توجييهك الاداري والقرار الصائب فهو محل اهتمامنا وبالتوفيق باذان الله


((كلمات خاصه مرسوووله لا اصحابها ))
* قبل ان تكتب ردك على موضوعا ما شاهد نفسك بالمراءه عده مرات واسئل نفسك عده اسئله هل تستحق بان تكون تلك الردود ردودك او لا.

* قبل ان تقول هذا منتدى قبيله ويحمل اسم قبيله انظر ماذا فعلت انت لتلك القبيله ومن بعدها حاول ان تحافظ على ذالك المستوى ولا تحاول ان تنزل به الى الحظيظ .

* كل عضو موجود بهذا المنتدى له احترامه وتقديره سواء شاب او فتاه فلا نسمح لاي كان بالتجريح لاي عضو متواجد في قائمتنا فالكل هنا اخوه تجمعهم المحبه والالفه والتناصح فيما بينهم بالخير باذن الله

* المنتديات النسائيه اعتقد للنساااء ماله داعي نشووووف الشيبان متكين فيها ((متقاعدين يبون يتعلمون الطبخ والله العالم ))
.
=================================
الى الاخت الغاليه مناوي
تذكري هذا المثل دوما واعلمي انها هو السبب لااكمال مسيرتنا
فما تزال القافله تسير والكلاب تنبح
** طبعا بلا شك لا اقصد شخص بعينه ولكن اقصد كل من يحاول انتقاص عضوو او انقاص هذا الصرح حق من حقوقه




ولكم خالص تحياتي
ودمتم بود