على طاري صباح الورد

على طاري صباح الورد, وإسمك, والحلا والذوق
ذكرتك يااجمل أحلامي , بقافي واستهليته



على درب القصيد أسوق , قلبي والخطاوي شوق
وإذا مالت بي الخطوه , على دربك تنآسيته


يهز الشوق بأعماقي , عناقيد الغرام عذوق
ويقطف بالغلا فيني , غرام(ن) خنت وأخفيته


أحبك كثر ما يشعل , غرامك في حشاي حروق
وشبٌه زود لو يحرق , ضلوعي مت ما اطفيته


أحبك دمعت(ن) طاحت , على خد الصباح اشروق
يموت النور لو طاحت , على كفي وضميته


أحبك , إيه أحب إسمك .وأموت بجيدك المنتوق
و تخيل كثر ما أكره صدودك , قمت حبيته


تموت من البطا غيمه , طعنها من جفاك بروق
وغشى روض الحشا وسمي , جفافك وإنت ما ارويته

رحلت , وما بقى منك سواك إنت , و عنا مفهوق
عنا ذاك الربيع اللي , غشاني ما تمنيته


تعال , إجرح على كيفك , تربع واستحل عروق
تدلل والبساط أحمد , وأنا لرضاك مديته

قم إسهج لآخر ضلوعي, تغلغل داخلي برفوق
حلالك ما بقى مني , مع اللي لأجلك أفنيته


من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته


وربي , من كتبت إسمك وبروزته بقلبي فوق
وأنا ما دار في بالي , قصيد ما تحاليته


دخيل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته


إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته


يذكرني صباح الورد , وإسمك , والحلا والذوق
وأردد يا ( أجمل أحلامي ) بقافي يوم هليته


م.ن

دخيل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته



نص مفعم بالمشاعر الصادقه والكلمات النازفه
سلمت ابو ليلى على هذا الاختيار الراقي
تقبل مروري

ابو ليلى ..,,’’

شكراً يآسيدي لذآئقتكَ الجميلة ..
نص رآئع جداً أستمتعت بالتجول بين أحرفه ..
لآعدمنآ روحكَ المكتضة بالنقآء والبهآء
ودمتَ بألف خير ورضى من المولى

بقآيآ حلم

ابدآآآآع
ذائقة ولا أحلى
ابو ليلى
اشكر ذووقك يا فن

عوافي أبو ليلى ..
قمة والله هذه القصيدة ..
اختيار تشكر عليه ولاهنت ..
تقديري ..

ابو ليلى

رااااائع جعل ربي يعطيك العافيه


ولكن القصيده مكرره ع هذا الرابط

http://forum.baniamro.com/t49640.html